خيانة زوجي لي مع بنت عمته للمره الالف 😭💔 عطوني حل تكفون...

السلام عليكم
كيفكم اخواتي
عساكم ما تذوقون حرقة والم وقهر وضيم ما انا عليه الان ... حسبي الله ونعم الوكيل على كل خائن وخائن ....
مالكم بالطويله ...
انا اكتشف ان زوجي له علاقه مع بنت عمته غير متزوجه بسن زوجي طبعاً انا اصغر منها ب 4سنوات المهم ... بالبدايه انا حملت وبالاشهر الاولى من حملي تعبت وطلبت الدكتوره مني الراحه ولزم الفراش طبعاً مارحت لاهلي عشان ما اخلي زوجي جلست ببيتي وجبت شغاله ما ابي احسس زوجي بالنقص ابي اكون بجانبه وابيه ياخذ راحته ببيته افضل من اني اكون عند اهلي وهو لحاله ... لما دخلت الشهر الرابع صار وضعي بالحمل مطمن الحمدلله وصرت اروح واجي وكان وقت الشتاء والطلعات والبر وكنت اروح معه وين ما يبي اضحي بنفسي عشان اسعده وهو اشوفه شارد الذهن ولما يجي واستقبله واضمه جداً عادي مافي تبادل للشعور يسهر كثير برا البيت وقته معي بالبيت فقط يا نايم او على جواله ... مره كان علينا مطر شديد ولا قدر يطلع برا كنت بدورة المياه لما طلعت ما حصلت رحت لقسم الرجال سمعته بالمجلس يكلم ويخفت بصوته ويحاول يستعجل ويختصر الكلام ... لما ناديته قفل الجوال وفتح الشباك قالي تعالي شوفي المطر روعه من هنا انا بديت بالشك والتتبع زوجي مو طبيعي وما بينت له اني اتابعه وبنفس الوقت انا ماقصرت معه معطيته حقوقه كامله من فراش ومن خدمه حتى راتبي فداه لاني احبه وزوجي وابو بناتي اهم شي عندي سعادته.. المهم
بعد اسبوعين وهو نايم اخر الليل انا طبعاً من عرفت انه فيه شي مخبيه عليه وانا ما اذوق النوم ودمعتي على خدي اكثر ما يجي ببالي انه متزوج مسيار حتى شكي فيه شريف ... طلعت للحوش اخر الليل وفتحت السياره وجلست افتش والقى جوال سامسونج بالدرج ومفتوح مو مقفل ولا فيه رمز فتحت الجوال والله يابنات تمنيت اني ماشفت اللي شفته الدنيا ظلمت بعيوني حسيت بغثيان معدتي انقلبت من الصدمه صرت ارجف عجزت اتحرك جلست الكي واشوف الصور القذره المقززه والكلام الفاحش والغزل والى الان ماجاء ببالي انه احد من قرايب زوجي ابدا قلت اكيد وحده متعرف عليها اخذت الجوال وصورت جميع المحادثات بجوالي وارسلتهم ع الايميل وحذفتهم من جوالي وقفلت الجوال وخبيته بمكان امن لان اذن الفجر وراح يقوم عشان الدوام بدري رحت فراشي وسويت نفسي نايمه صحى ولبس وطلع للدوام دقيقتين وهو راجع مثل المجنونه وين الجوال وانا مسويه نفسي بارده ولا ادري عن شي وبدا يفتش وهو يرجف وعرق وجهه وادنيا برد بس من الارتباك قال طلعي الجوال قلت ماعندي شي قال مافيه يا الجوال يا انتي بهالبيت هنا وقفت وقلت مدام فيها مقارنه علمني وش اللي بالجوال ومخبيه عليه قال طلعيه واعلمك المهم طال الجدال واعترف انه بنت عمته وانه راح يتزوجها بس اكون انا راضيه اشتد الجدال بيني وبينه انهرت وجلست ابكي وادعي عليها لانها مرسله لزوجي صورها وهي بالملابس