خوات زوجي يهددوني بالسحر حسبي الله ونعم الوكيل وربي تعبت معاهم

حسبي الله ونعم الوكيل حسبي الله ونعم الوكيل

والله مدري من وين ابداا والله يااخواتي اني في عذاااب من سنين مايعلمه غير رب العالمين

انا متزوجه وعندي اطفال والله ابتلاني بحموات لايخافون ربهم ولا يحسبون لحد حساب

هم كبار بالعمر وماتزوجووا من يوم دخلت بيتهم وهم حاقدين علي بشكل غير طبيعي

مع ان هم اللي خطبوني وسعوووا لين وافقوا اهلي على ولدهم

كنت ياخواتي اسمع واطنششش صبري صبر حمااار تكرمووون

يجيني كلام يغث كل ساعه وكل يوووم وابلع منه وانطمممممم

لين ماجبت العيال وكبروووا صاروا يغثون عيالي بكلام عني

امكم فيها وفيها امكم ماتحبنا امكم ساحره ابوكم !!!!!

ووصل السب لاامي المسكينه المره المصليه ومسميه ومالها شغل بأحد

جدتكم فيها وفيها جدتكم سحرتنا ومدري وش شربت ابووكم وصار مايحبنا بس يبي امكم !!!!

وهذوول صغااار بعد عمري يجووني يمه ليه عماتي يقولون هالكلام حرام عليهم وهم خايفييين منهم !!

وانا اقولهم ماعليه خلااص لاتقعدون معاهم وطنشوووا

لين خلااااص كرهت حياتي وقلت لااامي قالت ماعليه حريم كبار ومهن صاحيات !

وانطمينااااا

وردوووا اردى من قبل

وقلت لااخوهم زوجييي

قال مااعليه حريم كبار ومهن صاحيات !!

انا من تزوجت ولدهم والكل يقول مهن صاحيات ومعاهن نفسيه وعين ومدري شنهووو

واللي اشوفه مابهن بلااا كل وحده وجهها وش عررضه وش متنهاااا اللي مو صااحي ينصرررع او يصيييح

او يشكي من الم هذووولي وربي انهن اصحى مني

المهم

اخر مره صاارت هووشه كبيره بينهن وبين زوجي لانه طفشش من اللي يسووونه بعيالناا لعبوا بنفسيتهم

حسبي اللله عليهن

ويستلموني وهااات يااهواش يالللي بك ومابك يالسحاره يابنت ال وال ال

انا خلاااااااااااااااااااااااااااص انهرت

كل هالسنييييييييين كفاااااااااااااااايه لو اني حديد ماتحملت كله علشان زوجي وعيب وماعيب والعذررر اللي ماله صحه

انهن مو صاحيت وطنشييي ياااأنااا

قلت وربي مااجلس اروح لبيتي اللي توه مااخلص ماعليه اجلس على بلااط ولا هالاهانات

رحت لبيتي ومازالت نفسيتي تعباااانه ومريضه ومكتئبه وربي اعلم بحالي اللي المفروض ارتاح مو يصير فيني

هالحاله اللي مدري ليه مو راضيه تروح!

بعدها بأيام راحوا عيالي مع ابوهم يسلمون عل جدتهم وقالت عمتهم الكبيره لولدي

انا ترى اقدر اسحر امك وجدتك الللي هي امي يقول مارديت عليها

وقبل لايطلعون منهم اصرت الا تبي عنوان البيت بحجة تبي تشوفه من برى

انا لما قالي ولدي انجنييييت وش يبن فيني بعد خلاااص وربي تعبت ورحت لزوجي وبكيت وشكيت

وهو مسكين لاحول ولا قوه يقولي علميني شسوي معاهم

طق وطقيتهم وتركت لهم البيت وش اسوي بعد عطيني حل ؟

مارديت بغير فكني انا وعيالي وامي من شرررهم حتى بيتي وربي ماافرحت فيه ولاتهنيت مثل باقي الحريم

ومحد مصدق انهن ممكن يضرني ويعني انهن مو بعقلن ومايسون شي

ومحد منكوي منهم كثررررري

وادري ان مايردهم لادين ولاضميرررر وكل شي اتوقع منهم

صرت اتحلم فيهم واخاااف حتى فبيتي !! صرت اتخيل انهم وراي وممكن يذبحووني ؟؟


تكفوووووووووووووون يااخواتي ساعدوووني وش اسوي ماعندي احد يفهمني اشكي له

الله لايبلاكم حطوا نفسكم مكاني وش الحل ؟؟؟ ماينفع معهن لاكلام ولا طق ؟؟؟؟؟؟؟؟؟؟؟