خوات زوجي والميانه كيف اتصرف ؟

ياصباح الخير وصباح الرضا🌷🌷
الله يسعد كل من ردت بموضوعي اخذت بنصيحتكم ع السريع موضوعي قبل اقول فيه ان زوجي وخواتي يقولون عني مسكينه لاني خفيفه وعلى نياتي وماعرف اقول لا واجامل لو ع حساب نفسي
المهم الحمدلله انا اخذت بنصايح البنات ولاحظت تغير اسلوبي بعد كلام البنات الليي هنا الله يسعدهم ثم يسعدهم ثم يسعدهم حتى يرضون فعلا انا حسيت توي استوعب اني مضحوك علي مره لانهم كانوا يطلبون مني الناس وخوات زوجي اشياء لين صارت واجب واحيانا مايشكرون من كثر ماهم متعودين ع خدماتي
عاد دامكم صرتوا معاي ونصحتوني قبل كملوا معاي اللحين وانصحوني باقولكم موقف
خوات زوجي من الناس اللي يمنون علي وبصراحه ابدا ماشفت اي كلام او قله ادب منهم بس ممشكلتهم زي ماقلت يطلبون مني وكانه واجب علي ؟ وفوق هذا كذا اذ احد طلب مني شي خوات زوجي او غيرهم تخيلوا الاحقه فيها والحاجه لهم سخيفه صراحه كنت توي استوعب 🤦‍♀️💔
باقولكم موقفين عندكم وحده من خوات زوجي قالت لي تكفين سجليني بالجامعه الفلانيه وهي تعرف بس كذا معتمده قلت والله الايام ذي مشغوله قالت من متى ماحس عندك شغل ؟
والموقف الثاني هم بينقلون من بيتهم وباقي بعض الاغراض جت اختهم الكبيره قالت حطوهم بحوش فلانه تقصدني لاني معروف عني بالمجامله كيف اتصرف ابي رد محترم يخليهم يعرفون اني خلاص وقت المجاملات راح
واللي بتنصحني جعل ربي يرضى عليها ابي نصيحه مش لخوات زوجي نصيحه شامله للكل كيف اتعامل مع العينات اللي تطلبك وكانه امر او تمون علي بزياده كيف اقول اني ماعدت زي قبل تمنون علي ابيها بطريقه محترمه
الله يسعد ويرزق من تنصحني الله يحقق امنياتها لاني سبحان الله لاحظتها اتقبل واخذ بنصايح الناس اللي بعيده كثير