دائم تحينا وتغتاب في ابوي المتوفي

مساء الخير عندي خاله تسكن في منطقه غير منطقتنا كلمت قالت باذن الله ابجيكم بعد كم يوم انا يوم دريت تكدرت ابقولكم ليش لانها كل ما جتنا تجلس تسب في ابوي الله يرحمه تخيلو من اول ما تجي وهي بس تتكلم عن ها المسكين وهو في قبره مثلا تقول ابوكم كان عصبي نار ويوم شافت اخوي صاحي من النوم ومعكر قالت وش فيك مكشر عاقد النونه كنك ابوك وتقول ابوكم كان كذا وكذا المشكله ان ابوي الله يرحمه عكس كلامها بلعكس كان طيب وحنون ما ادري من وين جايبه كل ها السلبيات عنه واصلا هي ما قد شافت ابوي ولا سلمت عليه هو بديره وهي بديره والنشكله انها اصغر من ماما بواجد بس امي مره ضعيفه عندها وتجلس تتكلم عن ابوي ولا تقولها امي شي ولا احد من اخواني يقول شي وانا بداخلي اغلي غلي ادري ان ابوي الله يرحمه بتجيه حسناتها وهي الي بتخسر حسناتها بس انا الي ابنجرح وانقهر يا ليتها تسبني من اليوم لين بكرى اهون من انها تسب ابوي وتغتاب فيه وهو في قبره والله يا بنات انها كنها تطعني بسكاكين خصوصا اني احب ابوي وكل ما اتذكره ابكي فيكيف اسمع احد يسبه واتحمل انا جالسه افكر وما توصلت لقرار ما ادري كيف اتصرف ان سكت انجرحت وان رديت عليها صعبه ما ودي اضر امي واسبب في قطيعه احيانا افكر اني اكلم واحد من خوالي اشكيله واحيانا افكر اني اخذ رقم زوجها بدون ما احد يدري وارسله رساله يوقفها عند حدها واحيانا افكر اني اسكت واكل تبن بس اذا جاء الثلث الاخير من اليل اقوم وادعي واتحسب الله عليها لاني مظلومه وتعرفون دعوة المظلوم واحيانا افكر ارسل لها رساله على الوتس قبل ما اتجي واحذرها ان ها الشي يضايقنا واحيانا افكر اني اكلم خالاتي الثانيات معني استحي منهم ورسميه معهم والله ان فكري مشتت وما ني عارفه يش اسوي