خوف ابنتي الغريب؟!

السلام عليكم ورحمة الله وبركاته
أحب أن أخذ أراءكم وأن ترشدوني للحل أخواتي الغاليات مع مشكلتي مع طفلتي
وهي أن ابنتي عمرها الآن أصبح ثلاث سنوات وهي الحمدالله بصحة جيدة وطبيعية جدا وما فيها شئ ولكن منذ أسبوعين وانا كنت صاحية من النوم لأتوضأ وأصلي وبعدين بصحيها عشان تروح الروضة لقيتها فايقة وقالتلي انو هي ما بدها تروح لبيت جدتها ام أبوها لأانو شافت (العو ) يعني بالنسبة إلها العو شي بيخوف بس ما عرفت شو هو كلب شو ما بعرف.وبترفعلي إيديها بحركة غريبة إنو هيك عملها وخوفها وهي قالتلو روح مع العلم أنو بيت جدتها مافي حدا لانو مسافرة .
وقلتلها إنو هذا منام مو حقيقة ومافي شي بس هي ما كانت تصدق وصارت تخاف من أي صوت وتقلي هذا (العو) وتخاف من العتمة مع إنو هي ما كانت تخاف من شي وانا ما بذكر شي قدامها ولا بخوفها بشي ابدا وتقلي انا بخاف وكل يوم بتذكر وبتقلي والله أنا شفتو فوق العو .
بعدين من كتر ماعم تذكرو قلتلها بابا راح قتلو وكبو بالزبالة بالمنام .
الحمد الله صارت أحسن بس بتقلي ماما كبوا بابا للعو بالزبالة صح يعني بتزكرو بس قليل
والله بعمرها هي ما شافت منام ولا قالتي شي ولا بتعرف هيك شغلات لانو صغيرة وانا خايفة عليها كتير بحصنها قبل النوم بالمعوذات والفاتحة سبع مرات وأية الكرسي وأذكار قبل النوم وأعوذ بكلمات الله التامة من كل شيطان وهامة وكل عين لامة وبعض المعوذات .
وانا كل يوم بقرأ سورة البقرة بالبيت
انصحوني شو ساوي معقولة طفلة ما كانت تنسى المنام اسبوعين هذا شي طبيعي اولا ؟؟ومين مرت بمتل حالة بنتي تساعدني الله يجزاكم الخير