خوات زوجي

السلام عليكم
كيفك حبيباتي انا عضوه جديد
بحكي لكم مشكلتي
انا متزوجه تقريباً بكمل السنتين واتزوجت واحد من عائلتي بس في بلد غير بلدي يعني بعيد من امي وابوي والحمدلله هو كويس وحياتنا ماشيه والان عندنا ولد الحمدلله انا مهتمه ببيتي نظيف عندي شغال الحمدلله وزوجي مقتدر وقبل م يتزوجني عارف اني لا اعرف اطبخ ولاشي وقال انا مش طالب منك شي وبجيب لك طباخ وشغاله واللي يلزمك مع العلم اني تزوجت بعد الثانويه وعمري كان ١٨ ووعد ادرس الجامعه بس للان ربي م كتب
المهم انا ببيت اهلي م تعلمت اطبخ وامي كانت م تهتم لهذا الشي لان في بالها بتزوج بهد الجامعه بس النصيب يعني اعرف اسوي عشا واشياء خفيفه بس مو طبيخ وكذه هذا الشي الوحيد اللي م اسويه بس مهتمه بنفسي وبابني وزوجي من ناحيه اي شي ثاني وبيت مرتب ونظيف ولابسه وكاشخه دايماً ومعاملتي لزوجي كويسه الحمدلله مشاكلنا مو كتير بس انا للان م طلبت من زوجي طباخه او طباخ وانا ساكنه بشقه فوق بيت اهل زوجي عندهم بدل الطباخه اثنين طبعاً يشتغلو باشراف عمتي الله يحفظها تعاملني زي بناتها مشكلتي الوحيده اخواتي زوجي وخصوصاً الصغير طبعاً بعطيكم نبذا عنهم هم ٥ ولا وحده متزوجه زواجه زي الاوادهم ولا وحده تعرف تطبخ وبالنظاف لولا الشغالات م كانت غرفهم نظيفه غير كذه راعيات شيشه ومكياج ولسانهم كل وحده اطول من الثانيه المهم من بعد م ولدت وهم بداو يلمحو ع قصت اني م اطبخ ويرموني بالكلام ويتكلمو قدام زوجي ع زوجات اخوان صحباتهم ويمدحوهم في الطبيخ وكذه وزوجي مو مهتم بس انا اللي انحرق بالكلام .. حاولت بدايت زواجي اطبخ بس كنت احس زوجي م يتقبل اكلي كثير ياكله مجامله احبطني ووقفت الطباخ وكل يوم الكل ترفعه الشغاله لنا بس احس نفسي مقصره وبنفس الوقت م في شي ولا في حد يشجعني ع الطباخ كل اللي في البيت مرتحات ونايمات ولا وحده تعرف تعمل شي بس ينتقدو .. ابغى حل .. مو مفكره اتعلم غصب عشان ارضيهم .. وبنفس الوقت م ابغى اكون مقصره ويتكلمون فيني ..
ساعدوني الله يسعدكم