خوف من اني افقد احد من اهلي

السلام عليكم صديقاتي 😔
انا بحاجة لاحد يريح قلبي لان تعبت من التفكير والوسواس..
انا عندي خوف دائم من الموت وقلق بشكل مستمر دائما عندي احساس بأن شيء سيء رح يحصل وانا اعرف انو الموت حق بس دائما اخاف ع امي واخواني وانا الان مخطوبة وعرسي بعد شهر واخذت خطيبي عن حب ٧ سنين ودائم عندي خوف انو يصير لخطيبي شي او يموت قبل زواجي مع انو نعرف بعض من ٧ سنين ولا مرة اجاني هالاحساس الا من وقت خطبنا بشكل رسمي انا مااقدر اعيش بلاه وخصوصي انو انا طول عمري احلم ب هاللحظه اني استقر ويصير عندي سند ب هالحياة وطفل احملو بحضني . وصارت تجيني منامات وكوابيس عن الموت وصرت اربط هالشي يخوفي وخصوصي انا اليوم قرأت عن شاب بعمر ال ٣١ نام والصبح لقوه متوفي وانا اليوم كتير مكتئبه من هالخير ..شو الحل مابعرف والله اني انحرمت من الفرحه وحتى انا وعم اجهز لعرسي واشتري جهاز وتياب احس بغصه هالشعور حارمني من اني افرح تعبت والله انا مؤمنة بالقضاء والقدر واعرف انو الي كاتبه ربنا بدو يصير بس هالافكار وقت تجي ع بالي مافي اي شي يوقفها ..بالله عليكم هل هالشي الو علاقه بالعين او السحر لان هالحاله صرلها بس ٨ شهور من وقت خطبنا انا وخطيبي او انو هي حاله نفسية..اسفه طولت عليكم لكن حبيت احكي الي بقلبي لعل وعسى حدا يساعدني