اكبر جروحي دمعتي @akbr_grohy_dmaaty

عضوة فعالة

دافــور + بــرقع + طــار + ســماعتين = ..........

اهنن ياحلوات::

شفت موضوع لزيز قلت اسدحه هنا

يعني للاامانه منقول لازم سعه الصدر D:

بسم الله الرحمن الرحيم

السلام عليكم :/

حياكم الله جميعا < واقفه تصب القهوه باليمين و تمد بـ اليسار و منار معها صينية حلا ما فيها إلا اربع حبات

ترى أنا عندي مشكله مع المقدمات ما اعرف لها < أحس منضوله عليها

بـ يوم من الأيام تهاوشوا قدامي بنتين و أنا جالسه أفرق بينهم < فيس طايح شماغه و يفح بقوه < على طاري .. ليش دايم الشخص اللي يفرق هو اكثر واحد يتكفخ بـ الهوشه ؟؟ و هو أكثر واحد تتوسخ ملابسه ؟

المهم

عاد انتم تعرفون هوشات البنات :

... : يا تافهه

... : يا حشره

... : يا منافقه

... : يا اللي ما احد يحبك

المهم

بـ وسط الهوشه و الشد و الجذب و التطاول و و التفليق قالت وحده منهم للثانيه : يا < مدري وش كانت تحس به وقتها

ما ادري شلون أوصف لكم حالة البنت الثانيه أول ما سمعت الوصف

معالم وجهها تشوهت < صارت كأنها جريده متغدين عليها عزابيه و قايمين

طبعا ما كان فيه صوت إلا صوتي أنا : ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بس عاد سكتت بعد ما حسيت ان حرة المعياره بـ تجي بـ راسي

الزبده :

خليكم من السالفه ذي كلها و من اللي فاز و من اللي طب و من اللي تهزأ < ماهي بـ أنا

و ركزوا على آخر شي

دايما الطقاقه منبوذه و شغلتها منبوذه و دايما ناخذ عن الطقاقه فكره سيئه و سمعه مشوهه و مع ذلك إستحاله نسوي عرس بـ دون طقاقه و استحاله نحضر عرس ما فيه طقاقه

و أول سؤال نسأله إذا سمعنا عن خبر عرس : من طقاقتهم ؟؟ : )

و تلاحظون إن نجاح العرس و فشله يوقف على الطقاقه ، إذا كانت كويسه و صوتها حلو و طقها زين و سماعاتها صافيات زان العرس و إذا صوتها بايخ و طقها ماش و ما تشيش الناس ، يقعدن الحريم يطلعن بنص المباراه اقصد العرس : )

و تلاحظون معي شي ؟؟ أكثر الطقاقات و أشكالهن غريبه و اللبس أغرب

يعني من جد من جد ( يهولن بـ أعمارهن )

أذكر مره رحنا لـ زواج ، أول ما دخلت الطقاقه قالت امي: يمه < شفتوا كيف سبحان الله ؟؟؟ : )

اللبس ، الشعر ، الحركات ، الصوت ، طريقة المشي ، الشرابات : ) ، الكلام كل هالأشياء تنقلب رجاليه ليش ؟ ما ادري

لا و فوق هذا كله تجي اخلاقها زفت و نفسها على راس خشمها و ابن امه اللي يتكلم عليها و أهل المعرس عاد يقدسونها

مره بـ زواج واحد يقرب لي كنت واقفه أناظر لـ الفرقه < عاد أنا فيني طبع أفهي كثير ( أتنح ، افتح فمي ، أسرح ، أخش جو ... كذا يعني : ))

و كنت قاعده أطالع لـ وحده فيهم و الظاهر اني زودتها ، نسيت نفسي و الله المهم ان البنت كانت حولا : ) < جد و الله

أنا كنت أخز و هي تخز < هي قصدها نزلي عينك

و أنا و الله العظيم ما دريت انها تناظر لي ، يا جماعه حولا و الله ما يبين : )

قالت لي بـ صراخ : فيه شي يا الحلوه ؟؟؟؟؟ < على شان أكون صريحه معكم هي ما قالت ( يا الحلوه ) بـ شكل مباشر بس أنا حسيت انها كانت تقصد كذا : ) ‏< فيس لابس شباصه برتقاليه : )

