خيانة زوجي

size=3]السلام عليكم ورحمة الله وبركاته

سراحه انا مني عارفه كيف ابدا موضوعي بس تشجعت يوم قريت الموضيع الموجوده
وقلت اكيد باذن الله راح الاقي عندكم الحل او الدعاء ....
انا متزوجه صار لي حمس سنوات او بمعنى اصح راح اكمل السنه الخامسه بعد شهر
احب زوجي حب لدرجة اني ما اتخيل حياتي من غيره وكان يتهيألي انه هو بعد يحبني وما يقدر يعيش من غيري ربي رزقنا في بنت ماليه علينا البيت بلعبها وضحكها..
زي ما قلت لكم كنت اعتقد ان زوجي يحبني و ما يقدر يستغنى عني لحد ما اكتشفت انه يخوني ايه يخوني ويعرف وحده غيري عن طريق التلفون.
انا راح اقولكم كيف اكتشفت اول مره...
طاحت فاتورت جواله بيدي وسراحه فتحتها واكتشفت ان المبلغ كبير شوي سراحه استغربت لاني اعرف زوجي ماهو راعي موكلمات واتصالات واصدقائه معدودين واكثرهم مسافرين برا...دققت بالارقام ولقيت ان فيه مكالمات مدتها بالساعات استغربت وبدا قلبي يعورني وكانت فيه مكلمات باوقات متاخره واكثرها لمى يكون ماهو نايم في البيت حسب متطلبات عمله...سراحه الشك دخل قلبي بس كن قويه وقدرت اتغلب عليه وما طولت يومين ونسيت السالفه لاني كنت واثقه بزوجي..
بس الي صار الحين غير..........
زوجي كل شوي ياخذ جوالي ويفتش فيه لمين هل الرساله ومن رقمه هذا وغيره من هل الاشياء طبعا انا عرفت انه مسوي شي وخايف اني اصير زيه وكنت اتعنى احط جوالي عنده واتركه يفتش براحته وفعلا كان يفتش من غير ما يحاول يقولي بس طبعا انا كنت كاشفته لانه ما كان يرجع الجوال زي ما كن...بس مو هذي المشكله.
المشكله انه حتى انا صرت استخدم اسلوبه وافتش في جواله من غير علمه الين اكتشفت انه فيه ارقام هو مجريها بس ماهي مسجله عنده في قائمة الاسماء واكتشفت انه فيه رسايل مرسله لهذي الارقام والطامه الكبرا لمى قارنت هذي الارقام مع الفواتير........بيني وبينكم مع كل هذا ماكنت مصدقه لاني اعرفه كويس عاقل ومو راعي هل حركات.
بس الشيطان شاطر وفر في راسي وخلاني ادق على رقم من هذي الارقام وكانت الصاعقه انه بنت ترد علي بكل ميوعه ودلع :icon33:
ومن يومها وانا ما ادري وش اسوي وسراحه ماني مصدقه الي قاعد يصيرلاني زي ما قلت لكم زوجي عاقل .انا صار لي اسبوعين لا ليلي ليل ولا نهاري نهار ولا قادره اكل ودي اصارحه وماني عارفه كيف ونفسي اعرف ليه سوا كذا مع العلم اني ما قصرت معه بشي .
الكل ملاحض انه فيني شي والكل يسالني وشفيك بس انا عمري ما شكيت لاحد شي شكوتي لله وحده.
اسرار بيتي محد يعلم فيها الله وحده..كا البنات يشكون لامهاتهم لاخواتهم وانا عمري ما قلت لاحد شي يصير مشاكل واحلها ومحد درا عنها.بس هل مره مني عارفه كيف اتصرف؟
ياليت تساعدوني الله يجزاكم كل الخير انشاءالله

اسفه اذا طولت عليكم بس اعذروني.]