خيآنات زوجي أنهكتني

زي اي فتاه كانت تحلم ببيت واسره واستقرار تزوجت رجل كنت اشوفه رائع بكل ماتعنيه الكلمه من معنى حبيته دلعني كنت احسد نفسي اقول الحمدلله اللي رزقني فيه مرت ست شهور تقريباً كان يومها داخل ياخذ دش فتحت جواله من باب الفضول لقيت محادثه مع صديقه كاتب له صديقه وين جوالك الثاني زوجي رد عليه يمكن مخلص شحنه بس هو ف السياره قفلت المحادثه وكأن مويه انكبت ع راسي طيب ليه جوال ثاني ايش ممكن يكون فيه هالجوال طلع سويت نفسي ماعرفت شي طلعت معاه عشان نشتري عشا استغليت الفرصه لما نزل ودورت لقيته ورا حاطه بجيب المقعد الخلفي اخذته وخبيته قلت بعدين اذا راح الدوام افتحه انتظرت لين راح ووويدي ترجف وانا افتحه فتحته لقيت محادثاااااات مع بنااات يتغزل فيهم يصبح عليهم يسألهم فطرو مافطرو دموعي تنزل وانا اقرا طبعاً اعتبر باقي عروسه ماعرفت اتصرف انتظرته جاء ولاكلمته ولاشي مخبيه الجوال معاي هو لما راح الدوام شكله فقد الجوال خلى صديقه يتصل ع الرقم اللي عندي اتصالات كثيره عشان يعرف وينه وانا حاطته صامت جاء سألني ايش فيك قلت ولاشي جاء وراي واصر يعرف قلت له كل شي وقعد يحلف انه مو له وانه لصديقه المهم ماادري ليش صدقت يمكن اول صدمه وماعرفت اتصرف ملخبطه ماني عارفه ايش التصرف الصح اللي مااندم عليه بعدها بفتره جاه اتصال ع رقمه مخزن باسم ولد انا قلبي نغزني اصلا ماعنده صاحب بالاسم هذا وحطه صامت قلت له ليه ماترد قال لا هذا واحد فاضي سكت ونمت وصحيت الفجر قبله جيت بشبك جوالي ف الشاحن فصلت جواله وطلع ان في رساله من الرقم اللي دق عليه ومارد فتحتها وحصلتها كول مي خزنت الرقم عندي ورحت غرفه ثانيه وانا عندي جواله اللي اخذته من السياره رحت دقيت على الرقم واسمع الا صوت بنت آه يااااربي ايش هالبلوى ليه كذا قفلت في وجهها ويوم صحي قال اشفيه وجهك مقلب كذا قلت اسم الرقم اللي مخزنه فيه قلت له ارسلت لك رساله وتبغاك ضروري قال ايش قلت ايه وجلست ابكي قعد يحلف انها وحده مزعجته وانه مايعرفها خلاص حسيت اني انتهيت عرفت انه خاين بس برضو غلطتي ماعرفت اتصرف صدقت كلامه ليش لان عقلي يبغى يصدقه مع ان كل الاثباتات قدامي طنشت الموضوع ماكبرته يمكن في شهر سته الماضي كنا رايحين فندق نتمشى كان عنده هو جهاز محمل فيه العاب وجهازه العادي اللي يكلم به مطمن لان لي فتره ماعاد فتشت وطنشت بس صارت كم حركه منه شككتني فيه خليته لين نام وكان مشبوك في الشاحن جواله اللي منزل فيه العاب المهم اول شي فتحته من الجنب الا فيه شريحه اس تي سي رجعتها وفتحت الجهاز منزل الواتس وبرنامج دردشه الواتس فتحته كله بنات ومراسلهم يتغزل في هذي ويدلع هذي ويمدح صوت هذي ويبغى يقابل هذي هنا خلاص وصلت حدي ماكانت فارقه معاي كثير النتايج صورت كل المحادثات خليته نزل يصلي وارسلتها له ع الواتس قلت له ايش هذا وليه انا ايش ذنبي تسوي فيني كذا ومارد قرا المحادثه رجع الفندق مقلب وجهه ولايتكلم ومرتبك ومايدري ايش يقول سحبت الشريحه وخبيتها وحذفت كل شي فيه جاء فتح ومالقى الشريحه وجاني معصب قال وين الشريحه قلت رميتها قال بسرعه جيبيها مالك شغل فيني قلت فوق شينك قوات عينك اصلاً يالله قوم وديني بيت اهلي انا ماعاد ابغاك ودقيت على اخوي وهو يسمع وانا جالسه ابكي وقلت له ودق عليه اخوي قال بسرعه تجيبها قال طيب لميت عفشي اللي معاي ورحت بيت اخوي ودخل معاي وهزأه اخوي وانحرج واعتذر منه وقال اللي تبيه بسويه وماعاد اعيدها قلت كرت العايله يجيبه عندي واخذته منه وكسرت الشريحه والجوال اخذته كمان بس هو كان يبغى يحل الموضوع ومايبغى الموضوع يوصل لاابوي قال اخوي هالمره رح ترجع معاك بس ان عدتها لو طلبت الطلاق تطلق واحنا مو عجزانين منها قال طيب ورحت وتعدل فتره كنا نتعالج عشان الحمل هو عنده مشكله وانا الحمدلله سليمه سويت انابيب وفشلت ورجعت عدتها والحين انا حامل بالشهر الخامس سويت قبل شهر عملية ربط قال لي بوديك عند اهلك ترتاحي قلت فكره اصلا هو مضغوط ف العمل وبطفش لحالي ويبغى لي رعايه رحت عند اهلي جلست يمكن اسبوعين ماقال بجي ابداً هو في منطقه بعيده اربع ساعات عن منطقة اهلي دقيت عليه قلت تعال عندي مراجعه في المستشفى جاء يومها طلعت تمشيت ورحت الموعد ورجعني عند اهلي وسافر كلمته قلت له خلاص الاسبوع الجاي تعال خذني الحمدلله انا كويسه قال مو مشكله اجلسي ارتاحي ومدري ايش كلام كثير فهمت منه انه مايبغاني ارجع ومرتاح اصريت قلت السبت تعال خذني قال طيب هالكلام قبل اسبوع يوم الثلاثاء يمكن كان مداوم جلس يوم كامل مااتصل دقيت انا اخر الليل انا عارفه انه ف الدوام رد علي قلت شفيه صوتك نايم قال ايه قلت خلاص اذا صحيت كلمني انا دقيت لانه قلبي ناغزني منه يمكن طالع مع وحده او شي وهو دايم الصباح اذا طلع من دوامه يكلمني المهم جاء الصباح وجاء موعد طلعته ولااتصل تاخر ساعه رجعت دقيت مارد علي ارسلت له رساله كتبت شكلك طالع من بدري ومادقيت يالله براحتك قرا رسالتي يمكن الساعه عشره الصباح الساعه وحده الظهر يرسل لي يتعذر بالشاحن انه جواله كان طافي يوم طلع ويوم رجع بس شبكه وشغله ونام وقال توني صاحي الحين انا خلاص شكيت انه كان مع احد لان قرا رسالتي الساعه عشره ويقول توني صاحي الحين ومادق علي ولارد على اتصالي الصباح المهم زعلت وطنشته دق ف الليل رديت ولاجاب سيره سولف شوي وقفل قال بنام عشان بكره عندي دوام ومن بعدها طنش لاارسل لااتصل ولاشي قلت هالرجال وراه مصييبه طنشته حتى انا بس جاء في بالي اكتب اسمه اللي دايم يسجله ف الالعاب في قوقل بس كتبته وطلع لي انه مسجل في قروبات تعارف وكاتب عمره والمنطقه اللي انا وياه ساكنين فيها وطلع لي تويتر حقه كله ضايف البنات اللي وصخات يقابلون ويعرضون اجسامهم وهو يعلق ع الفديوهات اللي ينزلونها كلها اشياء خااااادشه ولقيته كاتب لوحده من فتره مو هالاسابيع بس انه بعد زواجنا بمده انه كانت السهره معاك ممتعه ويتغزل فيها ويطلب منها انه الصباح ترد عليه عشان يطلعون يفطرون سوا وكاتب مشتاق لكل شي فيك خلاص انا انتهيت حزنت كثيييير انا لي بس ثلاث سنوات متزوجه حاليا انا بيت اهلي هو مطنشني ولايسأل ولايتصل وانا عارفه انه عشان مشغول بالبنات اللي يكلمهم انا كمان ماخذه وضعية التطنيش بس مااعرف ايش اسوي اكلم اهلي اقول له اني عارفه كل شي انا حزينه ع اللي في بطني بس كمان ماني ناويه ارجع له حالياً كل وحده لو كانت مكاني ايش رح تتصرف ساعدوني 😔