خواطر

صباح الخير
عاد اليوم انا مانمت ماجاني نوم قعدت افكر <<<<< قولي والله اخيراً

من جد جلست افكر واسأل نفسي ايش الشيء اللي كنت اتمناه ونفسي احققه وهل قدرت او لا ياربي يا كثر الافكار وماني قادره احدد ايش قلت احسن طريقة هي :

الخاطرة الأولى
1- قمت طفيت انوار الغرفة واستلقيت على السرير وغمضت عيوني وقلت في بالي ذحين لو ملك الموت واقف على راسي ايه راح تكون امنيتي يا ترى :unhappy:
انهي غسالتي او لسه ما اشتريت فستاني او ايش سوت بنتي في اختبارها ولا متى افطم الدحمي ولا ايه بالضبط وإذا كانت عندي الفرصة اني اعيش ليوم واحد بس ايه الحاجات اللي راح اعملها اكيد كلكم نفس القرار ( الصلاة + القرآن + الدعاء ) واكيد بنصبح صايمين ونتفرغ هذاك اليوم للعبادة وبس
عرفتوا الحين قد ايش احنا مقصرين طيب ايش الحل مع هالأعمال اللي ما تنتهي ولا راح تخلص الحل هو تخصيص ساعة او نصف ساعة لحفظ القرآن يالله نبدأ من جزء عم <<<< شفتوا اني منتهية قلت لكم :(
واحسن وقت قبل الفجر او بعده مباشرةً
الخاطرة الثانية
2- نفسي في تغيير اي شيء في البيت بس ظروف زوجي ما تساعد ايه العمل فيه اشياء كثير ممكن عملها تقلب البيت فوق تحت <<< اهجدي احنا انتهينا من ترتيبة حتى نرجع ونقلبه :16:
فيه حاجات تغير من شكل البيت وتجدده مثلا انا ساكنة في شقة مو تمليك ولا اقدر اجدد طبعا يا ويلنا من صاحبها اغير في ايه والغرف على قدنا عاااااااادي نخترع تغيير مثلاً نحاول في غرفة النوم على اعتبار انها المكان المداري نلعب فيها براحتنا نبدل مكان السرير ( ياكثر ما غيرت ترى شغلة سهلة مره بس تكسر ايديك وظهرك وبس ) والتسريحة :D ونجيب كنبة من المكتب ونعمل جلسة في الغرفة وآخذ شجرة زينة من الصالة او المدخل يعني كذا تغيير في البيت وتحريك حاجات عن حاجات بدون مبالغة والا بيكون المنظر غريب أو مثلاً نبدل غرفة الاولاد مع غرفة الحريم اذا ما كانت تفصيل ويناسب سهولة الحركة عن نفسي عندي غرفة الحريم هي الصالة اقلطهم فيها وهي حلوة وواسعة وما هو من كثر ضيوفي والغرفة اللي من المفروض تكون غرفة نسوان خليتها لبناتي لأنه من المفروض حسب نظريتي المتواضعة انه اولاً وثانياً وثالثاً راحة اهل البيت وساكنيه مقدمة على الناس اللي بيجون اذا مره كثير مره في اسبوعين :icon31:
الخاطرة الثالثة
3- رحت المراية ابتفرج على عمري وابتعرف على وجهي زين كاني شفته من قبل خخخخخخخ احس اشوي ويتكوم علي طبقة غباااار :hahaha: لازم تغيير في حدود الشرع واللي يرضي ربنا مو يغضبه طيب لازماقصه وا صبغة من متى ما صبغت ههههه من العام الماضي بس وععععععع طلعت مو مثل ما ودي اخترت لون احمر ومالت علي ما بان اللون الا لاوقفت في الشمس ولا تحت اللمبة صراحة طقيت من القهر وقتها ما اخذت الا خرابها على شعري المهم قررت اصبغ لون فاتح واعمل خصل حتى لو ما كانت موضة ما يهم المهم شيء يليق علي ويسطل :icon28:

الخاطرة الرابعة
4- فتحت دولابي ولا ايش شفت ياربي ايش اللي حابس هالملابس في الدولاب كل هالوقت ليه ماتطلع تنتظر معروض من جنابي ولا ايه يعني المهم مسكت اول قطعة وع هذي متى اشتريتها والثانية ضاقت وغيرها عاد تعرفون انتم ادرى بالحال طيب سويت عملية فرز للدولاب :02: الجديد الزين وما ابغاه اتبرع فيه ------واللي ابغاه ابجدده صراحة موضوع صمت الجروح في قسم الأزياء عجبني موضوع موديلات عرايس آخر دلع طيب زوجي مو فاضي ينزلني السوق عاااااااااادي فيه حل يا كثر البناطيل الجينز وتشبه بعضها خذي واحد وقصيه من فوق الركبة بشوي واطويه حبة وزينيه بالمناكير اللماعة ارسمي ورود او اي شيء او حطي اشكال يعني كذا وإذا تبغيه برمودا نزلي المقص تحت شوي <<<<<<< احلفي خخخخخخ
وغيري كذا في البلايز الداخلية او التوب اكتبي عليها بنفس المناكير اللماعة اسم زوجك (اذا ما كان فيه لفظ الجلالة ) يعني تغييرات من هالنوع
الخاطرة الخامسة
5- رحت المطبخ ولا ياربي اليوم ايش اطبخ إذا كنتو مثلي كل يوم اسأل زوجي ايش يحب يأكل على الغداء جربي مره ولا تسأليه فاجئية باشياء جديدة تماماً وسوي معها شيء يحبه لزوم الطواري إذا ما اعجبه الصنف الجديد ما تتوهقين :16: وهو وغصبن عنه راح يعجبه وياكله ويمدحه بعد :30:

هذا اللي في بالي ذحين وانتم بعد اكتبوا خزاطركم خلنا نستفيد