الكورنيش :

الصبر هو أن يلتزم الإنسان بما يأمره الله به فيؤديه كاملا، وأن يجتنب ما ينهاه عنه، وأن يتقبل بنفس راضية ما يصيبه من مصائب وشدائد، والمسلم يتجمل بالصبر، ويتحمل المشاق، ولا يجزع، ولا يحزن لمصائب الدهر ونكباته. يقول الله تعالى: {يا أيها الذين آمنوا استعينوا بالصبر والصلاة إن الله مع الصابرين} [البقرة: 153]. أعد الله للصابرين الثواب العظيم والمغفرة الواسعة، يقول تعالى: {وبشر الصابرين . الذين إذا أصابتهم مصيبة قالوا إنا لله وإنا إليه راجعون . أولئك عليهم صلوات من ربهم ورحمة وأولئك هم المهتدون} [البقرة: 155-157]. ويقول: {إنما يوفي الصابرون أجرهم بغير حساب} [الزمر: 10].

الصبر هو أن يلتزم الإنسان بما يأمره الله به فيؤديه كاملا، وأن يجتنب ما ينهاه عنه، وأن يتقبل بنفس...

randahlmy :

سبانيش سلام الله عليكي ورحمته وبركاته كلامك وخواطرك فعلا نابعة من القلب علشان كده قراتها وانا متأثرة جدا ,,و وده دليل علي ايمانك الشديد بالله وقربك منه سبحانه وتعالي ربنا يصبرك ,,و لكن لا للآستسلام ,,, حاولي دائما الخروج من حالة الانعزال او الاكتئاب بنفسك وعاوزة اقول لك ان الصبر هو مفتاح الفرج فعلا ,,و هو مثل معروف لكن صحيح وباكد علي كلام كلابيزو ان ربنا هو اعلم بنفوس عباده ولا يمكن انه يحمل فرد فوق طاقته ابدا عندي لك مثل يمكن تستغربي منه وهو انا في غربتي واجهت معاناه شديدة بسبب اولا - اول سنة غربة وفاة عمي الصغير في السنة الثانية وفاة خالتي الصغري في السنة الرابعة وفاة والدي في السنة السادسة وفاة حماتي (ام زوجي) في السنة الثامنة وفاة حماي( ابو زوجي) في السنة العاشرة وفاة جدتي يعني من شهرين فقط تصدقي اني بأحمد ربنا علي اني ماكنتش موجودة في الظروف دي ابدا فعلا لأن نفسيتي لاتحتمل كل هذا ,,,,, شفتي ربنا سبحانه وتعالي رحيم ازاي بعباده,,,,,,,,,,,,,,,, اللهم لاتحملنا مالاطاقة لنا به واعف عنا واغفر لنا وارحمنا وانت خير الراحمين

سبانيش سلام الله عليكي ورحمته وبركاته كلامك وخواطرك فعلا نابعة من القلب علشان كده...

spanishflower :

سوره الرعد فكرت كتير في اسم سوره الرعد لان احنا عندنا من امبارح رعد و برق متواصل طول الليل فقريت السوره و الرعد و البرق فعلا مذكورين في السوره بس الاسم نفسه حسيت ان له معاني قويه اقوي من مجرد انه ذكر في سياق السوره اول ايه في السوره هي (المر تِلك آياتُ الكتاب والذي أُنزِلَ مِن ربِّكَ الحقُّ ولكنَّ أكثر الناسِ لا يُؤمِنون) بصوا كده لكلمه ربك الحق حاولت اربط بينها و بين كلمه الرعد لقيت ان الرعد صوت عالي جداا و ممكن يكون مخيف لكن ربنا قال في وصفه في السوره( و يسبح الرعد بحمده) يعني الرعد في ظاهره مخيف لكن في باطنه التسبيح زي الحق ممكن يكون في ظاهره القسوه او التعنت في رائ البعض لكن في باطنه الرحمه و العكس تمام بيكون الباطل في ظاهره الزهوه و الانبهار و في باطنه الالم و الحسره الحق هو الله الله بكل قوته و جبروته و زي ما ربنا وصف نفسه بانه القاهر فوق عباده هو الحق الي برضه من صفاته الرحمه و العدل زي الرعد ما هو ظاهره مخيف بس بيسبق العاصفه و يحمل معاه المطر المطر اللي هوه الرحمه و الحياه للارض --------------------------------------------

سوره الرعد فكرت كتير في اسم سوره الرعد لان احنا عندنا من امبارح رعد و برق متواصل طول الليل...

spanishflower :

قال رب إني دعوت قومي ليلا ونهارا فلم يزدهم دعائي إلا فرارا دي مناجاه سيدنا نوح و شكواه لله عز و جل من قومه بس فيها معني حلو اوي لينا كلنا ليه قدم سيدنا نوح دعوه الليل علي النهار ؟ مع ان المتوقع ان النهار يكون للصحوه و الدعوه و لقاء الناس و الليل يكون للنوم لكن ممكن نفكر فيها بطريقه تانيه ان في الليل بيكون الانسان- مهما كان ظالم او قليل الايمان- اقرب الي الهدوء و السكينه و ممكن نقول اقرب لله تعالي في الليل بعد عناء و تعب و مشقه النهار كله و ممكن نقول كمان مغريات النهار بيكون الليل وسيله جميله للهدوء و السكينه مع النفس و بعيد عن الناس و ممكن يسمح بالتفكر في الله ممكن يكون هو ده السبب اللي خلي سيدنا نوح يحاول مع قومه في الليل قبل النهار لينتهز فرصه القرب الروحاني دي من الله ودي فرصه جميله اوي لكل واحده فينا اننا ننتهز فرصه الليل و ممكن طبعا ميكونش الليل يعني السهر الطويل ممكن يكون بعد انتهاء اعباء الصباح و نوم الاولاد و نقوم نصلي ركعتين لله لان القلب بيكون قريب اوي من الله في السكون تحسي فعلا ان مفيش الا انتي و صلاتك و دعائك و بكائك مع الله احبكم في الله

قال رب إني دعوت قومي ليلا ونهارا فلم يزدهم دعائي إلا فرارا دي مناجاه سيدنا نوح و شكواه لله عز و...

spanishflower :

قل ان كنتم تحبون الله فاتبعوني يحببكم الله ويغفر لكم ذنوبكم والله غفور رحيم الايه الجميله جداا دي بتحسسنا اد ايه احنا مقصرين في حق الله و حق الرسول و في حق انفسنا بنقول اننا بنحب ربنا لكن مقصريين اوي في حبه ربنا قرن في الايه دي حب بالله بحب رسوله و اتباع سنته و ده شرط لمحبه الله تعالي لينا تعالوا نشوف اد ايه احنا مقصريين في حب الرسول عليه الصلاه و السلام كم منا يتبع سنته او حتي يقرا في سيرته بتمعن او حتي يحبب اطفاله في سيدنا محمد و يحكيلهم عن سيرته ربنا ادانا شرط في الايه دي ان حب الله مش بس بالكلام بل باتباع سنه سيدنا محمد سيد البشر اجمعين و ادالنا الجزاء المنتظر مغفره من الغفور الرحيم ----------------------------------------------

قل ان كنتم تحبون الله فاتبعوني يحببكم الله ويغفر لكم ذنوبكم والله غفور رحيم الايه الجميله جداا...