خوي صديقتي يهددني بالانتقاام!!!

السلام عليكم

انا يابنات عندي مشكله وابي اعرف رايكم فيها وابي اعرف انا غلطانه ولا لا
انا في حيره الله يجزاكم خير لا تبخلون علي برايكم....

كان عندي صديقه احبها مررره وانا واياها مثل الخوات ويشهد الله علي اشكثر كنت مخلصه لها ودائما اجاملها بالسراء والظراء....
يعني اذا صار عندهم زواج او ولاده اومرض او وفاة كنت اروح واجاملهم...
ولما نزلت بيت جديد رحت لها وجبت لها هديه غاليه ....
واذا حسيتها ضايق صدرها ولا عندها مشكله احاول اخرجها منها باي طريقه
مثلا اعزمها على مطعم او اطلع معها مكان نسولف واشيل شوي عنها

وبرغم طيبي معها الي هي اول من اعترف فيه
ماكانت تجاملني بمناسباتي ولاكانت لو حست اني محتاجه لها بشي تفرغ نفسها عشاني ابد وكنت دائما اعاتبها من هالناحيه...

المهم يا طويلات الاعمار مالكم بالطويل....
بدت قصتي معها يوم كثرت مشاكلها مع زوجها واكتشفت انه يخونها
وشافت ادله وبراهين على خيانته
حتى انها دقت على ارقام بجوله وحصلتهم بنات..
طلبت مني اكلمه عشان تشوف وش بيسوي؟ ورفظت رفظا باتا!!!
وقلت لها لاتحاولين اني اسوي كذا واتسبب عليك....
كنا طالعين انا وهي ووحده ثالثه لسوق وجالسين نتقهوا لما طلبت مني هالطلب
طبعا الثالثه الي كانت معنا مالها علاقه فيها ... (انا الرابط بينهم)

لما رفظت انا اكلم طلبت من الثالثه وترجتها ووافقت تكلمه..
دقت لها عليه وعطاها وجه وهو خايف يبي يعرف من الي مرسلها
المهم انا كنت اتفرج عليها وهي تسمع مكالمة رجلها واتفرج على الثالثه وهي تكلم وانا ابكي
والله يااابنات اني ماقدرت امسك نفسي
حتى هي قعدت تهديني تقول انا داريه انتي وش يصدمك كذا

المهم بعد ماسكرت السماعه قعدو يسولفون ...ويتناقشون بكلامه ويحللون وضعه وانا سااكته!!

المهم طلعت انا واياها بنفس السياره والثالثه راحت بسيارتها

قالت لي تدرين وش تقول صديقتك الي تو ؟
قلت وشو؟
قالت تقول :ماراح تكرهينه لين تحبين غيره!!!

انا سكت مادريت انها متاثره بهالكلمه او ملقيه لها بااال.....

من هاللحظه بدت رحلتها بالبحث عن الحب المفقود...

وانا كنت الاحظ عليها انها بدت تتدرج بالتغير..
بدت تهتم بشكلها لين طلعت من البيت مرره!!

يعني اشوفها بمكان عام حاطه عدسات وكحل ومتزينه على غير عادتها
المهم كنت معها مره بسنتر بوينت ودخلت الله يكرمكم دورة المياة..
وقعدت تدق علي
لما رديت قالت تعالي بسرعه وين رحتي قلت بدورة المياه
قالت تعالي بسرعه!!
كنت متوقعتها بتوريني قطعه عاجبتها ولا شي!!!

لكن للاسف قالت تعالي شوفي فيه واحد هنا قاعد يلاحقني وارسل لي رقمه بلوتوث!!:eek: