خياط منسسسسسسم!! ( لاتفوتكم الصوره )

بحر المشاعر • 20 سنة

ههههههههههههههههههههههههههههه ههههه
الله يرجك انتي واياه >>طيب هي وش دخلها الضعيفه خخخخخ

بس شكله ذا يهش ذبان المسيكين
شوي ويقول طل علينا ولك فنيله مجانا هع هع

بحووورة ابي الوصف تكفين باعطيه اخواني يروحون يفصلون عنده مايتفوت ذا هع هع هع

هلالالالالالالالالالالاع بعذيب وشلونك يابعد عصاقيلي حيا الله بنت ديرتي وعساها دوم هالضحكة

بس لدي شيئون يقرقعو في سبدي منذو غزوة الخندقي ( أكيد بتصدق هالسبهه :blink: ) وأحبو أن أقولهو لكي ولدي خثرمتون قاعدتن على صدري ( وش رايكم في اللغه وهالفصاحة علشان تعرفون إني منيب سهله وضليعه في اللغة ) وهي لماذا ياعذيب لم تخبرينني عن كونك شقراويه وأنا آخرو من يعلمو وهذه تعد جريمتن لاتغتفرو ويعاقبو عليها القانونو الدوليو بقيادة المايسترو كوفي عنانو ابن السلحدار باشا شيخ كفر الظواطير :icon20:

لماذا هذا التجاهل ايتها السحلية الفوشية ( شانت الاخلاق :S_45: ) وليته وقف الأمر عند هذا الحد بل دعيتي علي بالرجه في ثنايا ردك .

وأنا أرد عليك عبر أثير عالم حواء ( البنت متعوده على الاذاعة المدرسية ) وأقول كيف تدعين الله أن يرجني أيتها الحيزبون الشريرة ( أحد ضحايا سبيس تون لاتشرهون ) أتريدين أن يفقدني المنتدى ثم لاتجدون من يسليكم ويوسع صدوركم >>>> وحده ماكله في نفسها مقلب :biggrin:

وكان من الاجدر بك الدعاء لي بالثبات وليس بالرج والرجوج أم تحسبينني قطوتن طاحت في عمق برميلن ولم تعرف أين المخرجو فأصبحت تبترمو حتى أصيبت بالرجه في دمجتها >> أقول عظي على شحمه ولايكثر :024:

بس شكله ذا يهش ذبان المسيكين
شوي ويقول طل علينا ولك فنيله مجانا هع هع

مافيها كلام والا وش حاده على هالعرض المغري غير الدجه والله العالم إذا ما جاب نتيجه هالعرض بيقول فصل ثوباً وخذ صحن كبدة حاشي بالفلفل مجاناً والا فصل ثوبين ونهمزك لين تغفل والا فصل ثلاث ثياب ونحصد شوشتك ونقضي على القمل اللي مخيم فيها وقالبها شهر عسل >>> حشى ماصار خياط :biggthump

الا على فكره وش سالفة هالضحكة ( هع هع هع ) المنتشرة في المنتدى وكل عضوة تستخدمها ليكون قاطين فيها وأنا ماعندي خبر :confused-

بحووورة ابي الوصف تكفين باعطيه اخواني يروحون يفصلون عنده مايتفوت ذا هع هع هع

ابشري يا عذيب بس ترى لي حق السعي ( ما تفوت شي ) شكلك خقيتي مع هالعرض العجيب ( انبسط ياصديق عرضك جاب نتيجة ) 0

وبالنسبه لمكان هذا الخياط الماهر صاحب العقلية الفذة ( أمحق خياط حده يلقح نخل وتخب عليه ) موجود في شارع البطحاء اللي بالعليا خامس عماره على يدك اليمين بجوار العثيم مول وأنتي رايحه للشفا >> توصيف محشش :icon32:

اسم الخياط : ابو برعي >> هندي واسمه ابو برعي كثري منها يابحوره واقطعي يدي إذا صدقوك

عمره : 20 سنه و5 سنوات

الهوايه : الطيران ولعب الكيرم وتلقيح النخل >> لاحظوا هواياته أنواع الانسجام

المؤهل : حاصل على الشهادة المتوسطة من جامعة اكسفورد بكلية المعلمين بنيودلهي الشقيقة

الحاله الاجتماعية : أرمل ولكن يحب الناس لأنه حنون القلب شلولخ فضلاً على انه عقلية فذه

يعني ياعذيب مواصفات فول أوبشن ( فول والا عدس كخخخخ ) ولا فيه عذاريب الا إنه يدهن شعره بأملا دابر ( قصدك أملا دامر المخيس ) وبراطمه كبار ويسعبل في وقت الظهيره والا هو كامل والكامل وجهه ورجل أعمال يشار له بالبنان يعني الرجال ما ينعاف وفرصة نادرة >> وحده تلمح تبيك تاخذينه بتكسب فيك أجر قبل ما تطحين في كبد أهلك ويا بخت من وفق راسين بالحلال :biggthump

تحياتي لك يا الغلا وشرفني مرورك بشارعنا قصدي بموضوعي الكيوت >>> برضوه على شحمة :icon29:

بحر المشاعر • 20 سنة

مراحب بالغالية ميمو والله يسعدك دنيا وآخره ومدري ليه هالاسم عزيز على قلبي يمكن علشانه على وزن نيمو فلمي المفضل تلك السمكة الصغينونه ( والله يا عليها لون مهوب صاحي :biggthump ) والتي ضاعت عن أبيها في ليلة ٍ ما بها قمره ، نعم لقد ضاعت في عباب المحيط ( ملاحظين كلمة عباب ترى مهوب كل واحد يقدر يقولها بس المثقفين مثلي >>> طيب يا نجيب محفوظ :biggrin: ) وأخذ أبوها يبحث عنها في كل شنق ( شنق لغة عربية فصحى الله يخلف على أم جابتك :bkh: ) حتى وجدها منلفزه عند طبيب أسنان في حلة القصمان بالرياض >>> ماتشوفين شر يابحوره روحي نامي أصرف لك :blink:

والله بغيت أموت من الضحك
والله يذا الهنود عليهم حركااات

لااااااااااااااااااع تموتين نبلش بك تراك غاليه على قلوبنا ونبغاك تعيشين كم سنه زياده >>> وهو بكيفها :icon20:

مشكوره عنوني
م ي م و

أنتي اللي والله مشكورة بمرورك الكريم وبالطلة الحلوه ياالغلا