السلام عليكم ورحمة الله وبركاته
كتبت لكم قصتي ياخواتي لاني مالي بعد الله غنى عن مشورتكم < ماخاب من استشار >
قصتي وما فيها أني أعاني مشاكل مع زوجي تسببت في بعدي عنه
لمدة خمس سنين .لكن للاسف ما تغير ولا فكر يترك الشي الي زعلني منه بس مع ذلك متمسك فيني
يقول انه يحبني ولا راح يطلقني .انا أعرف اللي يحب يضحي هو لا
زوجي مشكلته انه يشرب ,وياكل حبوب ,وحشيش لكنه مع الرجال رجال له مكانه بين اهله واعمامه
والله اني احس بغصه كل ما تذكرت اموره البطاله
اذا شرب يمد ايده علي .مره تعدي الكدمه على خير ,ومره اروح على اثرها المستشفى
بفضل الله ثم بفضل الاذكار ينجيني رب العالمين
وعشان ماأكون ظالمته فيه أوقات تمر علينا سمن على عسل .يكرمني ويطلعني ويدلع عياله
بس يجي يوم سكراان ويعفس الدنيا ويضيع كل شي حلو
صبرت عليه على أمل انه يتغير ,وعشان ما أشغل أهلي معي وابغى اعيش هذا نصيبي لازم اصبر
بس للاسف هو ما قدر وقام يتمادى لانه عارف اني بستر عليه
مليت من تصرفاته اذا شرب يبدأ معي المحاكمه وتبدأ سلسلة الشكوك . رغم انه اذا صحى يعتذر ويخجل
ازعل فتره بس ارجع ارضى شسوي ابي المركب تمشي
ومره مد ايده وضربني هينا قلت خلاص ما عاد أقدر اصبر لميت اغراضي وخذيت عيالي ورحت لهلي
والى هذه اللحظه وانا عندهم أنتظر الفرج بهداية زوجي
ومن يومها وهو ضايع بدوني كل يوم يكلمني عالموبايل بس انا ما ارد عليه لاني من جد مقهوره منه
سنه وهو يحاول يكلمني ويرسللي مسجات يتاسف
وبعد سنه رديت عليه عشان اشوف نهاية الموضوع معاه .هل راح يتعالج ولا لا لكن للا سف أكتشفت انه ما يفكر
يقول خلاص انا تاسفت لك انتي دايما تكبرين المواضيع
عودته على صبري عشان كذا يوم طلعت من البيت قال لي انتي تكبرين الموضوع بس انا عندت وما رجعت
كل ما قال لي ارجعي قلت اذا تغيرت رجعت لك
بعدين حسيت ان مكالماتي معه ما منها فايده وبطلت اكلمه .بس هو ما زال يدق ويرسل مسجات ما يأس
يبي يليني بالكلام وانا يا جبل ما يهزك ريح
حيرت اهلي معي يقولون تبين الطلاق أقول لالالالا يقولون تبين ترجعين بشروط أقول لالالا
محتاااااااره عسى الله يفرجها علي وعلى عيالي
أخوي اليوم جاني وقالي اسمعي وانا أخوك صبرنا على هالرجال خمس سنين لازم نوقفه عند حده
نروح للمحكمه ويوقع انه ما يمد ايده عليك واذا سواها خلع على طول
واذا رفض يروح للمحكمه نخلعك منه وازوجك اللي أحسن منه انتي توك صغيره وحلوه .قلت انت تآمر
هو خيرني بس ما يدري انه حيرني
وش رايكم في حل أخوي وش تشورون علي .
انا في انتظار ردودكم بفارغ الصبر
ادعولي ان الله يفرج علي وعلى عيالي ويكتب لي الصالح .
وادعوا لزوجي ان الله يهديه ويرده للحق ردا جميلا . ويباعد بينه وبين الحرام كما باعد بين المشرق
المغرب .
يلزم عليك تسجيل الدخول أولًا لكتابة تعليق.
متجر شمس
•
الله يفرج لك أستخيري الله
الله يعينك استخيري وربي يكتب لك اللي فيه خير وانا اشوف ان راي اخوك عين العقل وممكن تشهدوا عليه واحد كبير من عيلته وعيلتك
الله يعينك استخيري وربي يكتب لك اللي فيه خير وانا اشوف ان راي اخوك عين العقل وممكن تشهدوا عليه واحد كبير من عيلته وعيلتكالله يعينك استخيري وربي يكتب لك اللي فيه خير وانا اشوف ان راي اخوك عين العقل وممكن تشهدوا عليه...
اتفق مع ام حبايبي الحلوين
الصفحة الأخيرة