داخله ع الله ثم عليكم..ابغى الفززعه

اولا انت من اهل الجنوب؟
وهل عندك طحين اسمر؟
هل عندك سمن وعسل؟
اذا جاوبتيني اعلمك!!!

للأسف ما أعرفها، البنات ما يقصرون..

ام البراء ايوه انا جنووبيه...وعند طحين اسمر.. وعندي سمن وعسل .. الله يسعدك علميني ...ورربي محتاااره وخايفه ماتضبط معااي

ناااااااااااس ساااااااااااااااااااااااااااااااااااااااااااااااااااااااااااعدووني

طيب ياقمر سمي بالله
وجهزي الاشياء التالية:
صينية تيفال كبيرة للخبز - صحن كبسة كبير-كيس بلاستيك شفاف-بيز حق اليدين- حافظة -سمن - طحين اسمر
نجي للعجينة:
الطحين عادة مملح لكن اذا انت جربتيه قبل وحسيت انه ملحه شوي زودي عليه بس لا تكثرين
في عجانه بلاستيك سمي بالله اضيفي الطحين اذا تبين كمية كبيرة قدري انت و صبي عليها الماء و اعجني لما تسير لك لا خفيفه مثل الكيك و لا ثقيله مثل عجينة الفطاير بين بين و افرديها في صينية التيفال و شغلي عليها الفرن من تحت درجة الحرارة ماتتعدى 180 و بعدين افتحي عليها و اشوفي استوت لو بالملعقة او بالشوكة لو شفت شوي عجين ابيض خليها و ولعي عليها من فوق نار هادئه الين تحسين او تشوفينها بالشوكة مستويه من جو وكلها خبزت زين
الان المهمة الاصعب
ملاحظة لازم شعرك يكون ملموم سبحانه الله
خرجيها وقد جهزتي لك قبلها اغراض العرك صحن كبير وكيس لحم شفاف و البيز
الان حاولي تفرغين كل الخبز جوا الكيس
كله كله
حتى اليابس ههههه
خلاص قفليه زين
وحطيه على صحن الكبسة و البسي البيزحق اليدين
وابدئ اعركي بكل مااوتيتي من قوة
الين تغدي كنها علكه هههه
لا قصدي الين تنعرك و تغدي متجانسه فيه ناس يعركونها بيدينهم ويتحملون حرها فيه ناس بدون كيس يحطونها راسا بالحافظة ويعركونها فيها بكاسة جبنة انت و طريقتك
بعد كذا شيلي الكيسي و فرغيها بالحافظة
نجي للمسة السحرية الجنوبية
وهي الحفرة
عادي انت اول واسيها و ثبتي وجه العريكة مساواةو بعدين اذا قدرتي بيدينك اعملي الحفرة
ولا الله لا يعذبنا بقعر كاسة الجبنة احفري لا حفرة كبيرة ولا صغيرة متوسطة العريكة
وصكي عليها
يكون قد جهزتي سمنك و عسلك
افتحي عليها و حطي السمن الين يغطي الحفرة وانتبهي تترسنها لانه باق بتحطين العسل مقدار ملقعة وانتبهي يطلع السمن برى يتكبب على وجه العريكة
وزينيها بحبات تمر
واذا معك فرصة صلحيهاالان تجربة قبل بكره تعلمي ماعندك مشكلة الين تضبط معك وبارسل لك صورة عريكتي ههههه
ادعي لي من قلبك ان يسخر بعلي لي ويصلح ذريتي
وانا بالخدمة ارسلي رسالة خاصة عشان ارد يمكن ماارجع للصفحة
دعواتي ان تضبط معك