لا اله الا الله .. يختي زوجها راضي ومستانس على قولتك انتي وش عليك منهم ؟؟؟
معليش اسمحيلي شكلك ملقوفه وتحبين تعرفين كل شي عن حريم اخوانك اجل تسالين مرت اخوك الثاني وش تطبخين ؟؟؟؟؟؟؟؟؟؟؟؟؟؟؟؟؟؟؟؟؟

الله يهديك يااليت تغيرين العنوان على الاقل ترى مرت اخوك بالنهايه بنت ناس ومايرضون عليها اهلها هالكلام ولا حتى اخوك يرضى بكلامك لو ورته كلامك واثبتتله انه انتي وش بيكون موقفك
وانا ماابي ازيد عليك الوجع لان البنات ماقصروا وكل وحده مننا تتمنى ان اخواها يكون مبسوط ومتهني وزوجته تدلعه وتهتم فيه وتطبخله بس انتي حطي براسك ان مافي احد كامل حتى اخوك مو كامل زين اللي نقصها بالطبخ مو بالاخلاق
وماتدرين وش سبب تاخر حملها يمكن من اخوك ياقلبي لاتظلمينها خليهم بحياتهم وانشغلي بحياتك لان من راقب الناس مات غما
وياقلبي تلقين حتى هي في اشياء تتمناها بزوجها وصابره عليه يعني ماتتمنى الاسواق والتمشيات والسفريات والدلع والهدايا كل يوم والثاني والاطفال
والغنى وغيره بس تصبر عشان الحب اللي بينهم ماشاء الله وهو نفس الشي لازم يصبر ويضحي وهو عارف هالشي اكيد
وانتم لاتزيدون النار حطب بالعكس هدوها وحرصوا اخوكم عليها وعلى دلعها ان كنتم تبون سعادته
ومااقول الا الله يوفقهم يارب

مامتي عندي تقول الغلطان اخوها المفروض انه من بداية الزواج يامرها باللي يبيه ممكن هي من حياتها ماتطبخ لكن لو تناقش معها بتفهم من البدايه

لا تتدخلون فيهم

اخوك مااشتكى عيب تدخلون بشئ مو خاص فيكم ! وماشاء الله اخوك سمن معاناه مرتاح
لو مو مرتاح كان عص يابس
اهجدوا بس لاتفتحون عليكم بيبان مسكره