خوفي من شغالتنا لاتكون..؟؟؟؟؟؟؟

السلام عليكم

مسائكم\صباحكم مسرهـ

وشلونكم يابنات وشلون رجاجيلكم وبزارينكم ومن يعز عليكم وشغالتكم بالذات لاصارت بثره زي اللي عندي<< تسمع بالمقدمات
المهم ياخواتي يعلم الله وش كثر احبكم واحب هالمنتدى وبالذات القسم هذا عقبال ما اشوفه بأحسن حال يارب:27:

مالكم بالطويله

يابنات انا محتاره وخايفه وفي نفس الوقت فيني قوه << اصرفوها عاد:hahaha:

المهم

الله يسلمكم سالفتنا سالفه مع هالشغالات
بالمختصر المفيد راح اقولكم السالفه وابي منكم تنصحوني فيه

طبعا شغالتنا الاساسيه عندها اجازه 4 اشهر وبباقي لها تقريبا الشهر والنص واحنا من دون شغاله اساسا هالوقت الحمدلله شغل البيت مقدور عليه

طبعا في ايام الاختبارات قررنا نجيب شغاله المهم احنا كنا نشطب في البيت وعندنا مناسبه كبيره فلازم يكون عندنا شغاله مؤقته

جبنا الاولى وجست اسبوع وجانا غبار وطلعت المسكينه فيها ربو وعطيناها حقها وراحت
وجبنا الثانيه طبعا جنسيتها اندنوسيه

المشكله وين ادري بتقولون ياكثر بربرتها <<هع:27:

من دخلت هالادميه وشافتني متعلقه بستاره المطبخ اركبها:hahaha: واظاهر انها ماحبتني وبيني وبينكم اول مره اشمئز وقلبي مايرتاح لشغاله

مع اننا ووالله العظيم معاملتنا معاهم من احسن مايكون وزي اخواتنا بحكم اني البنت الكبيره وفاضيه وعاطله فتوليتها في البيت بدل امي
من دخلت يابنات ونظراتها تخوفني احيان احس انها رجال من نظراتها وحركاتها قلبي مقروووص بقووووه

المهم هي جت بالليل متاخره قلت لها روحي نامي واستغربت قالت لا انا ما انام اللحين بدري كان الساعه 11 قلت لها لا كل شغالتنا ينامون هالوقت عشان الصبح يقومون على الاقل 6 او 6 وربع عشان المدرسه وهيك وبالذات ان البيت فاضي مافيه الا انا واخوي الصغير والباقي دوامات

المهم راحت وصحيت معها الصبح وعلمتها الشغل للامانه هي شغيله وكريفه بس ماكانت تعجبني حركاتها

من النوع اللي اول ما ادخل او اقوم من النوم وادخل المطبخ تنط بوجهي يامدام انا سويت وفعلت وقلت وتركت افضل اني ما ارد لان طبعي ما احب اتكلم اول ما اقوم قلت لها طيب
بعدها خذتها حلا وانا نفسيا دمار وشافتنا انا من النوع اللي احب اغير في البيت وفي الترتيب اخذت راحتها المهم ان الضيوف وصلوا والبيت امتلاء ومعاهم هم شغاله بس كانت حبشيه المهم ان شغالتنا ماله بالغسيل ولاتمسك فيه شي ابدا لان الغساله اوتماتيكيه والطبخ نفس الحكايه واخوي الصغير انا مهتمه فيه بكل شي ماتمسكه خير شر

المهم اول تعارض كان معها انها اخفت طشت كبير حاطته انا عشان المواعين اذا صارت كثيره ودايم اقولها لاتدخلينه الدولاب ضروري يكون برا انتوا ادراى بالضيوف وحوستهم