أنا قعدت أتلفت يمين يسار وراء بـ اشوف من تقصد

قالت : تستهبلين ؟؟؟؟؟

أنا هنا استوعبت انها انا

قلت بـ كل برود : وش تبين ؟

المهم وحده من البنات حست انها بـ تقبس و جت تفرق : )

و تدفني البنت كذا على ورى < زي العيال : )

و انا اسكت و اخليها < ترى ما كنت خايفه ابد ابد بس حشيمتن لـ فرقتها النشميات : )

يعني لا شكل و لا صوت و لا حياء و لا أخلاقن زينه : )

و فوق هذا و ذاك أغنى أغنياء العرب هن الطقاقات لا تقولون لي إن الطقاقات ما معهم فلوس و ضعيفات إذا أقل طقاقه تاخذ 6000 و احسبي كم ليله بـ العطله الصيفيه تنحجز < اهب : )
مع طقاقه

أنا قد قعدت مع طقاقه < عادي ترى : )

تقول لي أنا البارح كنت بـ الجبيل و اليوم بـ الحفر و بكره بـ امشي لـ القصيم !!! < بنت بطوطه ؟ : )

كم تربح ذي بـ الله ؟؟ < احس اني بديت اقتنع بـ الشغله < فيس لابس برقع الصقر : )

طيب خلوا الربح على جنب ، ما عندهم بيوت ؟ أزواج ؟ أهل ؟ أطفال ؟ اخوان ؟ مزارع ؟ < وش دخل ؟ : )

يعني صدق هـ الطقاقات امرهم غريب لا و بعضهن تجي و معها ورع راقد < انا ما ادري هـ الورع طول يومه وش كان يسوي ؟ يعني ما حلا له النوم إلا بـ عرسنا ؟ : )

و تحطه بحضنها و تطق فوق راسه و عاااااااادي عنده بـ العكس تحسينه متلذذ بـ نومته

كله كوم و جملة وين نولي طيب ؟؟ < بـ الله ماره عليكم هـ الجمله و الا بس عندنا ؟؟

و اللي < من زين هـ العوايل عاد : )

لا و من تالي صارن يزعلن إذا قلتي لأنها < فيس نجوى كرم لابسه برقع و حاطه لزقه على شكل دمعه عند عينها : )

لا و الدفايه أو الدافور اللي يجيبونه على شان يحمون الطيران < أنا مره بغيت أحرق عرس بـ سبة دفايتهم : )

كانوا اهل المعرس حاطين شيفونات و زينات و كذا بالقاعه بس اكثر شي كان فوق الطقاقات و كانوا حاطين زي الـ ... وش يسمونه ؟ هذاك الديكور اللي شكله اسطواني يجي بالفلل و البيوت الفخمه عرفتوه ؟ اللي يثبتون الشيفون فيه ثم يمدون الشيفون إلى الاسطوانه الثانيه يكون بالبيوت مصنوع من جبس < عرفتوه ؟ يا ربي < تفرك اصابعها و تتلفت : )

المهم

ان اللي كانوا حاطينه اهل المعرس كان من يعني خفيف حيل ، جيت أنا طبعا واقفه فوق على المنصه و قاعده أنادي وحده برى المنصه < أموت و اعرف وش كنت ابي فيها ‏ < يمكن

كنت ابيها ترقص معي زي رقصة البنت و الشاب بالأفلام الأجنبيه اللي يرقصون على موسيقى هاديه و حزينه حيل ‏ ‏< دايم هالرقصه تدخلني بجو حزين على شان الموسيقى تبكي

المهم الشي الإسطواني ذا كان جنب الطقاقات و موصلين فيه شيفونات توصل لـ السقف < فوق الطقاقات

جيت أنا أنادي البنت ما ردت ما تسمع و أنادي أنادي و يقالي بقرب شوي و فعلا قربت و حطيت يدي على الإسطواني ذا يعني بتراكى و انادي < تعرفون حركات البنات فوق المنصه إلا يعنني دلوعات بـ الغصب : )

أنا تراكيت من هنا و هو طاح من هنا طبعا يوم طاح طاحت الزينه و الشيفونات على روس الطقاقات : )

و أنا ما طحت بس تعثرت < من الخرعه : )

