صَباح/ مَساء الروآق والبآل الرايق
كِيفكم ياجَميلات، ياقويات ؟
وش الدنيا بكم يا بَطلات ، يارايقات، يامُبدعات ويا فخورات؟
اتمنى الدنيا حِلوة معاكم ، خَليكم حلوات مَعاها وحـ تحلو بعيونكم ..
كَيف نكون حلوات مَع الدنيا ؟
الجَواب سهل : بشكر الله وحَمده ، شُكر الله مُهم اكثر من الالحاح بالدعاء لطلبه .. تَدرون؟
بشُكر الله سُبحانه ، تستفيدين نفسياً ومعنوياً اثناء نُطقك لنعمه .. تتذكرين نعمة الصحه والامن .. نِعمة الاكل ، والقُدرة على النوم .. وغيره من امور َعظيمه مايقدرها الا الذَكي ..بعد ذِكرها راح تحسين بقيمتها اكثر وتستغلينها لإِسعاد نَفسك وتَطوير حَالك لتقوية نَفسك اكثر واكثر ( كُل شي بيدك لكن الاراده والقَناعة يبيلهم وحده ذَكية)
نجي لموضوعنا ..
الحَياة عِبارة عن شُروط ، قَوانين حتى نعرف كيف نَتصرف وكيف نتعامل والاهم .. كيف ندافع عن نَفسنا ونلاقي مَصلحتنا بكل شي .
من الأمور المُهمة الي لابد نَاخذها بجدية هو ( وين وكيف ننفق مالنا؟)
إنفاق الَمال امر يَبيله ذَكاء ويابخت المُدبره الذكيه والاقتصادية الواعية بخبرَتها بالانفاق ..
الامر يبيله شُوية ذكاء وشُوية وعي واطلاع ..
انفاق المُال يلعب دَور كَبير بالنفسيات ، بحَال اسرة بكاملها ..
انا اعطي المَسؤوليه للأب والأم بشكل اسَاسي .. لانهم قادرين يفهمون ويعلِمون اطفالهم كَيفية الانفاق وشُروطة ..
مِن العناصر الي تُؤثر بالانفاق هو وَعي الأم بشكل اسَاسي بالنسبة لإطعام افراد اسرتها .. فَهل تعرف توفر او تطلب العناصر المهمه للغذاء ؟
هل هي قادرة على مَنع اطفالها من الضَياع بعَالم الشُوكولاته والغَازيات والاكلات السريعه و عَالم التَسوس والسُمنة !
اذا قدرت فَهي وفرت مَبالغ كبيرة من المال، واذا ماقدرت فهي انفقت الكثير + شوهت اسنان عيالها وسمنتهم + اثبتت انها فاشلة بإدارة المنزل .. وهكذا هو انشَاء وتهيء افراد الأُسرة على الذَكاء والجري وراء المصَالح الجَيدة لكل فَرد فيها.( هذا مِثال بَسيط لكن دور الأم والأب وقُوة تَحكمهم بإدارة بيتهم عَظيمة جداً من هالمُنطلق)
الوَالد دائماً يَقول ( الأم هي دِكتورة لزوجها واطفالها مِن ناحية الصِحة ، لانها مَسؤوله عن اطباقهم ، وهي اكبر عامل يتحكم بالاقتصاد بالبيت لانها تقعد مع عِيالها اكثر من ابوهم وقَادره على تَثبيت مَعلومات ومَمشى خَاص للأطفال بما يَخص الشراء والتصرف تجاه مُغريات الحَياة اليومية)
دائما احِب اطبخ طَبخات بَسيطه من المقادير الموجُودة بالبيت ، لكن اساساً ،احرص ان الامور الموجودة بالبَيت يكون اغلبها صِحي .. وبعضكم شَاف كذا طَبق لي بإنستقرام بَسيط لزيز وله فَايده .. مااحب التَكلف وقت الجُوع .. مع ان مَرات مِزاجي بالطبخ عآلي لدرجة احب اطبخ اكلات ذوات سَاعات طَويلة ومَقادير مُعقده ..
لكن بالنسبة لروتين الحَياة بما يَخص الطعام ، الوحدة تِحرص تأسس اطفالها تَأسيس صح خالي من الزخرفَات المُمله المُسمنه الي مَالها داعي .. نُوتيلا ، شبسات مَالحه ،مَارشميلو وغيرهم...
