داخلين على رمضان وبدا موسم الشغالات هذا اذا جلسوا عندك

بنات معقول اللي صاير الشغالات اللي بالشهر لاعبين في حسبتنا لعبببببببببببببببببب اقسم بالله لحد اللحين خمس جايبتهم في شهر ونص كل وحده تقعدلها يوم يومين وتعتذر باي شئ وتروح واعذار اشـكال والوان

والله صرت حافظتهم صم يجوال يوم واليوم الثاني يعتذروا حتى من اسمع وحده منهم تقول مدام مدام عرفت من قبل تتكلم انها بتالف قصه وتروح

ولاتقولوا من كثر شغلي بالعكس كلها شقه صغيره وولدين صغار عمر اربع وخمس سنوات وحتى مايحبوا الشغالات ولايقربوا منهم وشغلي قليل يعني اذا صحت الصباح الساعه 9 الساعه 12 وهي مخلصه كل شغل البيت ويبقالها كوي او غسيل ملابس وطبعا المواعين اللي ناكل فيها
وانا طيبه معاهم مره لدرجة اخليها تقوم متى ماتبغى وتنام متى ماتبغى واذا اخذنا اكل من برى نسالها اش نفسها فيه عشان نجبلها وجبه على كيفها وبعضهم كنت اصحى من النوم والقاها على التلفزيون تقلب بس عادي مااكلمها اروح اجهزلي اكل واذا جيت باجلس طلبتها الريموت
والراتب اللي تطلبه اقولها طيب من غير مااكاسرهالو تقول اش ماتقول ولاتقولوا اني هبلا لا لكن حاجتي لهم خلتني احاول اتمسك في اللي تجي عندي باي وسيله

لاني تعبت وصرت مااقدر اشتغل ولا اقوم بالبيت واضطريت اجيبهم ولانفعوني ولاجلسوا معاي وصرت اقوم وانا تعبانه انظف وارتب واللحين مااقدر اتحرك من ظهري لاني مارتحت عليه الله يكتب اجري بس

السؤال هو ليش يجو مدام بيروحوا يعني معقوله تجي عشان تاخذ خمسين اوميه وتروح اش القناعه هذه والا اش عندهم ماني فاهمه شكلهم كل يوم في بيت بس معقوله ضامنين انه بيجيهم شغل لدرجة يفكوا ايدهم من الشغل اللي هم فيه والمبلغ اللي بياخذوه اخر الشهر ويرفسوا النعمه
بنات كيف تتعاملون معاهم وهل انتم يجلسوا معاكم والا انا فيني عله مدري وش هي اللحين داخل رمضان ومحتاجتهم مووووووووووووت لكن عارفه اللي بتجي بتسحب علي وتروح وتخليني فلي حوستي حسبي الله ونعم الوكيل
قولولي كيف تجلسوهم معاكم لحد مايخلصوا شهر كيييييييييييف