السلام عليكم ورحمة الله
بنات انا في حيرة من امري ومحتاجة مساعدتكم
ياليت تفيدوني بتجاربكم وخبراتكم
ووش تنصحوني فيه راح اوضح لكم مشكلتي من البداية علشان تساعدوني
اخواتي انا لي تسع سنوات متزوجة والحمد لله عندي بنوتة 8 سنوات وولدين 5 و 3 سنوات
كنت اتمنى شي اسمه خادمة بحجة اني زوجة تاجر وان جميع اقاربي واقاربه عندهم خادمات ماعدا هو
لانه مايحبهم ولايواطنهم وبعد طلباااااات وتدخلات جتني الخادمة
والمشكلة انها لمن جتني تعبت تعب نفسي لايعلمه الا الله وضيقة
اولا انا ساكنة بشقة وكلها رخام واساسا صغيرة مكونة من ثلاث غرف
الاولى غرفة نومي وهذي مقفلة الا في وقت حضور زوجي
يعني ممنوع تقرب لها الخادمة
الغرفة الثانية غرفة الضيوف جاهزة ومجهزة وايضا مقفلة واساسا حتى الخادمة ماطبتهاااا ولا تدري وش فيها
الغرفة الثالثة غرفة اطفالي ولله الحمد غرفة من اروع مايكون مجهزة بكامل اكسسوارات غرف الاطفال
وتفتح النفس ومابها شغل يسوى ماغير كل صبح تكنسها وتمسحها بالة الرخام وترتب الاسرة واذا كان في سلة الغسيل ملابس تاخذهم تغسلهم
مطبخي صغير تقريبا 5 في 5
والحمد لله مرتب ونظيف
ولكن انتم ادرى انه مايخلص شغل المطبخ من غسل المواعين ومسح الارض ومسح الاواني وتنظيف الفرن اخر شي بعد العشاااء طبعن
الحوش حاطته لنشر الملابس فقط وبه دواليب قديمة زوجي من قبل شهرين قال ابي اتصدق فيهم بس للان بالحوش ولا افتحه الا الصبح لتهوية البيت ونشر الغسيل
والصالة مايبي لها شغل هي رخام ومجلس عالي بس تبي لها كنس وتمسيح
المشكلة يابنااااات
ان عندي شغالة جديدة ومالها الا اسبوع ولاول مرة تجي للسعودية
وجنسيتها نيبالية ومو صغيرة مرة مابين 36 الى 40 تقريبا
اول ماجتني قالت نووووو سدون ذا هاااوس
تقول على حسب ماترجمت لها ان البيت كبيييير وانها ماتقدر تشتغل فيه
وهي حدها غرفة الاطفال والمطبخ ودورة المياه والصالة فقط
كل ما امشي معها اعلمها وشلون تمسح التلفزيون او دولاب تقول لا مابي ابي نيبال تقول انها سيق>>مريضة والبيت كبير وانا الحمد لله حتى اولادي عاقلين ما يمونون عليها وخايفين منها يشوفونها بس تبكي
واكثر وقتها جالسة على المكيف بغرفة اولادي
وغير كذا يابنات هي هندوسية واول ماجت فتشت اغراضها ولقيت معها مثل المصحف ولكن لغة اجنبية
ولقيت معها ربطات كثيرة مسويتهم على شكل صرة ولمن افكهم القى فيهم شعر حوالي سبع او ثمن ربطات صغيرة
وتقول حسب مافهمت منها انه شضعرها يتساقط
وبعد معهااا علب صغيرة مثل علب تحليل البول اعزكم الله فيهاااا اعشاب مطحونه وتاشر على بطنها يعني انه علاج
للبطن ومعها كاميرا وخرز واصداف صغيرة ورسايل وجوال نوكيا وبخور على شكل معجون
اخذتهم كلهم وحطيتهم في غرفتي وقلت لها ان بابا وداهم للأوفيس اللي هو المكتب وقامت تبكي
بنات انا ماقلت لزوجي اي شي من اللي معها ولا قلت له انها رافضة تشتغل
لانه اساسا ماجابها الا بطلعة الروح وهو يبي الممسك وما ودي انه يسفرهااا
وازيدكم من الشعر بيت لي جارة >>زوجة زوجي
وطبعن شغالتها وصلت قبل شهر تقريبا
