اليوم حابه أفتح قلبي وأفضفض عن مشاكلي والظروف ألي مريت فيها
أتمنى من المشرفات عدم نقل الموضوع لتواجد أغلب العضوات
أمي رافضه أني أحمل وتقول لي كل مره لما نفتح الموضوع خلاص ثلاثه يكفونك وأنتي تعبتي خلال الفتره الماضيه
أنا عندي الآن ولد ١٢ سنه وتوم بنت وولد سنه ونص وقاعده أخطط للطفل الرابع بس أمي مره رافضه وشوي وتصيح لما عرفت أني بديت بالمتابعه وأشعات وتحاليل
سبب رفض أمي هو خوفها علي وأن قلبها تقطع علي لأني دخلت دوامة الأجهاضات والتعب النفسي قبل أجيب التوم قبل ثلاث سنوات
أنا يا بنات مريت بظروف صحيه صعبه
في صيف ٢٠١٦ وقتها كان عندي ولد واحد وسافرت لندن وأنبسطنا بعدها كنت مخططه أحمل لكن ماكتب لي الله ألا بعد سنه
سقطت بعد التحليل بيومين ما أمداني أفرح وقلت الحمد الله لعل في الأمر خيره بس تعبت بعدها صداع ودوخه مع أنه مثل الدوره لكن غزيره
أمي أصرت تأخذني عندها على كلامها التسقيط أصعب من الولاده لازم أهتمام مثل النفاس
حملت بعد ثلاث شهور وكان وقتها صيف ٢٠١٨ أستمر حملي للشهر الثالث كنت مره فرحانه فيه ومرتاحه نفسياً ما شفت دم زي حملي بولدي الكبير وكنت متطمنه على الآخر
لكن ما أكتملت الفرحه وأنصدمت صدمه أذكر وقتها يوم ما كنت أتكلم ولا أبي أكلم أحد ولا أشوف أحد لأن توفى ببطني وكنت وقتها في أول الشهر الرابع
سوو لي عملية تنظيف ومره تعبت نفسياً غير التعب الجسدي لأن التنظيف مؤلم بعد ما تصحين من البنج
وأمي مره ضايق صدرها لأني جلست بعدها شهرين حزينه ولا لي خلق أطلع لما أخذتني لشيخ يقرأ علي والحمد الله بعدها تحسنت النفسيه
وربي لك الحمد حملت وكان مره متعب لأنه حمل توم وحم شديد وألم بالظهر وعملية ربط عنق الرحم مره مؤلمه كانت أمي مرافقه معي في المستشفى
تدرون أيش ألي صار لي بعدها في ولادة التوم شي مرعب كنت بدخل بغيبوبه لكن الحمد الله نجيت كنت قاريه أية الكرسي والمعوذات قبل أدخل غرفة العمليات
ماصحيت بعد البنج على كلامهم الطاقم الطبي وأمي وزوجي لكن أسمعهم بس ما أقدر أتحرك ولا أقدر أتكلم
كانوا الدكاتره ألي يضغط على يدي وألي يوجه الكشاف على عيوني بس بسم الله ما أقدر أتحرك ومره عذاب وأنا أسمع صياح أمي أبي أتحرك اطمنها
ضربه كف والحمد الله قدرت أحرك جسمي وأتكلم بس ميته تعب ونمت بعدها
هذا سبب رفض أمي أني أحمل ثانيه وأنا صراحه ما أبي أسوي شي بدون رضاها ونفس الوقت نفسي أجيب طفل رابع

الأرستقراطيه 👸🏻 @alarstkratyh_2
كبيرة محررات
هذا الموضوع مغلق.

candy2525
•
اول شي قبل الحمل لازم تجهزين جسمك الحمل من غذاء صحي وفيتامينات وركزي على فيتامين د سوي فحص وشوفي فيه نقص ولا وخذي الفولك اسد وكثيري من الخضار والماء

NewMum
•
-
صراحة أمك معاها حق..
وخوفهاا عليك مبرر..
بعدين أطفالك صغاار توهم ..
أنا لو مكانك بـ كتفي بـ الثلاثة الحلوين لأن اللي صار معااك مو شوي..
الله يكتب اجرك ويحفظ لك ما عطاك..
انا اقول اذا مرة خاطرك بـ الحمل تصبرين شوي على الاقل من ٦ شهور إلى سنة..
على الأقل يكون مر سنتين على ولادتك..
صراحة أمك معاها حق..
وخوفهاا عليك مبرر..
بعدين أطفالك صغاار توهم ..
أنا لو مكانك بـ كتفي بـ الثلاثة الحلوين لأن اللي صار معااك مو شوي..
الله يكتب اجرك ويحفظ لك ما عطاك..
انا اقول اذا مرة خاطرك بـ الحمل تصبرين شوي على الاقل من ٦ شهور إلى سنة..
على الأقل يكون مر سنتين على ولادتك..


tuka
•
NewMum :
- صراحة أمك معاها حق.. وخوفهاا عليك مبرر.. بعدين أطفالك صغاار توهم .. أنا لو مكانك بـ كتفي بـ الثلاثة الحلوين لأن اللي صار معااك مو شوي.. الله يكتب اجرك ويحفظ لك ما عطاك.. انا اقول اذا مرة خاطرك بـ الحمل تصبرين شوي على الاقل من ٦ شهور إلى سنة.. على الأقل يكون مر سنتين على ولادتك..- صراحة أمك معاها حق.. وخوفهاا عليك مبرر.. بعدين أطفالك صغاار توهم .. أنا لو مكانك بـ كتفي بـ...

امك معها حق
وكمان التوم صغار ويبي لهم اهتمام ورعايه ولو حملت وتعبت مين بيقوم ب التوم
انصحك دامك تتعبين بالحمل اما الاكتفاء بثلاثه او انتظري سنتين لحد التوم مايعتمدون على نفسهم في الاكل والشرب والذهاب الى الحمام
وكمان التوم صغار ويبي لهم اهتمام ورعايه ولو حملت وتعبت مين بيقوم ب التوم
انصحك دامك تتعبين بالحمل اما الاكتفاء بثلاثه او انتظري سنتين لحد التوم مايعتمدون على نفسهم في الاكل والشرب والذهاب الى الحمام
الصفحة الأخيرة