خويه في بيتي

لسلام عليكم عندي مشكله خوي كلمني وهو في المنطقه معاه زوجته يتمشون وقال باجيكم وبعد ماتعشوا قالي والله تعبان ومادورت سكن قلت نام ارتاح وبكره دور والله ماعندي شي ينامون عليه اخذت فرش عيالي ولبستها جديد وعطرتها وحطيتها لهم بالمقلط على انها يوم ويمشون وانا عندي عيالي منصه الصباح نقوم نفطر والظهر نتغدا واشيل لزوجي اذا جاء بعد العصر وسويت نفس روتيني وخوي وزوجته ناموا الين الظهر وسألتهم الغدا جاهز تبونه ولا تفطرون قال معاكم غدا والعصر خرجوا يتمشون وتركوا شنطهم ورجع الليل ونفس الشي تكرر يومين وانا اشوفه متضايق وهو يكلمني يوم جاء اخر يوم قلت اشفيك قام يصارخ علي يقول ماتعرفين السنع ومنتي راعية واجب وكذا تعاملين ضيوفك انا الغلطان يوم اني جيتك وزوجته جالسه وعيالي وماعجبني انه يصارخ علي قدامهم قلت له لاتصارخ وتكلم باحترام قام يحذف بعلبة المناديل وقال لزوجته قومي نخرج وحلف انه مايطب بيتي واني انسى انه خوي هذا صار الظهر وبعد العصر قلت انهم رجعوا لبيتهم لزوجي وفي الليل اتصل خوي علي زوجي يتعذر منه انه خرج بدون مايوادعه وقاله اني مااحترمته فقمت اتصلت باختي وامي طلعوا مايعرفون السالفه ورجعت اتصلت على خوي مايرد واليوم الثاني امي تتصل وتقول زوجك وعيالك يتعوضون وخوك سندك ماله عوض شلون ماتفرشين سفره طويله فطور لاخوك وزوجته وهي اول مره تدخل بيتك وشلون حابستها في المقلط وزوجك يتمشى بالبيت قلت امي بيتي شقه وماعندي غير المقلط بقسم الرجال اقدر انومهم فيه وجنبها الحمام شلون تبيني انومها في صالتي جنب غرفة نومي طلع ان خوي زعلان يبغي زوجي ينام بقسم الرجال وهو وزوجته في الصاله عشان تاخذ راحته زوجته و يبغي سفره فطور قلت مقدر لازم افطر عيالي وافطر والغدا مقدر ااخره للعصر حتي زوجي مااستنيته وخوي ليش يزعل اني اجيب لهم فطور هو وزوجته لوحدهم اذا يبغون يفطرون معنا يقومون بدري وقلتلها كان دور سكن ينام فيه هو وزوجته شقتي صغيره وعندي عيالي منصه وذبحنالهم اول يوم وعشيناهم هذا واجبهم وكان علمني قبل مايجي وهو يدري اني مشغوله زعلت امي وقالت حتى فرشتي لهم من فرش الورعان قلت ماعندي غيرها قالت كان راح زوجك اليوم الثاني وشرا فرش جديده وهذي السالفه لها فتره الحين خواتي بيروحون لامي بعد الاختبارات وكلمتها قالت لاتجين يضيق صدر خوك والله اني في هم غير اني زعلانه من خوي جاي عندي بدون مايعلمني وينقد علي وكان يخرج كل عصر ومايقول لي او لعيالي ودكم تتمشون معنا