كانت فيه بنيه صغيره جالسه تحتي كذا و كان شعرها طويل ما شا الله و قاسمته ... نص فاكته و النص اللي فوق مسويه فيه تسريحه المهم أنا يوم اختل توازني ما كان قدامي إلا راس البنيه على طول تراكيت عليه بس بـ طيحه < يعني تبين تتراكين بس تتفاجئين انها طيحه .. تصير دايم : )

حتى الظاهر من قو الطيحه تسريحتها طلعت من فمها : )

المهم الطقاقات تفرقعن و حالتهن حاله و الناس صارت تتفرج و اللي جاني يقول صار بك شي و كذا ؟؟ : )

بس اللي لفت انتباهي وسط الزحمه البنيه اللي طحت عليها قامت تصيح و شعرها لـ حاله صار حفله : ) ‏< i am sorry‏ ‏ ... وسط الإزعاج جت امها قالت عمى يعمي هالوجه ليش مخربه شعرك ؟؟ قالت ذي خربته طبعا بـ صياح و بكى < تأشر علي : )

أنا يوم شفت الحرمه ناظرت لي على طول سويت اني فيني تطريش و ابي استفرغ من قو الطيحه : ) < احسن تصريفه لـ أي مشكله : )

بس وقتها أنا كشرت بـ قوه < تعرفون شلون يتغير الوجه إذا صار شي و انحرجتي ؟ يعني ودك تبتسمين كنه عادي عندك بـ نفس الوقت ودك تسكرين فمك كنه ما فيه شي يضحك بـ نفس الوقت خانقتك العبره < آخر شي يطلع الوجه ششي ثاني : )

عاد طراه الدافور : )

اي بـ الله : )

الحين المايك لكم :

ماذا تعني لك الطقاقه ؟ : )

و أنا ما خلصت بـ ارجع بس بعدين < بـ آخذ آرآئكم و اسحب عليكم و اسافر برى ابيعها : )

يلزم عليك تسجيل الدخول أولًا لكتابة تعليق.

تسجيل دخول

OM DORAR • 15 سنة

هههههههههههههههه الله يقلع ابليسك

ماسه لابسه الماسه • 15 سنة

؟؟؟؟؟؟؟؟؟؟؟؟؟؟؟؟؟؟

ياطول الموضوع وكله هرج ماطلعت بفايده ابد

مكسور خاطرها • 15 سنة

هههههههههههههههههههههههههههههههههه
مت ضحك ام تسحبين علينا هذى الحالها حكايه

نجى لطقاقات ..
صرحه وبكل صدق واريحيه >>>>عشان وراء الكيبورد اتفلسف

مالهم داعى ..النفخة الصدر والخلق الضيق
ابي اعرف الحين ماخذين المربوط كامل مكمل ليش تجى زعلانه ونفسها في خشمها . وتحارش ذبان وجهه وعسى احد يقول كلمه تهب في وجهه وتفشل صاحبه الزواج والمعازيم

..ياختى الطقاقه
وسعى صدرك انت جايه لزواج مقبضه مربوط (( اللهم لاحسد))
ورافعه منخارك . اجل وش نقول عن حالنا يا المطافرين

ياختى الطقاقه خليك ذربه لطيف وبلاش عصبيه ترا حنا نجى للزواج نبي نستانس ...موحلبه مصارعه

ونجى للاشكاليه الثانيه

طال عمرك ياا طقاقه هانم
ليه الاسترجال ...(((سؤال صعب اساله لك في الوقع لكن مادامني وراء كيبوردى بتكلم باريحيه)))
عيب عليك هالحركه
اذا الله بلاك بالاسترجال ترا احنا حريم مايجوز تتدخلين علينا

للعلم بش ليس إلا
حكمك حكم الرجال الاجنبي..لايجوز دخولك على النساء

ولانسى بعض الطقاقات ...
ذوق ارسل لهن منه تحيه طيبه واقول لهن ...قواكن الله ..الله الله بالطق الزين

هذا مالدى وشكر للجميع وشكرااا صاحبه الموضوع

اكبر جروحي دمعتي • 15 سنة

OM DORAR شاكره مرورك

*سندس*2008 • 15 سنة

هههههههههههههههههههههه