خوات زوجي عجزت افسر تصرفاتهم

بسم الله الرحمن الرحيم


السلام عليكم ورحمة الله وبركاته
هذي اول مشاركه لي بموضوع 😞
انا عندي خوات زوج وعندي سلايف
من اول زواجي اهل زوجي بس يسبون بالسلايف قدامي ويحذروني منهم وماكنت افهمهم بالنهايه فهمت انهم نفس الشي مع البقيه يعني كل همهم السلايف مايجتمعون بدونهم وينافقون بينا ويخترعون اكذاب وكشفنا هذا الشي وفهمنا الان صارو ع الاخوان جننو اخوانهم ام زوجي شخصيتها ضعيفه ولاكنها طيبه بس ماتعرف تتصرف يعبون راسها ع عيالها وتتصل تتشرهه عليهم وتزعل ع امور تافهههه
تخيلو اخر شي امس سببولي مشكله اتفه منها مافيه
انا حاذفه الواتس ورجعته بدون ارقام وعجزانه اسجل الارقام لان انمسحت من الجهاز وولدي الله يحفظه ياخذ الجوال ويصور فخفت من الحاله لايحطها فيها شي


مادريت الا زوجي يقول امي تقول انك حاضرتهم كلهم وزوجي انفعل وهو يعرفني وقالهم هي عندكم امس ليش ماقلتو لها وعصب عليهم قمت لبست عباتي انا ورحت لعمتي ووريتها الجوال والواتس وزوجي قال بوجههم توكم تنتبهون يعني واثاريهم من القهر عشان انا رحبت بسلفتي بالواتس جايه لديرة اهلي ورحبت فيها وهي صورت وحطت حاله وجن جنونهم
واخو زوجي الي ماتزوج يتمصخر ع زوجي ويقوله ترا زوجتك ماهي ضايفتك سناب روح شوف حسابها مشككات اخوهم فيني ان محتواي مو زين وزوجي ضايفني وضايفته قاله مو شغلك وانت تزوج وتعررف الحق مع مين لان قبله اخوه كان نفس الحركات معنا وتزوج وشاف حركات خواته مع زوجته صار يبكي عند زوجي من كثر المشاكل لي يسوونها له
فيهم مررض ان كل ثنتين يهرجون بعض يحشون فيهم لانهم والله العظيم جلستهم كلها سب وحش ودخول بالنيات والشرف


اليوم قلت لزوجي ماعليك من احد وهو جدا مقهوور لان اخته تنزل حالات عن الام والعاق في امه وهو جدا بار في امه ويجيبلها كل شي تبيه وهي اصلا عاقه في امها والله لدرجه ماتحترمها ابدا وترفع صوتها عليها وتتمصخر عليها وكلهم عارفين هالشي دايما ينصحونها وماتفهم لدرجه لاعصبت ع امها تخلي امها تبكي وعادي ماعليها ولا تنقهر وهي متزوجه بعد وعندها بنت طولها


انا كيف اتعامل معهم ووش اقول لعمتي عزمتها ع القهوه اليوم والله طفششت لدرجه صرت وحيده واهلي بعييد يادوب ازور عمتي ببيتها ساعه بالاسبوع تجنبا للمشاكل والكلام والاذئ يلحقني وانا لحالي لا جوال ضايفتهم فيه ولااتصال


حسبي الله بس والله خايفه زوجي يتااثر فيهم من كثر مشاكلهم خايفه يخربون بيتي وترا كلهم متزوجات وسبحان ولا يروحون لاهالي ازواجهم واهالي ازواجهم محترمين مايسوون مشاكل لهم