دائما احلم ان صوتي مخنوق ونفسي مقطوع والحين تزوجت وتحقق هالحلم

السلام عليكم

دائما أحلم من قبل لاتزوج ولغاية الآن سنة من زواجي اني ودي اتكلم بس صوتي مايطلع ونفسي ينقطع وكل الي حولي مايسمعوني ومايهتمون وش اقول 
وسبحان الله الحين احس ان هذا الحلم جالس يتحقق. .

على عيوب زوجي الكثيييييرة ماعمري قلت له الا مرتين وقامت الدنيا وقعدت ماتسوى علي انطق حرف واحد 

خصوصا هالفترة خلاص مليييييت ودي انطق واتكلم بس خايفه على نفسي يرتفع ضغطي وانا حامل بالشهور الاخيرة. .
راح اقولكم ليش فاير دمي منه وابيكم تقولون لي انا حساسه لاني في هالفترة او معاي حق! 

1/ انا معاه ماكأننا متزوجين اهو يسهر الى صلاة الفجر يوميا بس من تجي 1 الليل يروح لعالمه الآخر الزفت اللابتوب. .في الغرفه طبعا جات فترة اسبوع انا معاه نتابع مسلسل يجنن ومفيد الساعه 2 الفجر ونسهر مع بعض بس فجأه قال خلاص زهقت بروح اتابعه من اللابتوب ورجع لعادته القديمه كل شي يبيه بلحاله. .
2/ البارح كان زواج بنت عمي ولازم اروح لانها صديقة العمر جلست ساعتين وتعبت ظهري انكسر دقيت عليه مايرد دقيت 4 مرات مايرد مع اني ابصم بالعشرة انه يسمعه بس مايرد بعدها دقيت على ابوي حبيب قلبي وداني البيت
ورحت بيت اهلي سهرت مع اختي واهو ماجاب خبري ابد ماكني متزوجه لو انحاش امريكا مادرا عني. . بعد ساعتين دق مره وسكر بسرعه دقيت عليه قلت له وينك ليش ماترفع يقول نايم 
وهو كذاب حتى لو نايم وسمع الجوال يجلس بسرعه. ..وفي السيارة قلت له اني تعبت من العرس واهو عاآاآدي عنده يقول زين ان ابوك جابك
وعلى فكرة حركة التطنيش هذي كررها 4 مرات
مره قال رجعي مع امي وانا تعبت وبسرعه أمل من العزيمه
ومره روحي مع اهلك
ومره تهزيء. ..الخ. ..

3/ يوميييييييا نتغدا المغرب والسبب؟ عشانه نايم ومايبيني ازعجه وانا اخاف اجلسه بسرعه اتنافض مدري ليش من كنت صغيرة بسرعه اخاف من التهزيء والله يوميا العبره في حلقي ليش كذا مايقول زوجتي حامل وتجوع لازم اجلس بدري
طلعاتنا وكشتاتنا وهذي طبعا تصير مره في الشهر نطلعها آخر الناس 10 الليل بذمتكم مين فاتح هالوقت. .

4/ ماعمره قال ابي اشوف كشختك وزينتك ماشالله البارح اختي المتزوجه وبنت عمي الثانيه كل وحده زوجها جابها ليش؟ عشان ازواجهم يبون يشوفون كشخاتهم وانا ماجاب خبري 

5/ لو اجلس يوم كامل عند اهله مايسأل عني ابببببد مايقول اصعدي فوق ابيك ولاشيء...

6/ عايشين زي الاخوان حتى اقل شي بو...مافي مع انه كان قبل بالعكس مدري شفيه انقلب حاله

برايكم بنات. . كيف طريقة التعامل معاه وربي تعبت من التفكيييير وخلاص زهقت من السكوت الى متى ساكته؟؟!!
اذا تكلمت بيعلي صوته وينسى نفسه ويصير مجنون يصقع بالبيبان وانا اعرف نفسي ضعييييفه ويغمى علي
وكل مره تصير مشكله اكتب له رساله عالواتساب بس احس ماهي طريقة بعدين ياخذ فكرة عني اني مالي لسان وضعيفه مع ان واضح اني ضعيفه من خلال ردي له في بعض الاشيا اتلعثم وحالتي حاله

انتم كيف تتفاهمون مع رجالكم. .