ماء وكهرباء
يعني السالفه ماهي لعب ابداانا احس الموضوع يخوف يابنات
ماء وكهرباء
يعني السالفه ماهي لعب ابداانا احس الموضوع يخوف يابنات
Elmyra
•
هيلا هوووووبهيلا هوووووب
السلام عليكم ورحمه الله وبركاته..
عزيزتي "البرونزية" انا عندي خيمة البخار مثل هذي بالظبط
7
7
7
7
7
7
7
والله مب انا:22:
اشتريتها قبل سنتين على ما اظن (مدري نسيت)
من عطار في الرياض بميه وعشرين ريال <<<< شكلها الاسعار تغيرت
والله عندنا فالامارات ناس يبيعونها نفسسسسسسها بـ300 وزود!!
عزيزتي الكرتون فيه:
(الخيمة+منفاخ+جهاز تسخين الماي+انبوب "هوز"يوصل بين الخيمة والجهاز+قطعة لرقع الخيمة في حال الاصابة:42:)
عيوبه:
-مافيه كرسي"يعني اشتري واحد سواء خشبي او بلاستيك"
-وضيق..تقريبا الركبة تلمس حافة الخيمة بس الهدف هو البخار:27:
وبالنسبة للاستخدام انا اتبع طريقة من كتاب اسرار الحريم..
للاسف مافيه نسخة الكترونية لهالكتاب ومتكاسلة انسخ..
بس الاخت "لولو الصغيرة" في منتدى ثاني نزلت الطريقة نفسها:
احساس ولا اروع ونظافة لايعلى عليها بس انتبهي على عمرج..
انا اترك الباب مفتوح واوصي اختي علي:35:
ولازم اعلان في البيت اني بسوي حمام ساونا احتياط لمستوى الامان لووووول
وماطول فيها..لاني ماتحمل تقريبا سبع لعشر دقايق واحس اني دايخة..
طبعا اول ماظهر اشرب ماي..
اذا طولت عندج تاكدي من نظافتها من داخل قبل تدشينها "حشرات والخ"
اممممممممممم وشو بعد...
هيه..لاتكثرين منها تقريبا كل اسبوع ونص او اسبوعين..
سمعت ان كثره الاستخدام تسمر البشرة!!
والله اعلم..
وشي ثاني..
ترى ماغسلها ابد بس امسحها من داخل وهي رطبة عشان بقايا الصابون المغربي..
وبالنسبة للكرسي اشتري من كارفور كرسي "من قسم الحدائق" بلاستيكي من دون ظهر وصغير..
ناسب الخيمة ونفعني..
المهم:
فيه خيمة ساونا ثانية بتصميم غير وسعرها اكثر من خمسمية:
مميزاتها:
واسعة
مرفق معها كرسي
والجزء اللي فوق يساعد تسوين بخار للشعر والوجة..
وطيها سهل "مثل خيام الاطفال اللي باعمده بلاستيك!:04:"
شوفي واختاري وانصحج دام الهدف واحد ليش تاخذين الثانية"وايد زحمه"
وفي الاخير:
مافمهت شو تقصدين يوم قلتي شو الفرق بين خيمة البخار والساونا:confused:
لان مافيه فرق الا اذا قصدج غرفة الساونا الخشبية؟؟
عموما توكلي على الله واشتري الخيمة الاولى "اللي عندي" ومثل ماقالوا لج البنات ترى سعرها مايتجاوز حدود الميتين ولحد يقص عليج شرات يومارك..
اتمنى افدتج حبيبتي واطلبي لي التوفيق..
اختج..
ألميرا
الصفحة الأخيرة
نبي نتكلم عن
1 خيمة البخار
2 الساونا
الى عندها صور تحطها لنا
وش الفرق بين الثنتين
بنات جاوبو على هذا السوال ..اذا سمحتو:)