وما شا الله عليها نظام بيتها ديلوكس دورين والشغالة تركض فوق وتحت وتغسل الاحواش يوميا واليوم ما شا الله قاعدة تلف سمبوسة تفرز لرمضان ما شا الله الله يحفظها ويرزق شغالتي شوي
بنات وش تنصحوني فيه انا قلت لاختي وقالت كل الشغالات اول مايجون يقولون كذا
يحنون لاولادهم واهلهم
وقلت لحماتي اخت زوجي وقالت نفس كلام اختي وهي ما شا الله خبرة شغالات تقول اشطفيها واسفهيها
وهي تشتغل من حالها بعدين
وانا ماودي بعدين وي دام
ها جديدة اشد عليها علشان ماتتهاون
مع العلم اني ماقلت لاختي او حماتي عن الاشياء اللي معها بس قلت لهم انها تبكي وماتبي تشتغل وكل ما قلت لها شي قالت قو تو نيبال
لدرجة انها قبل تنام قلت لها الصبح اذا قمتي غسلي اعزكم الله الحمام والمغاسل واكنسي الصالة وامسحي الرخام قالت نو نو قو نيبال
وشرايكم
انتظر ردودكم بفارغ الصبر
وبنات اللي ماعندها خبرة او نصيحة ترفع موضوعي بدعوة ان الله يعطيني من خيرها ويكفيني من شرهاااا
يلزم عليك تسجيل الدخول أولًا لكتابة تعليق.
بدليه مادمها موراضيه تجلس وانتي قولي الزوجك موراضيه تجلس وبدلها قبل تغلق الثلاث شهور
يا قلبي والله ماحبيت اطلع من موضوعك من غير ما انصحك
ياحبيبتي انا اشوف انك تغيريها يعني وديها للمكتب قولي لهم ماتبي تشتغل وهم يغيرونها لك يمكن تلاقي احسن منها
ولا انك تخلينها بعيوبها لحد مايكتمل مدة التغيير ومعد تقدري تغيريها ووقتها صح بتندمي وزوجك يمكن ما يجيب لك غيرها
وفكي نفسك منها
كيف تأمني على بيتك واولادك وزوجك على وحده ما تخاف ربها وماتصلي
نصيحه نصيحه غيريها او قبليها بالمكتب (بيعيها ) وخدي الفلوس وجيبي وحده غيرها
احسن من انها تسوي لك مشكله بعدين ساعتها صح زوجك ما راح يطاوعك مره ثانيه
انا مثلك جبت لي شغاله لاول مره كبيره بالسن وماتحب الشغل وجلست عندي ثلاثه شهور ماارتحت لها وقبلتها بالمكتب
وربي عوضني بوحده الكل حاسدني عليها
ماشاء الله تبارك الله نظيفه وطيبه وتحب العيال
والله يوفقك ياختي ويرزقك الشغاله اللي تتمنيها
ياحبيبتي انا اشوف انك تغيريها يعني وديها للمكتب قولي لهم ماتبي تشتغل وهم يغيرونها لك يمكن تلاقي احسن منها
ولا انك تخلينها بعيوبها لحد مايكتمل مدة التغيير ومعد تقدري تغيريها ووقتها صح بتندمي وزوجك يمكن ما يجيب لك غيرها
وفكي نفسك منها
كيف تأمني على بيتك واولادك وزوجك على وحده ما تخاف ربها وماتصلي
نصيحه نصيحه غيريها او قبليها بالمكتب (بيعيها ) وخدي الفلوس وجيبي وحده غيرها
احسن من انها تسوي لك مشكله بعدين ساعتها صح زوجك ما راح يطاوعك مره ثانيه
انا مثلك جبت لي شغاله لاول مره كبيره بالسن وماتحب الشغل وجلست عندي ثلاثه شهور ماارتحت لها وقبلتها بالمكتب
وربي عوضني بوحده الكل حاسدني عليها
ماشاء الله تبارك الله نظيفه وطيبه وتحب العيال
والله يوفقك ياختي ويرزقك الشغاله اللي تتمنيها
الصفحة الأخيرة
وعلى ماقلتي في وصف بيتك مو كبير ومو محتاج شغل كثير لو نظمتي وقتك
واولادك ماشاء الله كبار كل واحد يرتب سريره بنفسه ويساعدك
والله الشغالات بلاء
انتي استخيري وفكري ايش اضرارها لاتروح تحقد عليك لانك خليتها وهي ماتبغى
وتسوي لكم بلاء بعيد الشر عنك
والله يكفيك شرها