دائما اني الغلطاااااااااااااااانه تعالوا واحكموا

السلام عليكم بدخل بالموضوع على طوووول في رمضان السابق كان في يوم 10 رمضان عيد ميلاد بنوتتي وكنت معزومه ببيت اهلي مع اهل زوجي اللي ساكنيين معايا بنفس العماره فطور وسمره تعرفوا حق رمضان واني زوجي من النوع اللي تطلبي شي يطوووول لما يجيبها بالوقت المطلوب واغلب الاحيان ماتجي بالوقت المطلوب المهم جلست اقول بكره عيد ميلاد بنتي بكره عيد ميلاد بنتي بس ماقلت بسويلها حفله لاني ماكنت متاكده ان زوجي بيجيب الجاتو والشموع وخواتي سووا كيكه عاديه وزينوها باسم بنتي بدريم ويب وماكنت عارفه لانهم ذاكرين عيد ميلادها المهم بعد ماجلست فوق زوجي ها جبت ..ها جبت اخيرا جاب الطلبات وسوينا حفله زغنطوطه ع قد اهلي واهل زوجي

*معلومه:اغلب الاوقات وانا ببيت اهل زوجي تقريبا من الظهر لبعد العشا
امس كان عيد ميلاد بنت سليفتي واهل زوجي كانوا عارفين وماكلموني بالمرررره الا الساعه9 بالليل وايش كانوا يشتوا زوجي يوديهم الحفله قلت لزوجي وليه ماكلموني كنت جبت لبنت سليفتي هديه كنت ع الاقل اتصلت قالي انتي كلمتيهم بحفله عيد ميلاد بنتك امكن ماقلتها صراااحه بس كنت ضامنه انهم طالعين كلهم حتى سليفتي بيت اهلي.

الان اللي قاهرني يابنات مش عند الحفله وليه ماقالوا انا عند زوجي اللي عمره ماقلت له شي مضايقني من خواته الا وطلعني غلطانه وانو انا اللي ابد وهو مجرد تصرف زي تصرفاتي انا اتعامل ع طبيعتي بخبث ولا افكر بكره ايش بيصير ولا اتعمد ازعل حد ولااجرح حد
تصدقوا من يوم ماتزوجت واني الغلطانه غمري ماطلعت على حق عندهم
ماادري ايش اقول كل وحده تتمنى تحصل سند لها.. تشكيله يطبطب عليها انا ماكان قصدي اعنل مشكله لما قلت له ليه ماكلموني كان نفسي يقول لي عديها عادي امكن نسوا او حبوا يسووها مفاجئه اي عذر كنت بقبله لكن قالي انتي الغلطانه والان مانكلم بعض زعل وانا من جد اخذه بخاطري تعبت دور الغلطانه اللي من يوم ماتزوجت وانا لابساااااه تعبت وانا حاسه بالوحده تعبت:44: