++ خياطة التوسيع ... نوعيــــــــــــــــــــــــــ ـــــــــن ++

السلام عليكم اخواتي

بعد بحث بسيط عن انواع الخياطة طبعا على مستوى مجتمعي وحدود قريباتي

وجدت انه هناك
1\
* خياطة تاخذ من الوقت اثناء عملية تطريزها :08::08:ربع ساعة - نصف
* خيوطها تذوب وتطيح من نفسها بعد 10 ايام في المتوسط .
* يستخدمونها المستشفيات الحكومية بكثرة .
2\
* خياطة تاخذ من الوقت اثناء عملية تطريزها :icon33::icon33: ساعة -ساعةونصف (واللي تخيط قريبتي- تسولف عنها - تقول: استغربت انه لابسة لبس غيرهم وحاطة شي على عيونها يشبه النظارة.
* خيوطها لازم يفكونها المستشفى ما تنفك لحالها .
* يستخدمها مستشفى الملك فهد بالرياض ( مستشفى مايدخل الا بالواسطة لغير اعضاءه ) او عن طريق مركز الاعمال بفلوس ..وامي يوم تولدني ها هاي قبل اكثر من 25 سنة :39:_بحث موثق تاريخيا _مخيطينه بهالنوع .
وقريبتي اللي ولدت عند مستشفى الملك فهد تقول ما وسعوا لي بمقص او مشرط كما في ولادتها السابقة باليمامة وسعوا لها بيدينهم .

انا خيوطي من النوع الأول بمستشفى الولادة ببريدة كثيرة التهاباتها وبعد ماتطيب يبقى لها اثر وتحسينه كثير خاصة وقت الدورة ..
وعلى حد ما سألت عن الخيوط من النوع الثاني انه ما يبقى لها اي اثر..

وبنت عمتى توها والدة تعبت كثير من خيوطها ولما راجعت بالخاص قالت لها د. انه جرحك منخاط على التهاب شديد وصديد وعطتها ابر مضاد وحبوب مضاد وكريم مضاد هذا الكلام لما تمت 15 يوم وقد طاحت الخيوط
واخذت الدكتورة تسب في خياطة الحكومي مدري تمشي سوقها والا ؟؟؟ الله اعلم
وانا اتوقع معها حق من كثر الزحمة اللي عندهم ما شاء الله
واكيد بيتعبون ويجهدون .... ويملون ......ثم يمشون:09: طبعا بعضهم مو كلهم
معليش معلوماتي سطحية مرة ماهي علمية اوطبية بس قد همنا والمعلومات اللي نتبادلها
وانا ناوية اسأل دكتورة ان شاء الله عن اي النوعين افضل و؟ ولماذا؟
بس يمكن اتأخر لأن مراجعتي باقي لها شهر ..ياليت من مراجعتها قريبة وعند دكتورة ناصحة تسألها
الله يتمم لنا ولكن ولجميع المسلمين
اللهم سخر لنا ملائكة السماء وصلاح الأرض
لا اله الا انت سبحانك اني كنت من الضالمين