خيانة من زوجي

استشارة:
زوجي بعد يصلي الصبح بشوفو بروح في الغرفه التانيه.
وبلاحظ ليهو مَركز في التلفون ولما اكون ماشه جمبو بقلب التلفون ع جهة تانيه وبشغل فديو ع اساس انو بتفرج فديوهات..
بعد مانام لقيتو مراسل وحده بعرفا زمان بطلب صورا وفديو منها. هي بتقول ليهو انت مابتحبني ووو عتاب. هو بقول ليها لو مابحبك ماكان راسلتك. قال ليها انا زهجان. هي بترد تقول هما مش معاك في السعوديه تقصد انا وطفلي.يقول اه انا زهجان عشان هما معايا قالت ليهو طلقا وانا بطلقا منك. انا اصلا زوجتك بكرها برغم اني ماحصل شفتها بس مابحبها. يقول ليها عشان هي ضرتك وكده. وبسالا عندك كم طفل علما هي متزوجه. انا من لحظه قريت الرسايل وانا ماطايقاهوش. وغيرا في دردشات بنات كتيره هو البرسل ليهم نتعارف. دايما بنتقدني في شكلي وشعري ولوني. انا مهتمة بنفسي وجميله وسط. بس هو بحس بيهو بكرهني بحس بيهو بنتقد كل حياتي اكل لبس كل شي.. مرات بكون كويس ويوم يقلب علي شتم لي.ولامي.. انعل امك وبلفظ سئ فيها كلمة امك. بقعد معاي في نفس المكان بكون مع تلفونو بس.. ماحصل اتعامل معاي بحب ولاحصل قال لي بحبك. حتي العلاقه ببرود وقذف سريع. انا تعبت شورو علي انا اطلق.. ولا اعمل ايش