خوف شديد من الحمل..

السلام عليكم ورحمة الله وبركاته
يمكن تستغربون موضوعي لاكن الموضوع في بالي ماعلمت فيه احد حاسه ان مافيه احد راح يفهمني أبدا
انا عندي ثلاث اطفال والحمدلله وعقبال البقيه والله يسهل على الحوامل ويرزق الي حابه تحمل على خير
حملت ب الطفل الاول وكنت مبسوطه ماكنت اعرف ايش ولاده سبحان ربي طولت وأخذت طلق صناعي بس كانت ولاده سهله جدا الحمدلله
جلست ثلاث سنوات ونص وحملت توقعت من الاول
لاكن كانت ولادة متعسره والطلق طول الحمدلله
من بعدها وانا خايفه وجلست ست سنوات وقالو الناس الصعبه تكون بعدها سهله
حملت والولادة الثالثة كان الطلق فيها قوي جدا لدرجة حسّيت أني مو قادرة أتنفس حسّيت ان جسمي مات خلاص كانت صعبه جدا خروج الجنين اصعب
الحمدلله وأكرر الحمدلله
لاكن ياأخواتي عمر الطفل الثالث الان سنه وزياده الحمدلله ومن الولادة للان وانا احلام وكوابيس والخوف مسيطر علي صدقوني عجزت عجزت
ادعي واستغفر بس الخوف مسيطر علي
الكل قال لازم تحملين ب الرابع عشان تجيبين قبل 40 عشان يكونون كبرو وتتفرغين لنفسك وانا عمري الان 30 وزوجي نفس الكلام نجيبهم الان احسن ومن يومها وانا مو مرتاحه راح تقولون ماعليك من الناس كلامهم منطقي
راح تقولون إبرة ظهر اخاف الظروف تتغير وأروح حكومي لأَنِّي مدري عن الدنيا وقررت اطلب قيصري وخفت من كلام الكل ان القيصري له مضاعفات
بس الطبيعي صعب صعب جدا لعل ربي أراد لنا به اجرا مضاعف
القيصري فيه الم بعد الولاده بس مثل الطلق ما اظن فيه
غير كذا القيصري اريح من ناحية المنطقه والعذاب الي بعد الولاده عشان ما يجيها شي ويخرب شكلها كلي عشان ماتتوسع وهذا الكلام الي يقلب الرأس
ريحوني لاتقولون تتسهل انا مره خايفه كل يوم افكر ما اكذب كل يوم مدري وش اسوي💔
في احد مثلي..