أقول بنات ...



جنه بوادر الانفراج بانت ..


بس بغيت استشيركم بشغله انا ماقدر اييب خياط رجال لازم مره

تعتقدون اى احسن اييب خياطه فلبينيه والا هنديه حق الدراريع والحفلات؟؟؟؟

الأخت أميرة الأحلام الحمد لله على السلامة . . . والله يعطيك ويعطي الجميع الصحة والعافية.
الحمد لله الذي فرجها عليك والله يوفقك ان شاء الله.
بالنسبة للفلبينية فأعتقد انها بتكون شاطرة في مجال الخياطة وممكن التصميم . . .
أما الهندية بصراحة سمعنا عن الهنود الرجال أكثر لأن أغلبهم يعملون بالخياطة والتطريز . . . أنا أعتقد أنك محتاجة للتطريز والخياطة معا لأن أغلب الموديلات تعتمد
على التطريز بشكل كبير. . ما أسدها في وجهك لكنه أمر يجب التفكير فيه . . الا اذا كنت معتمدة على الأقمشة المطرزة الجاهزة وتدخلينها في الموديلات. . . أنا أعتقد أنه من الهند ممكن تجدين التخصصين معا. . . وممكن الراتب يكون أقل من الفلبينية .
وفقك الله وادعي لي الله يفرجها علي .

مشكوره يابهجة القلوب ... ادرى والله انج ماتبين تصكينها بويهى وانا اليوم قعدت افكر بكلامج بس ماباليد حيله ريال صعبه انا مصدقت على الله ابوى يوافق على الفكره هالمره اقوله ريال هاذى فيها قبايل ودم لــــــــــــــي الركب....


بس لو اقولج اللى صارلى اليوم رحت مكاتب الخدم ادورلى على خياطه كل مادخلت محل يقولولى ماعندنا .. خامس محل دخلته قام يضحك لما قلتله فيه شى؟؟؟ جان يقولى ماشالله حظج حلو عندى خدامه توهم رادينها راحت بيت ومارضت تشتغل خدامه قالتلهم انا خياطه وابى اشتغل خياطه اشرايج اتجربينها 4 ايام اذا عجبج خياطها اخذيها والا رديها المكتب ...

سألت ابوى وقالى خوش فكره .... الحين اهيه عندى بجربها من اليوم لى الجمعه واشوف وانشالله انشالله تطلع زينه علشان ابلش المشروع...



على فكره اهيه فلبينيه وقالتلى انها كانت اتخيط بديرتها لمدة خمس سنين ومايندرى هاليومين راح يبين...

شكلى انا بكتب يومياتى .. علشان اذا وحده من البنات فكرت اتسوى نفس فكرتى تستفيد من الحوسه اللى انا فيها الحين
طلعت الخياطه اللى انا يبتها تشيخ على القمصان والبوالطو والبنطلونات اكثر من اى شى ثانى يعنى اذا بتظل عندى لازم اعلمها انا الدراريع وفساتين السهره... امى تقول مومهم دام خياطها زين ومرتب ممكن تتعلم اى شى ...


ويستمر المسلسل...

الحلقه رقم 5 : "من يوميات اميره والخياطه"

بدينا مشوار الدراريع بس طبعا ماقدر اجرب بالخامات الغاليه اللى عندى رحت شريتلها خامات رخيصه حق ثلاث دراعات وبديت اعلمها المشكله انى مييييييييييييح بالخياطه ماافهم لها انا اعرف بالتصميم بس اعتقد انى راح اعانى معاها
مسكينه شكلها تحاول تتعلم وعندها استعداد بس انا اللى مادرى اشفينى بديت اخاف حاسه انى جدام مرحله صعبه يا إما تخيب او تصيب ...
اخاف ذوقى مايعجب الناس اخاف واخاف واخاف واخاف
بس ماراح ايأس انشالله لايأس مع الحياة ولا حياة مع اليأس

والله المستعان