المهم اني كنت ابيه وادوره ما ادري فين حطته وعندنا غدا وناديتها وتطنشني
وانادي وتنطش وتسحب علي اخر شي جت تنافخ وتقول لي ايش فيه ؟؟
قلت نعم..! ليه ماتجين اول ما اناديك وانتي تسمعيني قالت ماني فاضيه لك قلت لا بالله تسهبلين وين الطشت تطالع فيني وتسرح انا من هنا نغزني قلبي يابنات
قلت لها وينه قالت انا شيلته عشان الترتيب قلت لها مو اكثر من مره اقولك لاتشيلينه قالت انا اشوف وش الترتيب واسويه مو لازم تقولينه المهم اني انفعلت معها وقلت لو سمحتي مره ثانيه لما اقولك تنظيف الشي نظفيه ورجعيه مكانه لاتغيرين ترتيبه
قالت انا ما استناك تقولين لي وتعيدها؟؟! انا هنا شبيت قلت لها بيتك ولا بيتنا؟؟ ومره ثانيه لاتجادليني شغلك سويه وانتي ساكته طبعا راحت ركض وتسدحت في الغرفه وهاتك صياح تقولون مكفختها ولا مسويه لها شي وهاتك صيييياح البيت كلهم قلبوا ايش فيه قلت ماعليكم فيها
انا بصراحه عورني قلبي عليها وبنفس الوقت انا ماقلت لها شي ولا مديت عليها ولا هو من حقي وانا ماقلت الا الصدق وقامت تصيح اكثر لما اكلمها المهم طنشتها ورحت اخلص شغلي جو الناس وغدا وحوسه وربي انكسرت وهي ساحبه علي ولا لها نيه تجي تشتغل
المهم لما جت المطبخ تناظر فيني ويابنات توقف على جنب وتقول كلامت غريبه وتحرك شفايفها وتسرررررررررررررررح انا هنا شكيت في وضعها وحصنت نفسي وبيتنا المهم صارت تحط دوبها دوب الحبشيه وتامر عليها مع ان امي جايبه هالاندنوسيه وربي ايجارها 2000 ريال بس وش نسوي مضطرين لها
المهم كنت اشوف كاسات عصير وكان فيه حبه ناقصه قلت وينها قالت وبهجوم انه الحبشيه كسرتها طبعا قبلها قالت لي اختي انها طيحت لابتوبي من مسافه وساكته

قلت انا ماشاءلله انتي تكسرين الكاسات ولاتقولين وانتي تطيحين اللابتوب ولاتتكلمين ترى مراح اهاوش ولا ازعل لو قلتي لي اني طيحته او كسرته ونطت فيني
وتصارخ وانا ماسويت وانا مدري ايش المهم واطنشها
طبعا حركات كثيره من هذا القبيل في خلال هالاسبوع ونتغاضى
المهم بعد مارحوا الناس وانتهينا صارت تحت نظري كثير اللاحظها بحركات مدري كيف والله يابنات لادخل ابوي المطبخ مثلا تتعمد تاخذ اي شي وتطقطق فيه اناظرها وابوي يناظرها با استغراب وطلع من المطبخ لادخل ابوي تهش وتنش وكانها راعيه بيت وواجب<<هع
واذا نامت في غرفتها وغرفتهاجنب المطبخ ولها مفتاح اول يومين مقفلتها بعدين تتعمد ترد الباب يعني المار والرايح والجاي يشوفها وصرت لامريت اقفل الباب واحسن الظن فيها بس الله يعلم باللي تبيه
مره ابوي دخل واحنا نرتب شغله وهي يابنات متربعه ولاهمها وجود ابوي مع انه جالس وتشتغل والله مابينه وبينها الا متر قومتها قلت روحي المطبخ لين اناديك
تتعمد تمر قدام ابوي وترجع تلف وتناظره هو منتبه لها ولا لا؟؟
المهم دخل مره ثانيه ابوي وقال لي جيبي لي مويه نطت تبي تجيب له وسحبت الكاس وجيت اصب له قال ابي من الحنفيه قامت هي تقول فيه جيك بالثلاجه مويه بارد انا عبيته ومدري ايش قال لي ابوي لا لاتجيبن لي بارد شوي قامت تنصح ابوي وتقول له ايوه يابابا مافيه كويس مويه بارد بعدين تعبان وكحه ومدري وشو انا هنا اطالعها خييييير مسويه امه؟؟ وش هالميانه وابوي يطالع يقول لي وش فيها ذي قلت له خلاص اطلع من المطبخ وطلعته يعني مبين عليها انها ماهي هينه اببد
اذا احتكيت فيها بالكلام تجلس تقول كلام غريب وتسرح وتناظر الزوايا وسوست يابنات اجي امر عليها اللقاها تكلم نفسها بالزاويه وتضحك مدري هي وش فيها او انها تكلم احد يابنات والله شكيت انها ساحره ولا فيها بلا
اخر شي اني تهاوشت معها اليوم طبعا صديق اخوي اهله مسافرين وحطوا شغالتهم عندنا يومين وشغالتهم بنت حلال وتشتغل من دون مانقول لها شي قلت لشغالتنا هالشغله طايحه من زمان وتمرين عليها لك كم ساعه شيليها طيب قامت تنط فيني انا سويت ونظفت وقلت وفعلات وتصارخ علي وانا ماقلت لها الا شيليها قلت لها الصدق ترا هالشغله من قبل امس وانتي تمرين عليها وانا شايفتها بس ابي اشوف اخرتها معك قامت تقول انا من الصبح اشتغل قلت لها طيب انا ماقلت شي انتي ماعندك لا بيبي تنظفينه وتهتمين فيه ولا طبخ ولا غسيل ونص البيت مقفل اقسام الضيافه وغرفه امي ماتدخلها مابقى لها الا المطبخ والصاله وغرف نومنا غرفتين بس يعني مو ذاك الشغل اللي يكسر الظهر ويتعب

