الله يعوضك بصديقة خير منها

استغفر الله العظيم

غباء وسذااجة وهبال

ليش الطيب بهالزمن ما عاد ينوصف الا بهالاوصاف
شو فيها يعني لو عذرت صديقتها مرة والا مرتين والا ثلاث والرسول صلى الله عليه وسلم وصانا نعذر الخادم لو اخطأ في اليوم الواحد سبعين مرة!! فكيف لو كانت وحده قريبة لي وعادتنها صديقتي

يعني توقعوا وحده تصادق وحده وتصير علاقتهم حلوة وقوية نوعا ما وتجي مثل هالمواقف .. انا ما اعتقد من مرة والا مرتين بخاصم صاحبتي بكل سهولة وبقول عنها استغلالية والا مصلحجية .. وهالشي ما يمنع الحذر منها
يمكن كان بهالصديقة اخلاق ثانية تشفع لها ..
لكن اكيد اذا تمادى هالشي فيها لدرجة التأكد من انها فعلا بهالاخلاق بقرر اذا هي تنفع كصديقة لي او لا..
يعني الحين مثلا من المرة الثالثة تأكدت صاحبة المووضوع بأن هالصديقة ما تنفع لها .. فنقدر نقول انها جربتها وخلاص وصلت للعبرة المطلوبة وهي انها ما تؤتمن على الاشياء
هل هالطيبة اللي صبرتها هالكثر تسمى غباااء..؟؟

ليش ما تسمونه تجربة .. ليش قلوبنا صغيرة من مرة ومرتين تنفر وتبعد وخلاص ..
والله فيه ناس نرجي فيهم خير ونعذرهم عل وعسى نشوف جانب الخير فيهم وان ما شفنا ذيك الساعة مع الف سلامة

والله انا اشوف ان الطيب بهالزمن لو صار له اللي صار بالنهاية هو الكسبان .. لو ما كان كسبان تقدير الناس اكيد بيكون كسبان الاجر من الله

ع العموم انتي خلاص احسج انصدمتي فيها وما عاد فيج صبر عليها اكثر.. وكثر الله خيرج صبرتي عليها وهي ما قدرت هالشي.. فأشوف لو جت لج تعتذر اعذريها بس خلي علاقتكم سطحية ببعض يعني السلام عليكم وعليكم السلام .. اما الزكاة وغيره فلا تمنعينها منها لانها يمكن تكون فعلا محتاجة والاجر في النهاية نبتغيه من ربنا مو من الناس

ربي يعوضج خير ويوفقج امين

الله يهديها

الله يعوضك خير

باختصار هذي موصديقه هذي مصلحـجـيه
وماعليها حسووووووف
وانتي الله بيعطيك على نيتك لاتخافين ولا تنقهرين ولا يضيق صدرك على ناس ماتسوى ..,