خوفي بعد نقص هرمون الغدة الدرقيه

السلام عليكم ورحمة الله وبركاته
صباح /مساء الخير🌹
حبيباتي وصديقاتي بمنتداي الغالي.❤️.


كيف حالكم أن شاء الله بأتم الصحه والعافيه.


انا يابناتي كنت واعتبر لازلت اعاني من النحافه
ليش اعتبر لأن فجأه زاد وزني، 10 كيلو من 40 إلى 55 فالوقت الحالي
طبعا انا من زمااااان ماهمني السمنه والنحف ولا همني تعليقات الناس لأني حابه نفسي ونحفي اللي مثل الاوربيات 😁 (( واشجع اي نحيفه انها تحب نفسها لان السمنه سهل للي تبيه تركز على الاكل بس امااااا السمنه باعتقادي صعب يبيله جهد وتعب وعزيمه قويه للنزول الوزن)).


المهم يابنات نرجع للموضوع انا طبعا مااهتميت لل10 كيلو اللي جاء فجاءه بفتره قصيره يمكن 3 اشهر
اللي اتعبني هو كان قلقي الدائم والعصبية الزايده وبعض الاحيان بكائي بدون سبب والاكتئاب
طبعا حاولت اتجاهل كل هذا الين صار شعري مررره يتساقط بشكل مخيف خصل مو شعره شعره


واخيرا رحت المستشفى واشتكى من تساقط الشعر فقط وطلبت تحاليل شامله.
وطلعت نتيجة التحاليل بعد 3 ايام وقالت هرمون الغده مره نازل غيري نظام اكلك عالسمك والتونه وبعد شهر تعالى جيتها بعد شهر وسويت تحاليل ثانيه وطلع ناقص أكثر عن قبل وقالت انتي معك قصور في هرمون الغدة انا هنا تقبلت الوضع عادي لأن نفسيتي ذاك الوقت لا مباله ومكتئبه وعطتني حبوب وموعدي بعد شهر .
اول اسبوع التزمت بالحبوب وتغيييييرت نفسيتي 180 درجه سبحان الله والتساقط وقف 80 %
والان كملت شهر طبعا قل التزامي بالحبوب ملخبط
وبعد تعدلت نفسيتي مررره تضايقت من هالمرض و زعلت على نفسي وأكثر شي بكاني لما قريت تجارب الناس اللي معاها من 7 سنين أو 10 يعني الحبوب تأكلها مدى الحياة مالها وقت وتوقفها..
ونصيحه يابنات للي تعاني من السمنه المفرط أو حتى النحافه تسوي تحليل للغده وتقرأ بالنت أعراض نقصه وزياده ودي احط رابط بس ماادري مسموح أو لا..
اللي اطلبه دعواتكم لي بشفاء واللي لها تجربه لها أو لغيرها تذكره.
(وسؤال من جربت القسط الهندي هل صحيح انه يعالج؟؟ 😭
.
وفي النهايه اللهم لك الحمد حتى ترضى ولك الحمد بعد الرضا. ❤️