الله يكون بعونج اختي الصراحه موضوعج ضايقني, والله اني حاسه فيج شوفي اختي مافي حل غير انج تكثرين من الدعاء في السجود ان الله يفرج همج ويهدي زوجج ويسخره لج وصدقيني راح يتغير انا اقولج ها الكلام عن تجربه انا الحمدالله كل ماصار لي شي على طول اروح حق سجادتي وسجد وادعي الله وانا ابجي وبخشوع اطلع كل اللي بقلبي لرب العالمين ماروح اشكي لأحد غيره والحمدالله , الله يستجيب لدعائي وحس براحه نفسيه صدقيني اختي ماخاب من دعا ربه جربي وبتشوفين بنفسج اثر الدعاء والله يوفقج حبيبتي ويفرج همج.

عزيزتي الطيبات
أولا أحيي فيك طيبتك وتسامحك وهذا إن دل على شيء فهو يدل على رقي أخلاقك
ولكن حبيبتي ليس كل البشر يقدرون هذا التعامل ويثمر معهم فالناس منهم الكريم ومنهم اللئيم ويمكن قلة اختلاطك بالناس خلتك تغفلين عن هالحقيقة
والكريم من الناس عزيزتي إذا أكرمتيه كسبتيه لكن اللئيم إذا اكرمتيه يتمرد
إذا انت أكرمت الكريم كسبته...وان أنت أكرمت اللئيم تمرد:(
من قراءتي لمشكلتك عزيزتي انصحك ب:
أولا:خوات زوجك احسني إليهم واحتسبي هالشي لله اولا ولرضا زوجك ثانيا ولكن إذا وصل الأمر إلى التعدي على حقوقك أو الاستهانه فيك (مثل اخذ فلوسك)!! او عدم احترام خصوصياتك (مثل الدخول لغرفتك دون دق الباب) !!هنا لازم تتخذين معهم موقف ثاني وتوقفينهم عن حدهم والافضل انك تتخذين هالموقف مع زوجك يعني تفهمينه انك تقدرين خواته من تقديرك له لكن إذا وصلت انهم يهينوني فما أسمح والأفضل انه هو يتولى هالمهمة مهمة تعزيزك عند أهله واخواته والدفاع عنك .
ثانيا: أنصحك عزيزتي انك ما تعطين خواته أكبر من حجمهم في حياتك الزوجيه يعني ما تحسسين زوجك انهم كل همك وإنك على صراع دائم مع خواته وكل همك قالت اختك وسوت اختك وحاولي تقللين الكلام عنهم عند زوجك .
ثالثا: أنصحك انك تشغلين نفسك عن كثرة التفكير فيهم وتسوين لنفسك برنامج مفيد تنشغلين فيه بوقت فراغك أما قراءه أو رياضه أو سماع اشرطه مفيدة .
وأهم شيء انصحك فيه انك تستعينين بالله تعالى قبل كل شيء وتبثين همك وشكواك له وحده وتسألينه العون.

والله يسعدك دوم انشاء الله:27: :27:

مشاعل الرياض وجنان الله يجزيكم كل خير على مشاركتكم
وانتضر المزيد

الله يعينك يااختي والله مشكله خوات الزوج موكلهم
بالبدايه كنت زيك شلت الكلفه اللي بيننا وصرت اخدمهم والبي طلباتهم طبعا ً الفلوس مايدفعون من زوجي وانا اقول بنفسي مافها شي لازم تكون بين الاخوه كذا والحمدلله اخاف ربي لدرجة انهم يجون عندي في بيتي وكنها بيتهم يفتشون ياكلون ياخذون وانا احسسهم اني سعيده رغم ان بعض الامور تزعجني
لاكن بعض الناس ان لقيتهم وجه داسوك
تزوجوا اعيالنا وبديت اشوف الاحترام والتقدير والكلام الحلو لهم وانا محرومه منه كنت اظن ان هذا طبعهم من اول وحتى لما اجي لمهم قبل لافسخ عباتي ينادوني للمطبخ وكنت بنفنسي اقول من حبهم لي يبوني معهم لاكن لما يجي الكلام والمدح والشكر لحريم اخوانهم وانا كني ماسويت شي صبرت
وكل يوم اسمع كلام منهن يجرح وامشيها واقول بنفسي مايقصدون وكنت مااقول لزوجي شي بالعكس ادافع عنهم ان حصل منهم تقصير
زوجي يشوف معاملتي لهم ويشوف كيف يعاملوني ودايم يقولي لاتصيرين حبيبه اعرف خواتي وكنت اطنش له
وتوني اصحي وصرت رسميه معهم لاني مااعرف اخذحقي ولااعرف ابين زعلي وارتححححححححت راحه
حتى زوجي مع انه بار لاهله ومحسن لاخوانه رحب بهالشي لانه مايريد الظلم لي

الله يعينج...
حاولي انج ماتحتكين معاهم حيييل...واذا بتروحين سوق ولا شي روحي مع زوجج ولاتاخذينهم معاج..حتى لو محتاجتهم حاولي تعتمدين على نفسج...وغرفتج قفليها مو مفتوحه للرايح والجاي...واذا لمحو او قالو لج كلام بس بشكل غير مباشر...يا إنج تطنشين..او انج تبتسمين لهم وتقولين الله يسامحكم...يمكن يحسون شوي
وحاولي انج ما تجادلين معاهم...بياكلونج...طنش تعش تنتعش..
وسالفة الكومبيوتر...ترى شي طبيعي بيشتري لخواته...هذول خواته بالنهايه من لحمه ودمه وموحلوه تقولين له لاتشتري لهم ترى بتصغرين بنظره...حتى لو الظروف الماديه مو زينه...ولا تنسين انج تدعين لربج من أذاهم وانشاء الله يحميج ربي من كل مكروه:26: