خيبتي خيبه00 تفرغو لي يابنات اليوم 00وحلو المشكله بسرعه

اهلين اخواتي

والله أنا مررررررررره متضايقه وزعلاااااااااااااااااااااانه
ومدري وشلون أحلها 000
أولا أبي اعلمكم ان زوجي مايفهم أبد بالكمبيوتر ولا أي شغله فيه 00 وما يدري انه تحفظ فيه مستندات وكتاباتي الخاصه فيني ومواضيعي وكل شي ممكن الكمبيوتر يتحمله000
غير اشتراكاتي في المنتديااات والكلمه السريه لدخولها وفيديو العيال 00وكل شي زوجي على اطلاع فيه بس ماأدري هو وشلون كان فاهم المسأله000 الظاهر انه كان يفكر انه مجرد ماأسكر الجهاز ينتهي كل شي وينلغي 000 اساسا هو مو هوايته الانترنت من الأصل وماله خلق يتعلم عنه شي0



ابحكي لكم وشصار لي اليوم00

اليوم سيرت على الوالده وأخذت العيال وسهرت عندهم وزوجي جلس في البيت ويدق علي يسألني عن شغلات في البيت وجهاز اللاب توب حقي وأقول له وشقاعد تسوي يقول لي عندي رفيقي 00

المهم في الموضوع اني رجعت للبيت وانا اوقف بالسياره شفت واحد طالع من الباب ومعاه لاب توب

استغربت يعني منو هالشخص وزوجي طالع وراااه يودعه0

أنا دخلت وفيه شي مو مريحني 00 وخصوصا لما شفت اللاب توب مع الرجال

سلمت على رجلي وسألته عن السالفه وش مقعده في البيت
اتاريه مسوي DSL في البيت وقلت زين والله 00 الله يعطيك الصحه والعافيه وتسلم يديك 00

لكن كان زوجي متشقق ومبسوووووط مرررررره وفرحان قال لي تعالي أوريك المفاجأه 000


أنا ماكنت متوقعه مفاجآت مشيت معاه للغرفه 00
وأطالع قدامي وألاقيه شاري لي طاولة مكتب وفوقها لاب توب جديد وتوابعه
وقال انشالله يعجبك بدال الجهاز القديم اللي تعبك وخرابه كثير ويهنق معاك
أنا فرحت مرررررره والله بس تذكرت الجهاز اللي مع قريبي !!!!!!!!


قلت له وين جهازي القديم


وكنت خايفه فعلا يقول انه هو نفسه اللي مع خويه

قال أعطيته خويي ماعاد له حاجه !!!

00والله عيوني صارت تقلب وطاح قلبي بين ضلوعي
والله ماراح اقدر انوم اليوم


ياربي وش أسوي
أنكد عليه مفاجأته ولا أقول الحق الرجال وخذ الجهاز أفرمته أول 00
بنات أنا مستحيل أطلب من زوجي يرجع الجهاز لأني أبهينه بهالطريقه وماراح يفهم وشلون أحرجني

وهو نفسه احراج عليه ياخذه من الرجال مرررره ثانيه
والله شي يفشل ويقهر والرجال أصلا ليه ياخذه وهو عارف ان الجهاز لي وعارف برضو ان زوجي مايفهم اهمية الفرمته في هالحالات00 وفوق هذا الرجال من قرايبنا يعني مو حلووووا ابد والله0