خوات زوجي كيف اتصرف معهم

السلام عليكم ورحمة الله وبركاته.

كيف احوالكم... مدري انا بالمكان الصح لنشر قصتي وابي الحل.

انا متزوجه ولله الحمد عندي بنت المشكله ان خوات زوجي متسلطات بشكل غير مباشر من تحت لتحت ...

بقول لكم القصه وابي حل ونصائحكن انا بيتي قريب من بيت امه وادرس جامعه وبنفس الوقت ادرس بدار تحفيظ وخواته مو ساكنات عندنا يجون وقت الاجازات بس واذا جو سببو مشاكل اقرب مشكله واتفه مشكله يقولون لزوجي زوجتك ماتجي امي غير قليل وانا شلون اجيها وانا دراسه صباح وعصر وبيت وزوج مافيه وقت ابد حتى بيوم الاوف انام وارتاح فيه او اغسل تعرفون شغل البيت ولا شغاله ولا شي تعبت منهم والله دمعتي على خدي مع اني مااقصر فيهن محترمتهن وعازتهن خوات لي بس مدري وش يرضيهن ..

بقول معلومه وانتن احكمن ابو زوجي متزوج اثنين وحرمة ابوهم ارحم منهم بكثير وطيبه و تحترمني وتعزمني وتقدرني هي وبناتها عكسهن تمام واذا عندي شغل يجون يساعدوني عكسهم تمامآ واذا عزموني اروح لهم وهي ام زوجي تصير عزايم عندها وجمعة حريم ولا مره قالت تعالي عكس ياناس ومع ذاك يحاولون يفرقون بيني وبينهم ...


جلست مع نفسي قلت مراح اروح لحد فيهم بجلس بيتي واروح لهلي واليوم اليوم باجمل الليالي كنت جالسه بحفظ الله جوني تهجمو علي كانهم اعداء او ذيابه تهجم على فريسه تصدقون اكتب وانا دموعي تنزل من القهر
وزوجي مرات معي ومرات مع خواته انا ابي حل حكيم ابي طريقه افتك من اذائهن لي نقطه نسيتها قبل يومين جايين عندنا اجازه ورحت عزمتهن على الفطور ومديت لهن سفره وكل الانواع واخر شي هذا اللي احصله. قلت لهم اليوم مراح تهموني اللي يهمني عمتي وانتن بطقاق يطولن السنتهن علي ويقول لي عوبه يبوني اسكت عن حقي تعبت قسم من ذي الحياه مرات افكر اتطلق بذا السبب اهله هو ماعليه حبوب طيب مرات عصبي بس عادي ضغوط ورغم اني واقفه معه بكل شي اساعده واعطيه فلوس اذا طلبني لان الراتب قليل ونتشارك فيه لانه لي وانا له هذا اللي تعودت عليه وربوني اهلي عليه .
تصدقون لو بقول كل قصصهم بتقولن شلون متحمله .



سؤال بس محيرني ام زوجك كم يوم تزورينها فيه كل يوم او بالاسبوع او بالشهر تعبت عطوني نصيحه وحل