خوات زوجي

السلام عليكم
انا متزوجة وساكنة في بيت أهل زوجي ولكن في شقة منفصلة
زوجي انسان له عيوب ومميزات وتصير بيننا ياما مشاكل لكن انا أكبر عقلي وأقول مافي بيت يخلى من المشاكل.
لكن لما تجي المشاكل من أهل الزوج أمه وخواته هنا تحسين ان مافي ولا طاقة للصبر خصوصآ لما تكوني انسانة مسالمة وتحبينهم وتعاملك معهم بطيب اصلك ويقابلونك بالنقيض.
كانوا سبب رئيسي في زرع المشاكل بيننا. كان يروح يجلس معهم ويجيني زي السكران معصب ويشتم ويضربني حتى وانا حامل اسأله ليش ايش صاير يقول خواتي يقولون انك رفعتي صوتك على أمي
متخيلين يابنات بدون نقاش ولا سؤال حتى.
هذا وغيره من المواقف المشابهه
ولا كنت اشتكيه لأحد من أهلي بس أبرر وادافع عن نفسي
وهو في داخله يعرف اني بريئة ومظلومة لكن مايقدر يوقف معاي ويدافع عني لأنه يخاف منهم شخصيته ضعيفة جدآ قدامهم وعندي مسوي نفسه أسد الغابة.
المهم يابنات المشاكل زادت وفي يوم مد يده علي قدام امه وفي حضني طفلي الرضيع توه مولود
لدرجة ان انفي نزف من شدة الضرب على وجهي.
اتصلت بأبوي وكان أول مرة يسمعني اشكي وأبكي بنفس الوقت قال لمي اغراضك انا جاي آخذك.
الحمد لله ان ابوي وقف معاي شاف آثار الضرب ولامني لسكوتي. وقال والله ماتروحي له الا لما يعرف قدرك
وزوجي طالب برجوعي وانا اشترطت سكن مستقل عن اهله وانه مايمد يده علي.
لكنه ماوافق وبعد أشهر من التعليق ابوي قال له اما امساك بمعروف او تسريح بإحسن. واختار الطلاق.
تطلقت وعشت اول سنتين أحلى حياة استرجعت كرامتي حبيت الحياة من جديد وربيت ولدي أحسن تربية أهلي دعموني وكانوا سندي بكل شيء.
لكن بعد هالسنتين بدت معاملة أهلي تتغير لي بسبب كلام الناس اني منفصلة مجتمعنا للأسف حتى لو يعرف ان الزوجة مظلومة لكن ماينصفها اشوف نظرات الناس لي وسؤالهم الدائم عن سبب طلاقي.
مرت السنوات بطيئة ثقيلة وطليقي صار يتقدم لي ويوسط اشخاص لرجوعي.
وانا استخير وما احس بالراحة ابد
بالرغم انه وافق في النهاية على شروطي. لكن في داخلي ماحس باطمئنان.
لكن تعرفون المرأة مهما كانت قوية جانبها العاطفي يلينها.
وهذا اللي صار معاي زوجي رجع ارسل لي من ارقام ثانية لاني حظرته من رقمه ويترجاني ارجع له.
وحط لي القمر بيد والشمس في
يد واني بسوي لك وبفعل ومابخلي احد يتدخل بيننا وانا النادم والولهان والمتيم المشتاق.
مع ذلك قلت استخير وحسيت بالراحة
لكن كتبت شروط ووثقناها بالمحكمة.
وتمت الملكة للمرة الثانية وبحضور ولدنا
زوجي نفذ كل شي طلبته ماعدا اهم شرط وجود سكن منفصل جلس يماطل وانا مصرة ما اسكن معه الا لما يشوف لي سكن ثاني.
في هذي الفترة هو تعرض لنكسة وخسر فيها.
وطالبني اصبر عليه وارجع له لحد ماتتحسن الاوضاع ويشوف سكن.
وانا لأني بنت ناس وقفت معاه قلت مو مشكلة اكيد هو تغير وأهله تغيروا. وبرجع معاه لكن يظل الشرط موجود وينفذه متى ماتتحسن الظروووووف.
وانا الآن اكتب لكم بعد مارجعت الآن اعيش نفس المعاناة
اهله السنة الاولى من رجوعنا في صمت مابيننا تواصل ولا علاقة الا السلام.
بعد مرور سنة بالضبط بدوا يختلقون المشاكل صحيح زوجي ماصار يصدقهم ولا يمد يده علي.
لكني مو مرتاحة احس اني عايشة بين وحوش.
تخيلوا يابنات ان قبل كم يوم اخته تكلم زوجي تقول له زوجتك ليش تطرد اولادنا لما يجوا يزورون ولدكم
وليش وليش.
وهو يجي يسألني وانا قسم بالله شوي وابكييييي.
احس انهم يحبون المشاكل ويتفنون في اختلاقها
وانا مليت مليت من اسلوبهم وهمجيتهم وبنفس الوقت اخاف ان مع الايام يصدقهم ويصير بصفهم زي قبل.
قولوا لي شسوي
انا ما ازورهم نهائيآ ولا هم يزوروني
لكن يطلعوا مشاكل من تحت الأرض مدري من وين.
تخيلوا اليوم شنو صار بعد اخته تدق الباب وافتح لها وجات رمت اكياس حلويات فاضية في شقتي تقول هذي الاكياس انتي راميتها جنب شقتنا ليييييش خذيها لك
متخيلين الوضع يابنات متخيلين التصرفات الطفولية.
قلت لها انتي جاية لعندي تتبلين علي والله شاهد اني ماسويت هالشي لكن ربي بينتقم منك لظلمك لي وسكرت الباب.
عذىوني يابنات اني طولت عليكم
بس والله من حر مافيني مو عارفة شسوي
زوجي صنم مايحرك ساكن بس جالس يصبرني ولا راضي حتى نطلع برا يقول امي ما اقدر اتركها مع خواتي بروحهم.
طيب وانااااا
بنات تكفون ردوا علي بشنو تنصحوني