lome_1996 @lome_1996

عضوة جديدة

خيانات زوجي 💔

مو قادره انام والله ولحد يضغط علي فوق ما انا منضغطه انا زوجي الحمدلله كويس معاي ججددا جداً بس تعبت ي بنات وانا اكشفه يخوني 😢 وربي خلاص وصلت حدي متضضضضضايقه مره مو عشانه عشان نفسي اني مو مقصره واللي ذابحني اكثر طيبته وحنيته معاي قاتلتني والله العظيم ذابحتني انا جايتكم ضايقه فيني لا تقولو لي لا تبكي عشان رجال او ماعليك فيه والله الدمعه مانزلت مني بس اليوم للمره الرابعه اكشفه بس ماتكلمت بس وضحت له توضيح اني عارفه شي عنه والله العظيم والله اني دعيت يارب اذا له بالخراب اكشفه لي وقسم بالله اني مو وراه ولا اكشف وابحث وراه لان حركاته معطيني الثقه الكامله فهمتو يفتح الجوال قدامي كل اتصال يجيه يرد قدامي اذا شكيت وقلت مين هالرقم يتكلم بثقه ومره شفت السناب حقه مافيه شي ابداً وسبحان الله ربي بيكشفه له هو محمل التكتك توه ويوريني مقاطع وشفت حسابه وكذا طفشانه لما طلع رحت بحثت على حسابه الا بالبايو كاتب سنابه !! وربي صفيت نيتي قلت دايم سنابه فاتحه قدامي يمكن بس يبغى رجال بس خليني اجرب اسوي حساب واضيفه وسويت حساب وضفته فجاءه الا تجيني اضافه من حساب ثاني !! واناظر هالحساب مو غريب شايفته بجواله القديم كان حسابه قبل لا اتزوجه وبعدين غيره هنا عرفت انه مسوي حساب 💔 بس تعرفون اللي اشكك نفسي اقول يمكن مو هو بس الحساب كيف عرف حسابي وهو جديد ! وماضفت فيه الا زوجي ! ومقفله الاضافات السريعه !! يعني مفهومه المهم قلت مين والحساب مافتح رسالتي باقي بشوف بس جبت العيد قلت لزوجي بقولك شي بس تحلف بالقران تقولي الصدق قال لا وش هو رفضت اقوله قلت بس بقولك اني عارفه شي عنك ومو مرتاحه مره حسيته ماهتم عادي ! احس بطق برقعها له بكره بأي شي وبشوف هل هو الحساب ولا لا انا خفت يكون مو هو وزوجي يعرف حسابي الجديد ويشك فيني عشان كذا وضحت له 💔 مدري وش اسوي ي بنات لا تقولو انتي وراه وهالكلام ! تعبت من الخيانات خليكم مكاني وقولي لي وش اسوي بكره لما يصحى 💔💔

يلزم عليك تسجيل الدخول أولًا لكتابة تعليق.

تسجيل دخول

سالفة_عريقة • 4 سنوات

الله يربط على قلبك.... لا تضغطين على نفسك ولا شي... ليش محتاجة تواجهين الصباح؟؟؟ ممكن اي وقت تكونين فيه مرتبة افكارك وواضحة بالشي اللي تبي تسووينه. لو مكانك استشير في هذا الموضوع... اتصلي على جمعية أيامى - استشارات مجانية.

lome_1996 • 4 سنوات

سالفة_عريقة :

الله يربط على قلبك.... لا تضغطين على نفسك ولا شي... ليش محتاجة تواجهين الصباح؟؟؟ ممكن اي وقت تكونين فيه مرتبة افكارك وواضحة بالشي اللي تبي تسووينه. لو مكانك استشير في هذا الموضوع... اتصلي على جمعية أيامى - استشارات مجانية.

الله يربط على قلبك.... لا تضغطين على نفسك ولا شي... ليش محتاجة تواجهين الصباح؟؟؟ ممكن اي وقت...

امين مو ضاغطه على نفسي بس تعبت والله لدرجة تبلدت اللي خلاص مدري وش الحل سويت كل شي وباقي مستمر زعل وزعلت وروحه لاهلي ورحت سماح وسامحته بدل المره ثلاث اعطيه ثقه اعطيته هدديه هددته ومشيت على تهديدي سألته انا مقصره بشي حاس بشي قال مالقى احسن منك وش باقي ؟؟ مخي وقف

سالفة_عريقة • 4 سنوات

سالفة_عريقة :

الله يربط على قلبك.... لا تضغطين على نفسك ولا شي... ليش محتاجة تواجهين الصباح؟؟؟ ممكن اي وقت تكونين فيه مرتبة افكارك وواضحة بالشي اللي تبي تسووينه. لو مكانك استشير في هذا الموضوع... اتصلي على جمعية أيامى - استشارات مجانية.

الله يربط على قلبك.... لا تضغطين على نفسك ولا شي... ليش محتاجة تواجهين الصباح؟؟؟ ممكن اي وقت...

دخلي الاصلاح في الموضوع عسى يكون وجود طرف ثالث حكيم مخرج لكم لان العقول اللي صنعت المشكلة وحاولت تحلها وما نجحت تحتاج تشوف الحل من وجهة نظر مختلفة...

برنسيسه اولى • 4 سنوات

وين الخيانه في الموضوع؟؟؟
واذا عنده برامج ايش المشكله
الخيانه يعني يحب ويعشق وحده فقط وغيرك ويفكر فيها طول الوقت ومتعلق فيها وبينهم مواقف وكل شي وانتي ساحب عليك حتى فالفراش
البرامج هذي ماهي خيانه اطمني وارتاحي وريحي راسك واذا يشوف صور ومقاطع عنده رب يحاسبه مو انتي تحاسبيه
لما يحب غيرك وقتها حاسبيه وراقيه
انتبهي لاتطفشينه منك وتخلينه فعلا يخووونك

[Faith] • 4 سنوات

يالطيف قد ايش الحريم تدور النكد وتعشق دور الضحيه..

معليش يااختي انت مو متزوجه ملاك،
ان شاء الله زوجك راح يصير ملاك بدون أخطاء في الجنه لكنه الان مازال بشر على الأرض يخطئ ويصيب..

يعني تعديتي مرحلة التجسس وصرتي تسوي حسابات واختبارات..

حياتك جميله وطيبه وزوجك رائع بس لازم ندور على ثغره علشان نهدم العش، وندورها بأنفسنا ونخرب على نفسنا..

معليش ممكن كلامي قاسي، لكن خلي لك أهداف غير زوجك انه يكون ملاك ولايُخطئ..

ولا تبحثي وتتجسسي وتدوري على خيوط لهدم بيتك،

خذي الظاهر الجميل من زوجك وعيشي معاه بسعاده وحب وتغافلي وادعي الله انه يحفظه بالغيب، وخلي لك أهداف دنيويه واخرويه تنشغلي فيها..

الدنيا رحبه وكبيره لانضيقها على أنفسنا، ربي خلقنا لهدف خلينا نسعي لرضاه ونحس بالسعاده الحقيقيه، ولانبحث عن معاول لهدم أركان حياتنا بأيدينا..

ارجع اقول اشغلي نفسك بما ينفع وادعي لزوجك بالحفظ ولاتضخمي الأمور،

غيرك في ابتلاءات أعظم وصابرين..

الله ييسر امورك..