داء الصدفية

السلام عليكم اختي العزيزة

وادعو من الله العزيز القدير ان يشفيك ويشفيني ويشفي جميع مرضى المسلمين

انا اعاني من الصدفية ايضا وارى ان الموضوع يعود الى النفسيه اذا كانت زينه خفت واذا تضايقت وعصبت اطلعت
شوفي عزيزتي لازم انج تعلمين ان الله ابتلانا بالامراض لتكفير ذنوبنا وان كانت صغيرة ولازم نطلب من الله الشفاء وندعوه اولا ثم نبحث عن العلاج
اما العلاج بالكرتيزون يضر اكثر من نفعه شوفي عزيزتي انا جربت احط دهن لشعري عشان اتخف القشرة ومثل ما اتعرفين كل ما كثفت القشرة امنعت الشعرة من النمو وصار الشعر يتساقط استخدمي الحبوب التي تساعد على تخفيف الصدفيه مثل
كبسولات زيت الاخدرية , فيتامين B complex , زيت السمك ونصيحة لازم الاستمرار مب شهر وتوقفين .
ومره قريت ان الكركم يخفف الصدفيه فكنت اسوي عجينة من الكركم والماء واحطه على شعري وجسمي وخفت والحين انا مستمره على الحنا لشعري لانها تنشف الفروة وتخفف القشرة وبعد الحنا احط دهن والنتيجة مرتاحه من كثافة القشرة .
مرة قريت مقالة انهم جربوا اضافة الفلفل الاحمر لعلاج الصدفيه ونجح وانا افكر احط لشعري ومثل ما اتعرفين ان الفلفل ينبت الشعر .
اما الادويه انا جربت اتعالج والحمدلله اتخف ولكن من اتركها ترجع فما لنا الا الدعاء والادويه الطبيعية واتمنى من الله ان يشفيك .
واذا انتي جربتي شي ونفع ارجو الكتابه لتعم الفائدة .

اختك في الله

انين :27:

مشكوره اختي رنين علي الكلام الطيب

والحمدالله علي كل حال واطلب من الله عز وجل ان يشفيك ويشفيني ويشفي جميع المسلمين
صحيح كلامك يا اختي انه النفسيه لها تاثير علي الصدفيه وماكو احد مرتاح في هذي الدنيا والحمداله علي كل حال
وانا الحين نفسك ادهن شعري بخلطة
زيت الحبه السوده + زيت الجرجير + زيت الخروع + وحلبه
كلهم خالطتهم مع بعض وناقعه فيهم الحلبه توني من كم يوم باديه فيها
بس بالنسبه للحنه ادري انها زينه بس لاني افتح خصلات من شعري ما ابي الخصله تطلع حمره
وهذي الحبوب الي تاخذينها مين واصفها لك دكتور ولا ماخذتها من الصدليه؟

وان شاء الله اذا في اي علاج راح ابلغك باذن الله

اختك دنيا

عليكي بالموية المالحة حقت البحر الميت

كل يوم اغسلي شعرك بها وشوفي لو ما نفعت ما ضرت سئلي عنها في الصيدليات

انا مثلك بس استعملت هذا الكريم(شكل عصار) والحمدلله خفت شوي شوي ومن كثر مااستعملته ولا فيه كرتوزون راحت الحـــــــــــمدلله اسمه(Diprosone)
(لون العلبه والعصار ابيض و اخضر فاتح ولون الكريم اللي جوا العصار على شكل جل بس ثقيـــــــــــــــــــــل لونه ابيض ثلجي )
على فكره انا من السعوديه تحديداً بالدمام وتلقينه بالصيدليات المعروفه الحياة النهدي المستقبل وعلى فكر ماهو نادر يعني غالباً ماتلقينه بكل الصيدليات

نسيت اقولك وشلون تستعملينه لان موسهل استعماله لانه مو زيــــــت تقسمين شعرك وتشوفين مكان الصدفيه وتحطين عليها طبعاً على شكل دوائر صغيره (يفضل احد يساعدك)
**اتمنى لك الشفاء عليه انشاء الله
وارجوالدعاء لأبنتي لأن فيها اكزيما وجالسه اعالجها**

مشكوره اختي (ويش حليلي) علي النصيحه

والله يبيله انروح الاردن وانغسل بماي البحر الميت بكبره :27:

استخدمت ماء بحر الميت اخذته من السوبرماركت بس ما نفع والله
=====================

مشكوره اختي (فواااحة الريف) علي النصيحه
وعسي الله يشافي بنتك من كل داء ويشفيها من الاكزيما امين يا رب العالمين

وشوفي يا اختي انا كان في بنتي اكزيماعلي خدها
وعالجتها بس ماكو فايده لما غيرت الحليب تبعها الحمدالله تشافت
وممكن يكون عين ما صلت علي النبي عليه الصلاة والسلام نفس الي طلع لبنت اختي اكزيما علي يدها
بالرقيا والعلاج الحمدالله الله شافاها

والفال لبنتك الله يشافيها يارب
ومشكوره علي اسم الكريم وان شاءالله اشوفه عندنا بالصيدليه بس عسي الاقيه ان شاءالله

:3_2_21v: