راويــــه @raoyh_4

عضوة جديدة

خيرني امري بين اصعب خيارين .. ابي ارائكم حبيباتي

السلام عليكم

يابنات حوااااااء انا محتااااااااره في امري .. واتمنى كل وحده تقول رائيها بكل صراحه ووجهة نظرهاا ..

ماراح اطول عليكم الموضوع هو

انا خلصت الثانوي وتزوجت وسافرت للخارج مع زوجي لاسباب عمله ..
وصار لي 3 سنوات معاه ..

ويابناااااات والله ماتتصورون قد ايش ودي اكمل دراستي واخذ شهادتي الجامعيه
وودي ارجع للسعوديه واكمل دراستي لاني احس بفراغ واحس بنقص ..

زوجي معااه شهاداتك قد الدنيا .. وانا مامعي الا ثانوي .. تخيلوا
هو وده اني ادررررس واكمل دراستي ولا هو راضي بالثانوي .. وعشان اكمل لازم ارجع للسعوديه .. باقي لنا سنه ونص او سنتين ونخلص البعثه ونرجع

وش رايكم يابنات .. هل ارجع اكمل دراستي واترك زوجي .. مع العلم انه راضي ؟!
او اجلس معاه وبعد سنتين ابدأ ادرس لما نرجع .. مع العلم اني متضايقه من جلستي على الفاضي .. وراح يكون لي خمس سنوات من تخرجت الثانوي وبكذا ماراح احد يقبلني بالجامعه ؟

اتمنى اشوف ارائكم بصراحه يابنااااات

باي
:44:

يلزم عليك تسجيل الدخول أولًا لكتابة تعليق.

تسجيل دخول

أم التوفي • 20 سنة

اهلين اختي..بالنسبة لي انا اشوف ان اهم شي زوجي وبعدين انتي في غربة..بس سؤال يسدح نفسه ليه ما حاولتي تدرسين هناك؟وانت وين ناوية تدرسين بالسعودية؟

واذا كنت ما تقدرين خلي احد من اهلك يقدم اوراقك وياخذ القبول وبعدين اعتذري لين ما ترجعين..او على الاقل تدرسين سمستر واحد بعدين ترجعين لزوجك لانه اكيد محتاج لك وتقدمين اعتذار عن السمستر اللي بعده..

هذي اراء شخصية ولا تنسين الاستخارة..

الله يوفقك ..واذا كنت تبين اشوف موضوعك راسليني عالخاص

~رؤية~ • 20 سنة

والله أختي ماأقدر أقولك غير

استخيري الله كثير... وأكثر من مرة ..

بالنسبة لرأيي أحس صعبة تتركين زوجك سنتين ..وبغربة كمان
بالنسبة للتسجيل أنا أمي كملت دراستها الجامعية بعد انقطاع 7 سنوات
لكن الصراحة بعد محاولات أنهم يقبلوها ..
وممكن تكملي الجامعة انتساب
أو ادرسي هناك ..

لكن انتي استخيري مثل ماقلتلك ..
والله ييسرلك الخير يارب

كرد الأبيض • 20 سنة

اختي راويه اقترح عليك تكملين دراستك إنتساب
يعني تنتسبين لاي جامعه في السعوديه ,,إذا جا وقت الامتحان تجين تمتحنين بعدين ترجعين لزوجك
بعدين احس انه صعب تبعدين عن زوجك لانك راح تحتاجيه ويحتاجك.................
الله يختار لك اللي فيه الخير...........

أول العنقود • 20 سنة

آآآآآآآآآآآآآه والله يا راويه جيتي على الوتر الحساس:(

أنا لي سنه تقريبا متزوجه وعايشه برا بحكم عمل زوجي وانا كنت دارسه سنتين في الجامعه وباقي لي سنتين يعني في النص وقاعده احاول اكمل دراستي في بلد الغربه ولكن ما تيسرت لي الامور (( الله ييسرها لي قولي آآمين))

وانا أخذت من الجامعه اعتذار مرافقة زوج بحكم عمله يعني لو برجع ان شاء الله اقدر اكمل ولكن متى أرجع؟؟؟؟؟؟؟؟ هنا السؤال:06:

اول شي انصحك بأنك تحاولي تدرسي في بلد الغربه الجامعه ولو ما حصلت لك ادرسي لغه حاولي تستفيدين من وقتك وان شاء الله ربي ييسر لك امورك ويختار لك الخيره ولكن انا ضد انك تخلين زوجك وترجعين اللي صبرك 3 سنين يصبرك سنتين تجملي فيهم و ترا حياتك وأسرتك اهم من دراستك دائما تذكري الأهم فالمهم واطلبي من الله الخيره

والله يوفقني ويوفقك وبنات المسلمين وييسر امورنا ويختار لنا الخيره في كل شي:26::26:

مهى • 20 سنة

أختي هذا يعتمد على الأولاد !!! اذا عندك أولاد جيبيهم معاكي !! وادرسي وترا زوجك لو بيدرس دكتوراة محتاج للهدوء ولكن كيف بيكون هدوء بدون امرأة !!!

الشهادة لا غنى عنها !!! إطلاقا خصوصا لو هو اللي بيشجع !! انتسبي لأي جامعة أختي !!!

لكن ترك الزوج لوحده !!! خصوصا يعني ما تواخذيني أختي الزواج من ثانية وارد عندكم مش مثل عندنا اللي بياخذ ثانية بينبذه المجتمع وكأنه عامل شي حرام وحتى أولاده وبناته ما حد بيتزوجهم او بصعوبة .

أختي ديري بالك على زوجك !!! وحطيه تحت جناحك وبنفس الوقت قصقصي جوانحه !!! بالعكس فترة الغربة حلوة تقوي علاقتك به وتربي الأولاد بعيدا عن دلال الأجداد اللي لا ينفع بل يفسدهم لن دلال الأجداد زايد .