الداخليه واشياء قذره ... حقدت عليها وعليه وصرت الكي وادعي وهو يحاول يراضيني ويهدي فيني ويبكي قدامي انه خلاص راح ينهي كل شي الان .. طبعاً مسك المصحف وحلف يمين انه خلاص راح ينهي كل شي بينه وبينها ... انتهى كل شي ورجع زوجي كأني توي متزوجه تعامله معي غير حنون وطيب ويبادلني نفس المشاعر ارتحت وبعد اسبوعين طحت فيه يكلم لما دخلت عليه قال زين انا اكلمكم بعدين سكر ومسوي نفسه ما سوا شي غلط ابد بيبعد الشك عني نزل جواله ودخل دورة المياه اخذت الجوال وناظرت اخر مكالمه كانت قبل ساعتين 😡
حذف الرقم طبعاً برضو اكتشفت انه راجع لها وصار جدال وكلام واقنعني وحلف لي انه انهى كل شي وبتدخل عمه طبعاً ورجع لي زوجي نفس قبل واحلى ... برضو بعد فتره اكتشفت انه راجع لها يابنات فلم وربي .... ماادري وش اسوي طبعاً هذا اخر اكتشاف كنت على وشك ولاده قلت مافيه لازم انهي كل شي قبل ولادتي انا من حقي ارتاح وراي نفاس وماراح اتحمل جلست معه وصارحته وحلفته بالطلاق انه ما يرجع يتواصل معها قالي انتي طالق طالق طالق اذا رجعت اتواصل مع ( فلانه ) وتحرمين علي مثل ما هي تحرم علي ... المهم هنا خلاص ايقنت انه مستحيل يرجع لان فيها طلاق ... ولدت على خير قبل رمضان ولادتي ... طبعاً انا عندي صفه وهذي احمد ربي عليها اني اشوف رؤيا طبعاً زوجي يخبي علي شي اشوفه بالحلم مسوي هالشي واجي اصارحه يطلع صحيح وهذا الهام من ربي الحمدلله ... بعد العيد شفت فيها رؤيا ولما تتبعت زوجي حصلته راجع لها 😰 ...
وسألت مشايخ عشان الطلاق قالو على حسب نيته اذا كان نيته الطلاق يقع واذا كان نيته الحلف عليه كفاره .... وانا عندي يقين انه نيته حلف ولا كان ما يرجع يكلم ....
طبعاً علاقة زوجي ببنت عمته علاقة مكالمات وصور وهدايا فقط... هذا اللي اشوفه لا اعلم ان كان هناك مقابلات لانهم بمدينه غير مدينتنا...
هالحين انا تعبت نفسياً وجسدياً بس من العيد نزل من وزني 5 كيلو 😭 كل ما اروح لاحد يسألوني وش فيك ورا وجهك كذا تحت عيونك سواد ذهني شارد مو مع الناس ولا اكل ولا اشرب ولا اتهنى بالنوم ...
لا تقولون لي طنشي وحاولي تكسبينه هذا ما ينفع فيه تعبت اركض خلف رجل يركض خلف امرأه غيري
حتى لما اجي بقول له كلام حلو فيه شي يوقف بحلقي تجيني غصه لاني ادري انه مو معي اكلم عليه ما يرد يكون يكلمها لما يجي بس على جواله ولا نايم طبعاً خلص كلامه معها فضفض وطلع الحب اللي بقلبه وانا مالي شي مجرد جيبي حطي سوي بس...
لذالك قررت انفصل عنه اعيش مطلقه عند اهلي ومرتاحه ولا اعيش عند رجل خائن عقله وتفكيره مع امرأه غيري ... انا ما اتحمل وربي يابنات اكتب وانا ابكي الان
حسبي الله ونعم اوكيل
حسبي الله ونعم الوكيل
ابي حل وربي مليت وتعبت كرهت نفسي اهملت نفسي وبناتي الدنيا ضاقت بي ... والى الان مجد يدري عن سوالف متستره عليه ... اضحك مع اهله واهلي ومحد يدري عن سوالفه
عطوني حل هل توافقون الرأي بالطلاق ؟؟