خيانه من نوع اخر .................

:39: كثيرا ما قريت في المنتدى عن رجاجيل يخونون حريمهم و المره تشتكي و تبجي ....و ساعدوني الله يخليكم ...
القصه الي عندي قصه واقعيه بطلتها صديقه اعرفها من مده ...
المرة هاذي دايما احس انها عاديه و انا اصنفها من النوع الرمادي يعني تحسين ما عندها شخصيه بس عايشه و خلاص ....
قبل مده جتني عيونها تلمع و وجهها متغير و كاشششششششخه :) قلت انعم و اكرم اشفيج متغيرة ...
قالت انا بكل بساطه احب ....قلت لها و انا اضحك عساج تحبين طول عمرج
و انا كنت احسبها تكلم عن زوجها لانها متزوجه و عندها 4 عيال :27:
المهم بعدين واجهتها و انا اضحك قلت ها شلون حبيب القلب ...و هي تقول منهو قلت فلان زوجج....و تضحححك قالت يا ويلج من الله هاذي يبي لها قعده
و تمر الايام و اروح عندها للبيت و الا حتى بيتها متغير و مغيره اثاثها و صبغها و الديكورات ....و المواعين الكشخه و الابتسامه العريضه المهم جنج شلتي الانسانه الرماديه الي اعرفها و حطيتي بدالها وحده ثانيه تفكر بالوردي و غرقانه في الوردي
قلت لها شنو السالفه علميني ...و هي تصدمني ....تقول انا اكلم واحد غير زوجي
اول شي انصدمت لان المرة مستحيل تتوقعين منها الشي هذا ...مستحيل اقول لكم رماديه يعني ما في شخصيه متمرده ما في اي شي يدل انها في يوم من الايام رح تخون زوجها .......... :(
قصتها انها كانت تحب واحد سعودي كانوا بايام الغزو ساكنين عند بيتهم و هو يمكن كان عمره 20 و هي كانت بس تطالعه و كان عمرها 10سنين ...
المهم بعد الغزو توطدت علاقه اهلهم و صار في زيارات عائليه يعني لا راحو اهلها مكه يمرونهم يسلمون عليهم ...و هي كانت بس تشوفه و ميته عليه
تقول مرة و هو يتشجع و كلمها قال يا فلانه تراني احبج و ابيج بالحلال و رح اكلم اهلج
و يجي و يكلم اهلها و رفضوه لانه سعودي و هي كويتيه ...قالو ما نرضى بنتنا تاخذ اجنبي البنت لولد عمها ....و زوجوها مو ولد عمها انما واحد من نفس قبيلتهم ...
و جابت عيال و عاشت حياتها ...و حتى اهو تزوج و جاب عيال
المهم تقول اتصل علي و قال لي انا تراني ما نسيتج و انا احبج ....و هات من ها السوالف
تقول الحين لازم اكلمه ...احس حياتي مالها معنى بدونه
لا و بعد تقول انصحيني ...قلت روحي يا شيخه هاذي ما يبي لها نصح فرضا زوجج درى عن السالفه شنو يبي يسوي فيج ....
المهم المرة انا اعرفها تغيرت و تغيرها بين عليها حتى زوجها مستانس ان مرته صارت تكشخ و تتمكيج و تشتري قمصان نوم ...
اشرايكم :39: