دار الاركان (( حدث العاقل بما لايليق فأن صدق فلا عقل له))

اليوم مرينا عليهم انا وابو العيال وطبعا العيال قايله لى وحدة انه فية مجمعات عندهم للبيع نقدا وبالتقسيط

رحت وانا احلم ومعى ابو العيال اننا اخير بنترك بيوت الاجار ونستقر بعد تعب سنين مع المؤجرين

لكن شوفوا وش قالوا لنا

ان التقسيط لازم راتبك يكون اقل شئ 18 الف


وطارت كل علامات الاستفهام اللى براسي وشو 18 الف اكيد تقصد بالسنه قال لا لا لا لا لا بالشهر


وقال له ولدى فية احد راتبه 18 الف بالشهر

قال اية فية انتم يا السعوديين رواتبكم توصل 35 الف بالشهر

وهنا خلاص حسيت ابو العيال بيجيه جلطة بسم الله عليه ان شاء العدوين قال وشلون انا راتبى ما تعدى 8000 ولى عشرين سنه وجامعى قالوا خذ تضامن مع زوجتك قال حتى لو بنوصل 12 الف تكفى

فرد الموظف المحترم خلاص جيبوا معكم ثالث يتضامن ونبيعكم البيت

ويحرك زوجى من قدام مكتبهم طيران وحنا ندعى لصاحب بيت الاجار اللى ما بعد زاد الاجار من رمضان الى هالحين الا مرتين بس


اقول من جد فية سعودى راتبه 18 الف وياخذ بيت تقسيط من دار الاركان او يتطنز علينا