ذكرت سالفه هههههههه
بداية زواجي جا على بال زوجي سمك طبعا انا ماااااااااعرف من السمك وقتها وتحضيره الا التونه فك من العلبه وحطه في صحن
واصر زوجي يبي سمك لا ويقول نجيبه الخميس عشان يكون طازج المهم صحينا الصباح بدري ورحنا ل لو كوروسون وافطرنا كروسون وعصير اناناس وقوفي ورحنا لسوق السمك وشرينا ورجعنا البيت الظهر وجلست محتاسه اطالع السمك ما اعرف كيف اسويه قلت اكلم اختي الكبيره وهي كمان كانت لسه متزوجه واخذ منها الطريقه واكلمها واقول ابي اسوي سمك واقولها على برنامجنا حق الصبح ولا اسمع الا ضحكها وتنادي زوجها فلاااااااااان ههههههه تعال شف الخكاريه وش مسوين انا انهبلت قلت خير ان شاء الله وش فيك قالت حبيبتي انا اليوم قمنا الفجر وافطرنا مراصيع ولبن ورحنا لسوق الغنم وشرينا خروف ورحنا وذبحناه وهذاني اقلقل كبده وبنكبس على لحم وانتو فرحانين بالسمكه
ومن يومها وزوجها ماخذ عنا فكره انا خكاريه ونواعم يقول هي اختك تعرف تسوي رز؟؟؟؟؟؟؟

ليه مطازيز وتقعدين ساعه تقطعين هم انا اسوي عجينه المطازيز بس اسوي دائره كبييييييييره خخخخخخخخ علشان كذا صرت اسميه مرقوق

شوفي مره سويت مطازيز وعلى قولة اللي عطتني الطريقه تخلينهم مثل القروش والله مليت وتعبت وطفشت المره الثانيه وش سويت بعد ما فردت العجينه رقيق مره جبت قطاعة البيتزا مثل العجله و ويييييي وييييييي ويييييييييي قطعت العجينه معينات مثل الجبنيه وسويت مطازيز معينه والله نفس الطعم والشكل فللللللللله

لالالا انتى بتس الخير والبركه ان شاء الله حنااا كنااا مثلك بس الدنيااا علمتنا وشلون نصيررر

سنعاااات يوم تتوهقين ويجى رجلتس ويقول تراى عندى الشباااب بكرة وش تسوين وهااا

شيل وحط الين عرفنااا كل شى بس لازم تكنين حريصه عاى الا صرار لا تقولين خرب اليوم ماا راح اسوى

بالعكس سوى مره واثنين الين يظبط بكذا تصرين تعلمتى

استاذن انا بروح اسوي الغدا لا يجون مع السلامه