نقطة اخرى مُهمة وهي ضَبط الشَخصية والرغبات بما يَخص مُتطلبات الحَياة اثناء التَسوق او انفاق المال
بعد هالعُمر ولله الحَمد مااخلي (تَسويق مُميز سَاحر ) يتحكم فيني ( التَسويق المُميز هو طَريقة الاعلان او العَرض ) مااكون شَرهه بالشراء الا بحَالات نادرة ..
طَريقة شِرائي واستقبال المَحل لي يَلعبون لعب بنفسيتي .. من احدى المَرات دَخلت محل براند عَالمي وع اساس اخذ شُوز ببالي ، للأسف لقيت البائعة ِمكشره كنها تِتوحم علي ومِش طايقه اسئلتي فاخترت اني اجننها بالاسئلة ثم اقول غيرت رأيي وشكراً .. << ابي انرفزها .. تِستاهل
مرآت تُوصل فيني اترك طَلبي بالمطاعم وكَثير تصير لي مَع العماله الأسيويه ( ماادري دمي ثقيل عَليهم) .. مااكتم بنفسي ابداً .. فاذا واحد كَشر بوجهي كَنه يتوحم علي اعطيه على رَاسه و زين انجليزيتي تسَاعد اعطي الواحد دَرس بأنه (حَتى يكون مُوظف نَاجح لابد يشد حِيله بتعامله مَع العُملاء، خَاصة من ناحية الاكل بالمطَاعم او الكافيهات) .. ومرات توصل اطلب المانِجر حتى اخرب عَاليها واطيها .. لا تحسبوني مُتوحشه .. ترا كلي على بَعضي صغنونه وصوتي هادي لكن جِديه بشكل انما ايه .. :30:
المَغزى ، دائماً تَذكروا فيه حُقوق عامة بكل مَكان .. طالبوا فيها ، الاسِتماته ع المُنتجات او الاكل مايمنَع الواحد يطَالب بحق الاحِترام بأدب ، مَهما كان ..المطاعم تِدفعنا ثَمن الخِدمه والاجواء الرايقه اثنَاء الاكل .. فإذا نَقضوا احدى هالبُنود، نَبهوهم رُبما تصلحون الحال ويكون الوضع احسن واحسن بَعد التنبيه ..
من احدى التَعويضات البَسيطه اللطيفه الي صَارت لي ، شُكولاته بأغلب انواعها من احدى مَحلات الشُوكولاته الي احبها ..<< اثبات ان استنكار الفَعل قَد يؤدي مَرات لنتائج مُرضية..
بالصَالونات ، طَالبوا بحَقكم مِن ناَحية اتقان الشُغل .. تَسريحه مو الي طلبتيها ! ناقشي وتكلمي واستنكري بأدب .. نَفس الشي للميك اب ..
الصَالونات لي مَواقف عَاد معاهم وانا اصغر ، خَاصة وقت المُناسبات الوَحده تمسك شَعرك وتحلل نَفسيتك وتنقد شَعرك وانه ضَعيف ويبيله ويبيله ، هالشي ينرفزني ! مااحس تقولي لمصلَحتي ! احسها تقوله تبي تفرد عَضلاتها وخِبرتها علي! عاد وَقتها اولى جَامعة كنت وهَرموناتي حَساسه فقلتلها( ماشاء الله عليك نَاقده لاذعه بس حُطي ببالك انك كذا تخلين الزباين يشردون لانك تِنكدين عليهم قبل مُناسبتهم ، وقلت لها ان دائماً المُوظف البروفِيشنال ماينقد كِثير ومُفترض يكون لَطيف حتى يهيء جو رايق للزبون او العَميل حتى يطّمعون بالمزيد من خِبرته وشغله)
بعدها كنها لبست قِناع اخر ، تأدبت وصَارت ايجابية لَطيفة لانها عرفت نُقطه مُهمه ان العُملاء يجونها قبل المناسبات ويبون كلام حُلو عن نَفسهم فليش تِخسف فيهم وتعكر مَزاجهم قبل الذهاب للمُناسبة ؟! ( انتبهوا يا مِيك اب ارتيستس و هّير ستايليستس لهالنقطه )
نَادرا مااقص شعري بصَالون ، لكن اذا رحت اطلب خِدمه مِن وحده مَضمونه بفنها وروحها الحِلوة او الطبيعية ع الاقل ..
