جزاك الله خير يا اختي على هالنصائح وان شاء الله اني باطبقها بحذافيرها،
والله يصلح حالنا اجمعين

الله يعينج و يبرد النااار اللي ف صدرج ..
حبيبتي .. ان امن رايي ان اذا الحرمة حست ان ريلها يلعب بذيله ما تراويه و لا تحسسه بهالشي
بالعكس تماما .. تستكت و تكتم هالشي ف نفسها
صح بتتعب اول شي
بس عقب هي اللي ترتاااح ..
تركز على عمرها و عيااالها
تفكر شو اللي ناقص ريلها و تسويه ..
اذا هي خففت اهتمام بنفسها ترد مثل ما كانت عروووس
اذا هي نكديه و دلوووعه و صياااحة تحاول تخفف هالشي
و موضوع اختنا حوووورية رااااااااائع من هالناحيه
و هذا الرابط ماله
http://forum.hawaaworld.com/showthread.php?t=450024
يعني تنااااسي انه ممكن يكووون خاين
هو ريلج و انتي اللي تعرفين ترجعينه لحضنج ..
اهتمي بعمرج و ولدج
ادلعي سولفي وااااه اضحكي معاااه اطلعوا مع بعض ارجعي حق حياة شهر العسل
بس لا تناقشينه و تقعدين و تسوين جلسة صراحة و ما ادري شو
لأن هالجلسااات بتنقلب على راسج
بيزيد حرصه و بييصير يمسح كل المكالمات الصادرة و الوادرة و المسجات و .. و ..
او ابسط شي يحط قفل على التلفووون
و وال ما يدخل البيت بيحس ان المحقق كونان يستناااااه
بيدخل ضايق وماله خاطر يتكلم و بتقعدين عقب تشتكين من سكوته و قلة اهتمامه
و بتمين انتي مطنشه ساكته و تهرين و تنكتين ف نفسج
و اذا ييتي عنده و كلمتيه بيكوووون عشان هالموضوع و بيبدا هو على طووووول
يدافع عن نفسه
و بعدين الررريال اذا عرف ان حرمته تعرف
و ماسكتنه و خلاص ما بتصدقه من اليوم و رايح
يصير عاااااااااااااااااااااادي عنده
خلاص هي تعرف ترى حق شو بخش عنها بعد ..
بسوي اللي ابااااااااه و يوم اباها ما تروم تقولي شي لأن هذا حقي
يعني بتصير حيااااتكم قمة ف الملل و التعقيد
الله يوفقج يا قلبي و يهدي سركم و يسخرلج لوجج و يسخر زوجج لج
و يسخركم اثنينتكم للي يحبه ربي و يرضاااه
و السموووووحة

:( اختى العزيزه انا اكثر وحده حاسه بمشكلتج لانها صارت لي ........
وانصحش ما تتخلي عن زوجك لاي سبب وما تخلي اي وحده سخيفه .. وقليلة ..... ، يحرمك منه.. ويحرم ابنك من ابوه.........
وبما ان زوجك دائما صريح معاش .. اجلسي معاه وتكلموا بالموضوع اكثر ...
وان شاء الله بتتعدل الامور ويعرف غلطته ... وانت بعد تعرفين شو ناقصه ...
والله يصلح بينكم ان شاء الله ويبعد عنكم الشر
والسموحه... :26:

كلام الاخت لاوسي قمة في الروعة اتمنى تطبقية
وراح اقول لكم موقف حصل معانا :
كان فية وحدة مزعجتنا على تلفون البيت رغم ان رقم جوالها يطلع في الكاشف (وقاحة)
المهم اعطيت الرقم اخوي لاحظوا (ما اعطيته زوجي)
المهم كلمها اخوي وهددها وحذرها من انها تدق على هذا الرقم مرة ثانيه
ومن يومها توبه
ما عادتها
اسفة على الاطالة لكن ماحكيت القصه الا لاخذ الفائدة
يعني اي وحدة تلقى رقم وتكون متاكدة انه بيكون مصدر ازعاج لحياتها الزوجية
(تسوي الطريقة السابقة بدون مايعرف زوجها )
والله يفرج همك اختي
وشكرا

طنشي حركة إنه اخذ البطانيه ونام بالصاله , اتركيه هذا تصرف عشان يحسسك بالذنب ومكابرة منه بس اتركيييييييييييييه إن شاء الله ينام بالسطح , انتي ما زعلتيه ولا اغضبتيه عشان تتأسفين منه