اشطر واحدة :

غاليتى رنيا موضوعك اكثر من رائع بل لا ابالغ ان قلت انه اقوى موضوع قرأتة على الانترنيت منذ فترة طويلة جداااااااا بالفعل اغلبنا كان فى حاجة للتذكر، للتفكر فى معانى القراّن اعظم كتاب وجد على وجة الارض كم من معانى تفوت و تمر مرور الكرام بالرغم من اهميتها التى تجعلها منهاج للمسلم فى حياتة الدنيوية و تبشرة بصبرة على المعاصى و الموبقات لن ادعو لك مثل باقى الاخوات الفضليات بل سأقول لكِ جملة واحدة .... " اسأل الله ان يجعلك من عبادة العتقاء" اللهم اّمين

غاليتى رنيا موضوعك اكثر من رائع بل لا ابالغ ان قلت انه اقوى موضوع قرأتة على الانترنيت منذ فترة...

spanishflower :

(و عسي ان تكرهوا شيئا و هو خير لكم و عسي ان تحبوا شيئا و هو شر لكم و الله يعلم و انتم لا تعلمون) خاطره الايه دي عباره عن استرجاع لذكريات من حياتي استشعرت فيها بصدق و عمق الايه دي الذكري الاولي:ذكري حملي في بنتي الصغيره و انا لسه بارضع بنتي الكبيره و كنت في فتره امتحانات الماجستير و ماجله الحمل لفتره و احساسي المتضارب وقتها من قلقي علي بنتي الكبيره لاني هافطمها بدري و من مسئوليه امتحاناتي مع الحمل و مسئوليه بيبي تاني و و و مع تسليمي الكامل لامر الله و سبحان الله نجحت في امتحاناتي بامتياز و حاليا بنتي الصغيره دي قلبي و عقلي و محبوبه جدااا و لما افكر اني الحمد لله ربنا كرمني بدري بالحمل ده و تربيتها قبل الغربه علشان امي تشوفها و تعرفها قبل ما تتوفي و قبل ما انا ابدء غربتي و دراستي للدكتوراه اقول فعلا ( و عسي ان تكرهوا شيئا و هو خير لكم) الذكري التانيه: ذكري بدايه دراستي للدكتوراه و لاني بادرس من غير دخل مادي ثابت يعني باقدم علي منحه دراسيه داخليه تقضي مصاريف كل سنه علي حده قدمت السنه اللي فاتت علي اعفاء من المصاريف لظروفي و المشرف بتاعي كان متاكد اني هاحصل عليها و لكن النتيجه تظهر و لم احصل عليها لاسلم امري لله و بعدها ب 10 ايام احصل علي منحه دراسيه لمده سنه و من الصعب الحصول عليها من غير اليابانيين و اتذكر كلمه المشرف بتاعي و هو بيبلغني لما قلتله (i knew it) قاللي بسخريهOh yes you muslims are always right!! و عسي ان تكرهوا شيئا و هو خير لكم الذكري التالته: ذكري وفاه امي المفاجئه و اني لما نزلت مصر مكلمتهاش لانها دخلت في غيبوبه و توفت بعد يومين فقط و كانت في احلي صورها سبحان الله مع تاكيد اخواتي انها تعبت كتير و شكلها اتغير تماما في فتره التعب اللي قبل الوفاه و افتكر اني انبت نفسي كتير اني مكنتش معاها و مكلمتهاش لكن سبحان الله دلوقتي باقول ان ممكن يكون ربنا عايزني افتكرها دايما بصورتها الجميله علشان متعذبش اكتر في غربتي و عسي ان تكرهوا شيئا و هو خير لكم الايه دي معناها التسليم لله مش معناها اننا نتواكل علي الله لاء معناها نبذل اقصي جهدنا و ناخد بالاسباب و بعد كده نثق في الله و نسلم لارادته و نشعر ان له حكمه اعلي و اعمق من رؤيه البشر ------------------------------------------------------------------------

(و عسي ان تكرهوا شيئا و هو خير لكم و عسي ان تحبوا شيئا و هو شر لكم و الله يعلم و انتم لا تعلمون) ...

spanishflower :

(ثم قست قلوبكم من بعد ذلك فهي كالحجارة أو أشد قسوة وإن من الحجارة لما يتفجر منه الأنهار وإن منها لما يشقق فيخرج منه الماء وإن منها لما يهبط من خشية الله وما الله بغافل عما تعملون) ياريت كلنا نسمع الايه دي من الشيخ مشاري راشد سبحان الله وهبه الله صوتا رائعا الايه دي معناها قوي جداااااا و يكاد يكون غير محتمل علي قلب اي مؤمن تخيلوا ان نوصف بقسوه القلب التي هي للاسف افه العصر و مشكله معظم المسلميين حاليا انهم قساه القلب يشهدوا ان لا اله الا الله و لكن لا يحسوا بمعني حب الله و لا نجد لذه في قراءه القران الكريم قسوه القلب التي تصل الي حد عدم البكاء لسماع ايه من ايات القران زي الايه دي التي تصف حالنا القساه باننا زي الحجاره طوب يا الله وصف دقيق جداا لحاله قسوه القلب انها بدرجه من الصلابه زي الحجاره و مع ذلك الحجر نفسه يوجد منه درجات و من الممكن نلاقي قسوه قلوبنا اشد من الحجاره الحجاره ممكن يتفجر منها الماء يعني تكون وسيله للحياه خرجت من قسوتها الطبيعيه المقدره ليها لتكون مصدر للماء و الحياه و من الحجاره من يهبط من خشيه الله يخر الجبل لرؤيه الله لسماع ايات من الذكر الحكيم و احنا تلاقينا صنم نسمع الايات و نتاثر دقائق معدوده و نرجع تاني لغفلتنا لقسوتنا و قبل ما تكون القسوه دي ظاهريه في ملامحنا نلاقيها قسوه معنويه نفسيه محبوسيين جوه جدران من الصلب مش شايفيين طريق الحق مع انه واضح و صريح اللهم ارحمنا من انفسنا ربنا لا تكلنا الي انفسنا طرفه عين اللهم اعتقنا من قسوتنا و اجعل قلوبنا تهفو الي ذكر الله ----------------------------------------

(ثم قست قلوبكم من بعد ذلك فهي كالحجارة أو أشد قسوة وإن من الحجارة لما يتفجر منه الأنهار وإن منها...