مِكياجي اسويه بنفسي لان لحَد الان ماوجدت الي على مَزاجي ، ومااقدر اقول للأسف .. ربما هالشي عَطاني دافع وصَار عندي تكنيكس معينه اتبعها واسَوي مكياج مَرسوم رَسم حَسب المنتجات الي حَبيتها للميك اب او للعِناية قبل وَضع الميك اب .. ووضَعت بعضها لكم بانستِقرام ، وكتبت لي وَحده ماكنت ادري ان هالمنتج يساهم بالميك اب .. قِلت لها مهما كنتي فَنانه بالميك اب لكن ماعِندك بشره ناعمه ، رطبه ، مَلسا، انسيابيه .. عمره المكياج مارح يضبط !!
الي يبط التَسبد ان البعض يفكر ان الفَن بالجَمال يعتمد على مُنتجات غَاليه او مَعروفة .. مثلاً مافيه احسن من فُونديشن شَانيل ، دُيور ! من يقوله ؟!! الميك اب عَالم بحاله ومُمكن اجد ضَالتي ببراند مُتوسط مو بذاك السعر ! طبعاً الامر دقيق ويبيله تَجربه وخبره .. بإذن الله بعرض مُنتجات مُمتازه حسب رأيي بانستقرآم تتفاوت بين Drugstore ****** و الهاي اند ..
ماِننسى التَركيز على اسَاسيات الجَمال بالرياضة + مَاء+ اكل صِحي+ عناية بالبشرة .. مُمكن يخليك فِتنه تتمشى عَلى الارض اذا اجدتي الميك اب ..
ولنأخذ بالحُسبان ان الجَمال نِسبي ..
اذا صَار لكم مُوقف مع اي احد بالمطاعم ، صَالونات، فَنادق او اي مكان حطوا ببالكم .. المُطالبة لابد بأدب ، الاستنكار بأدب .. الدِفاع عن الحُقوق بأدب وحَزم حتى نتجنب فَوضى بالتعامل ..
لابد نتكلم ، نكون صَريحين .. مِش ناقدين صَعبين ومُعقدين ! لا .. لكن صريحين حتى يتحسن الحَال ونلاقي خِدمة وابداع افضل ..
مُو لازم نجد الخِدمة الممتازه بالمطاعم الفخمه او الفنادق المتعُوب عليها او الصَالونات المشهوره فقط ! ( مع العِلم سوء التعامل ممكن يكون بكل مَكان حَسب المزاج ) فالصَراحه والقوة مُهمه واساس حَتى نضمن ان فلوسنا ماراحت مَكان غلط !!
مثلاً انا طَلبت شرِمب ( جَمبري سبايسي) كإحدى المقبلات بالمَطعم الفلاني .. جاني الطلب سُويت ! بصويا صوص مش ولابد ! رجعت للمنيو اتأكد من مُحتويات الطَبق وفعلا ماذكروا ان فيه صُويا صوص !
لما جاني الطلب كُنت مُؤدبه او طَيبه بزيادة ومانقدت ومااكلت الا لقمتين .. وفُوق ذا كله دفعت سِعره ! لكن الشَرهه علي انا الغلطانه مااستنكرت وُجود الصويا .. :09:
هالسَنه وهالشَهر تكرر الامر سُبحان الله بمطعم اخر بطبق اخر ، نَفس الشي جابوه بصويا صوص !
هالمره طَلعت العُقده الي فيني وقلت لا ماطلبته كذا ولا انتم كاتبين مِن مواصفاته انه فيه صويا صوص! :30:، اعتذروا بشِده خاصة انهم تاخروا من الاساس بالطلب .. بعدها ، جَابولي الطَلب الي بغيته بالزبط .. وفوق ذا كله مادفعت حَق الطبقين! ( لانهم حَسوا بالغلط لما تأخروا علي وخلوه بصويا واصلا الصويا غَير مذكوره بالمنيو)
دائماً لابد نَتأكد حَتى تَتضح لنا الصورة تماماً وتتضح لغيرنا لعلها تتضح وينصلح الحَال وتكون جَميع الاطراف راضية.
مُلاحظة : مَواقفي قد تكون جداً بَسيطة لكن المغزى ان القُوة ، الاستنكار ، اعطَاء الرأي بما يَخصكم مهم .
شكرا على موضوعك الرااااائع ياليت ماتتهاونو ف حقوقكم عشان المجتمع يتطور