قامت تنط فيني وتقول لي ربي يشوفك انتي ظلمتني ؟؟! قلت وش ظلمتك فيه انا اقولك الصدق وقامت تسوي نفس الحركات وتدعي علي ومدري ايش انا هنا قمت وصرخت عليها مو ع كيفك تزعقين زي ماتبين ومحد يقولك شي المهم قامت تقول لي انتي اذا احد جانا ولا شغاله جتنا تنافخين علي وانا وربي يابنات ماسويت هالشي

وللعلم الايام اغلبها ان يدي بيدها واساعدها بالشغل بالمطبخ لين اخر الليل لو عندنا ضيوف واي شي تبيه من البقاله اجيبه لها من اشياء نظافه وفوط وخرابيط مع ان اهلي مو كافلينها فقط بالايجار بس احنا من باب الصدقه وان هذا عادتنا مع اي احد يجينا

المهم طول الوقت وهي نفس الموال الاول توقف في الزوايا وتكلم نفسها ولا تضحك

مدري هل هي فيها شي ؟؟ ولا هي تخوفنا بس ولا وش سالفتها:44:

للعلم صلاتها ماشاءلله تبارك الله وهذا الشي ماخلاني اشك انها ساحره لانها مبين انها تخاف ربي والله اعلم بالنوايا بس حركاتها جدا غرررررررريبه

باقي لها تقريبا اسبوع او 10 ايام:44::44:

طبعا لو رجعناها راح تحسب صاحبتها باليوم يعني اليوم ب 200 والشهر ب 2000

ولو رجعناها اللحين راح تحسب لنا دبل ال 2000 قلنا باقي اسبوع وتمشي حالها وتروح الله يقلعها

بس وش تنصحوني اسوي انا خايفه لاتكون ساحره او فيها شي حركاتها مو طبيعه لدرجه خواتي يخافون منها

اخواني يمرون عليهايعني موانا اللي بس ملاحظه هالحركات لدرجه اخوي جاي من برا المنطقه يقول ذي فيها بلا لانه مر بالصاله وهي نفس الحركه تكلم نفسها وتضحك وتناظر في الزاويه وتأشر
واختي مرت بعد وتشوفه ماسكه سكروب وتحركه بزاويه وتتكلم

من جد انا بنجنننننننن

مدري اقول لامي نرجعها وكل ماقلنا بنوديها خلاص شي يصدنا عنها

اسفه طولت عليكم بس قلت لكم السالفه بالتفصيل ابي مشورتكم علي

يعطيكم العافيه .. دعواتكم لي بالفرج:27::27::27:


سبحانك اللهم وبحمدك..