خيانة زوجي ساااعدووووني 💔

السلام عليكم كيفكم صبايا
جايه ابغا اسال عالسريع وابغا اجابه من الحكيمات والذكيات والقوياات الي تاخذ حقها وزياده اش تسوي لو كانت مكاني
انا يابنات مع زوجي كنا سمن على عسل بس بعد ولادتي الاولى مادري اش صار فيه صرت احصل حسابات ف تويتر يكتب مين تبغا تطلع كاش ومن ذا الكلام ويقصد ينام معاها وكنت اعرف انه حسابه لانه موجود ف جواله صرت اراقبه وانا ساكته
اذا سافر مكان يصير يكتب المدينه الي هو فيها
يعني اكيد اكييييد مافي شك انه زوجي تيقنت وتاكدت حتا يوم يقفل على نفسه بالغرفه اخر الليل يكتب ف الحساب يعني هو بالمختصر


ولما واجهته كذبني وقفل الحساب وقال هذا صاحبي وانا سجلت مره الدخول ب حسابه
تصريفه يمين يسار انا مو مصدقته ومتاكده انه خاين بس قلت يمكن ماسواها كان عنده نيه فقط!!!!
مشيتها له بعد مهاوشاات ومشاورات وللاسف اني حملت ثاني عشانه وانا توي في بدايه عمري وكانت غلطه سريعه
وهو كل ما احمل يبدا ينفر او شي زي كذااا حتا بعد ولادتي اكتشفت اشياء ثانيه
وهالمرة عاد كانت اقوى واقوى لما حصلت واقي ذكري ومزلق في شنطه سفره يقولي نسيت انك حامل وجبتها!!!! وانا حامل ف الثالث ؟ كيف نسى شي عجيب
وبعدها بفتره حصلت حساب سناب كان كله بنات وقوادات عافانا الله مما ابتلاهم ويوم شفت المحادثات وربي شاب راسي من الصدمه
روحت كلمت اختي تسوي حساب وتختبره وماقصرت صورت لي كل شي ووللاسف حتااا صورة وجهه ارسلها 😭 حتا سيارته الجديده الي ذاك اليوم طلع فيها بالصدفه ارسلها لها
والي يقهر يابنات يترجاااهم عشان ينامو معاه يعني يدفع ف الليله مبلغ مو هين وانا لما اطلبه والله مايقصر معي من الناحيه الماديه لكن استحي وماحب اثقل عليه و ابغاه يجمع و يحسن حالنا اكثر 😢 خساره صبري و حبي و تضحياتي


كل ما واجهته كان يصرفني يقول هذا صاحبي قليل الادب و و من هذا الكلام قلت برضه اعطيه فرصه ثانيه
يابنات بعدها حطيت موقعه ف السناب عندي وصار يبين انه يروح فندق و استراحات وهو مو داااري طبعا برضه واجهته وصار يشيله ويغير الرمز السري وصرت من كل ناحيه احاول اكتشف اذا يخون ولالا ماحصل شي بس كان يخرج ومايرجع الا الصبح او اخر الليل يقولي شغل وانا ف قلبي يقيييين انه يكذب واحلف لكم بدون دليل 💔


للاسف بدا يتغير اسلوبه معي يقولي انتي نكديه و عصبيه و صرتي طويله لسان وماتحبيني ومتغيره وطبعا كل هذا صح ما اخفيكم لكن هوووو السبب الي حدني اغير كل تعاملي معاه بسبب خيانته والفجور الي هو فيه
وطبعا موضوع التعدد دايما على لسانه رغم ايام الملكه ماكان يطريه وصار يقولي انا لايمكن اخونك ويحلف لي بديت اشك انه متزوج مسيار كله عشان الحرام بس برضه جرح كبير لايمكن استمر معاه😭


واليوم بقولكم وش صار معي ؟؟
اليوم يااحسافتي طلعت مشوار بسيارته مع اخوي وقالي انتبهي لا تفتحو الادراج عندي اوراق ضروريه وانا عرفت انه عنده بلاء نسى يشيله بمجرد مافتحت الدرج حصلت واقي ذكري وكمان مخلص ٦ حبات :( يابناااااات هنا بجد مو قادره اتخطى الموضوع
صدق صدق صدق هذا ولا شي من الي اشوفه
بقولكم مواقف تصير دايما
اشوفه يكتب ويلف الجوال عني مرات مايبغاني اشوف، اشوفه يصور دخان وشعره و كشخته بالسناب ولا يرسلي ومره بالصدفه صور اضاءات بغرفه نومنا ورسلها ولمحت سناب بنت 😶😶😶 ودايما وابدا لما يجيني كان يقعد عالجوال حتا لدرجة وقت العلاقه يكون عالجوال يقولي شغل ضروري واذا طلع برا البيت واتصلت يقولي مع الشباب لاتكلميني اكتبي بس!!! صدقوني يابنات هذا سيناررريو كل يوم كل يوم كل يوم لدرجة تبلدت ماصرت اتهاوش صرت اطقطق اقوله كيف حال الرخيصات الي عندك؟ ليش اليوم ماطلعت مع الشباب وانشغلت عني؟ لما نجي نناام واشغل اضاءه خافته اقوله يلا صورها للدشير الي عندك.. واذا خرج يوم كامل جاء من بكره اقوله بكم اليوم السهره كنت كم كلفتك واضحك!! يابنات غصبا عني من قهري وربي هل اسسلوبي صح ولالا 😭😭😭
طبعا انا اليوم بعد موضوع السياره والي شفته كنت رايحه لاهلي اصلا ف مو ناويه ارجع ابدا ودي انكم تشورون علي وش اسوي
والله ماعندي احد افضفض له الا انتم وانتم مثل اخواتي 💔 ابغاكم تعطوني ردة الفعل الصح وش اقوله وش اكتب له وهل لو طلبت الطلاق اكتب له رساله اطلع الي بقلبي بس احسه عمره ماراح يفهم!! وقد مره قال لو ودك تتركيني اتركيني بصمت مابغا ازعاج كان يقولها مزح وقعدت ف قلبي 😢
تكفووون وش رايكم انتم وش ارسله وش اسوي وش اكتب وادعولي ان ربي يكتب لي الي فيه الخييير يارب 🤕 انتظركم