spanishflower :

(لا تحزن ان الله معنا) الايه دي انا باحبها اوي و اثرت فيا بشكل خاص بعد غربتي ووفاه امي الموقف اللي اتذكرت فيه الايه دي لما سيدنا محمد بيطمن صاحبه ابوبكر بس الغريب انه مقلوش لا تخف ان الله معنا قالله لا تحزن يعني كلنا لما بنخاف من اي حاجه سواء كانت خوف من المستقبل او من تهديد حقيقي او من الرئيس في العمل او حتي من الزوج اول ما بنخاف نقول يارب بس قليليين اوي اللي لما يحزنوا او يزعلوا يقولوا يارب دايما نجري و نشتكي و نحكي للام للاخت للصديقه للزوج و ناخد كلمات قليله ممكن فعلا تهدينا في وقتها بس لاننا مجربناش اننا لما نحزن نقول يارب يارب يا جبار اجبرني انا حزين و باشتكي و ارمي حمولي عليك يا رب مين فينا بتناجي ربنا لما تكون متضايقه مين فينا فعلا اول ما تزعل تفتح المصحف و لما تقرا و تقرا تهدي انا اتاثرت بالايه دي اوي بعد غربتي و بالذات بعد وفاه امي لاني مكنتش قويه الصله بربنا لدرجه اني لما احزن اكلمه كنت اكلم امي او اختي او صاحبتي و بعد غربتي لقيت فرصه الكلام معاهم و الشكوي ليهم قليله اوي سواء لفرق التوقيت او للانشغال او او و بعد وفاه امي حسيت احساس ان مفييش اي حد من البشر قادره اكلمه و احكيله و اقوله اد ايه انا حزينه الا ربنا جربت اكلمه و اشتكيله و اقوله يارب انت قلت و بشر الصابريين يارب اجعلني من الصابريين يا جبار اجبرني ----------------------------------

(لا تحزن ان الله معنا) الايه دي انا باحبها اوي و اثرت فيا بشكل خاص بعد غربتي ووفاه امي الموقف...

أخت الفهد :

جزاكى الله خيرا كلامك فعلا من القلب للقلب ربنا يشرح صدرك ويزيل همك ويرحم والدتك وجميع المسلمين ويجمعنا بهم فى الفردوس الاعلى

جزاكى الله خيرا كلامك فعلا من القلب للقلب ربنا يشرح صدرك ويزيل همك ويرحم والدتك وجميع المسلمين...