السلام عليكم ورحمة الله وبركاته


اول شي : عظم الله اجرك في مصيبتك واخلف لك خيرًا منها
هذا دعاء المصيبة ، ردديه كلما تذكرتي ، وكلما جاك تلغم اذكري دعاء الكرب لانك بكرب
فرج الله همك وكشف كربك ، وقلبك الـى خير




ثاني شي : "امانه دلوني ش اسوي تعبت نفسسسسسيتي"
الحلف بالامانه لايجوز ، قال صلى الله عليه وسلم :
" من كان حالفاً ، فليحلف بالله او ليصمت ".


ثالث شي : هذي محنه وكرب ..
ومحد بهالدنيا خالي من الابتلاءات ، للكافر ولا المسلم ، للبر ولا الفاجر
الكل بتمسه ابتلاءات و تكدره ..
والكل عنده جوانب كدر في حياته


فافإذا اتفقنا ان الابتلاء من " سنن الحياة " المفروغ منها
تعالي نتكلم كيف يفترض نتعامل معها ؟؟


- اول شي : الخيانة متفشية في هذا الوقت ، بكل اشكالها لانها صارت سهله.
فاذا خانك زوجك سرًا ، ابلعي الهم و اسكتي ..حتى لايخونك علناً ويجرح فيك ويختلق معك المشاكل
هنا بتكونين ظلمتي نفسك ودخلتيها بهم اكبر


خليه يتظاهر بالزوج المثالي ، والاب اللطيف ، وانتي تقدرين تؤدين حقوقك الشرعيه الواجبه وان كنتي مجروحه
تتظاهرين ان مافيه شي
وهذا اسهل


طيب كيف اسوي ؟ اتفقنا ان الحياة ابتلاءات وكلنا بتشرخنا وتكدرنا
فالحاصل ان الاسباب مو هي العدّه و الملاذ ؟؟

إنما ربك وسجادتك وتسبيحاتك والاستغفار خير ملاذ
هذا البلاء حيعدي بإذن الله ( حتصبرين وتحتسبين ) وتراعين محنتك باللجوء للي بيده يجعل الامور تستقر وتنتهي الى خير
دعاء في الصلوات ، الحاح في اوقات الاجابات ، وتضرع بالخلوات ..




بدل ماتنامين مقهوه ماكله الهم ؟؟
ادخلي فراشك على وضو ..اذا نام زوجك اسحبي نفسك خلسة للصالة وصلي وناجي ربك
الكلام اللي قلتيه عظيم ..انك صنتي بيته وماصان نفسه
قوليه لربك


استغفريه ، فالذنوب لها اثار الهم بحياتنا وحنا مانحس ..
اقرأيب القران ..خلي صوت الحرف يقع بإذنك ..وقلبك معك يقرأ
حتى تطلعين من جوك " اللي صار مسموم ومرهق " لعالم اخر
عالم حق ، ومصلحه لك ..
تفعلين خير تجزين فيه خير ..يجازيك على فعلك الكريم بكرمه واحسانه الحسنة بعشره
واكثري واستمري حتى يتلطف ربي بك وبمحنتك
فاللي يلجأ لله مايخيبه


اما المراقبه والتساولات ،، كلها تأجيجات من الشيطان لمشاعرك الغاضبه ماراح توصلك لشي
تعوذي بالله منها ، وبعد ماتجاهدين سحب نفسك من دنياك لاخراك وانتي تقرأين القران
اختمي جلستك بدعآء عريض
فضفضي فيه كل مافي نفسك وقولي الحق فالله اعلم بكما
ابكي وتضرعي ، محد يضع راسه ذلاً لله الا و عزّ


هنا الشكوى النصايح ماتبريك كثير ..
لكن مانصحتك واستعيني بالله عليه
اعانك الله وفرج همك وكل مبتلاه

لي صاحبه توصينا دايماً بالدعاء ..
وكنا ندعو لها ..




مره قالت لي انها تعبت تعب مايعلم فيه الا الله
لان لها ٤ سنوات بخيانة من زوجها
تغير زوجها بعد هذي الخطيئه وصار تفوته عياذاً بالله صلاة الفجر


كنت اقولها قومي ، ادعي ، الحي ...الخ
كانت تقول اسوي ، افعل ، انا على هذا ..


كانت تحبه لكن خلال صبرها عليه ، اظن طلع من نفسها
سقّطت مرات متكرره ( وخيانته ماوصلت للقاءات )


ثم تعجبت بعد فتره كانت تصور بشكل متكرر
في حالتها بالواتس ..
شكرها لاهلها ، على اكرامهم اياها
واخوها السند ..
وطلعتهم الفلانيه للمكان الفلاني مع اهلها
وابوها نعم العضيد ..
وطلعتها مع صديقاتها


قلت سبحان الله لعلها تخلت عن حياتها السابقة بقدر
ودعاءها مع مافيه من اجور ، وثواب لجؤها الى الله وهي محتاجه
فااللي يتكبر عن الدعاء عليه وعيد
( وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ )
قال رسول الله صَلَّى الله عَلَيْهِ وَسَلَّم: " إنَّ عِبَادَتي دُعائي" ثُم تلا هذه الآية: ( وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي ) قال: " عَنْ دُعائي".


مع مافيه عاءها وقت الشده من الثواب لها في الاخره والخير ..
الا ان الامور صارت لصالحه ا بالاخير ..
والخساره صارت لزوجها ، لان هو كان برضو يحبها لكنه غلبهالشيطان والهوى بالتعاطي مع بنات الحرام
وهي لقت ما يونيها ويواسيها ويجبرها لمن راحت لاهلها ..


وفضل الله عظيم مو محبوس على احد
والسلام عليكم ورحمة الله وبركاته

الله يعينك

كلميها واتس من رقم غريب وقولي لها انا اعرف علاقتك بفلان ( اللي هو زوجك ) واعررف كل شي اما تبطلين هالحركات ولا بفضحك قدام اهلك وزوجته، يمكن تخجل ع دمها ...
وكلمي زوجك بعد واتس قولي انا عارف كل شي وبعلم زوجتك واهلها وافضحك يمكن يخاف ..
وسويلها بلوك من جوال زوجك هالوقحه ..
الله يعينك 🌹🚶‍♀️

ايه مابيديني شي واضعف انسانه ب الكون انا ترى همي جججحجبال دمعتي على خدي مو قادره اواجهه وانا ماعندي شي قوي ضدهم ي ليت معي والله لا اوقفهم عند حدهم انا الحين اضعف وحده على وجه الارض ولا قادره اسوي شي مكبته ومقهوره من العيشه ذي حححححسبي الله ونعم الوكيل فيها وفي اشكالها الله يخفسها تحت الارض والي عندي الله ياخذه اخذ عزيز مقتدر افهموني مو قادره اسوي شي ماقدامي الا الدعا حتى لارحت لا اهلي ماعندي حجه قويه اعوذ بالله منهم بنات ابليس الي ماتطيح الا على متزوج وانا الي صنت بيتي اتجازى ب الخيانه ي ليتها ماتقوب له كان ارحم اقل شي مو تقرب لنا كنا ياربي ي حبيبي برد على قلبي من هالشيطانه