السلام عليكم ورحمة الله وبركاته
من زمان ما دخلت المنتدى ولا كتبت في هالركن..
اليوم ارجع لكم واذكركم فيني ان بعدكم تذكروني.. واقولكم الحمدلله ابوي تغير على امي واااااااااااايد وحتى علي.. وصار يعاملنا أحسن معامله.. يستشيرنا في كل شي ويكلمنا بكل احترام وان حس بالضيق ينادينا.. والحمدلله وصدق الدعوة واللجؤ الى الله وحده الي بيده كل شي..
وعمركم لا تياسون في الدعوه الصالحه..
اليوم يايه اخبركم بقصة خالي.. طبعا خالي يعيش معانا بالبيت.. ويستلم راتب لانه يساعدنا في توصيل الطلبات وان بغينا شي اييب لنا اياه.. وكل وقته نايم اللهم 3-4 ساعات يكون مشغول ويانا.. والاكل والشرب بلاش وغير المصروف الزياده ان احتاج لشي..
امي قالت لابوي بدل لنجيب ناس غرب وريال غريب يدخل البيت وفيه بنات كبار مب متزوجات.. اخوها قاعد بطالي ومش غريب بنسوي فيه الخير.. ايدها ابوي ووافق على طلبها..
المهم..
خالي زوجته "ما بسبها" بس ادعي لكل الناس ان ما يتلاقون مع ناس مثلها والله يبعدنا واياكم من هالناس..
وحده بس تحب الفلوس.. وعندها كل شي لازم يكون بلاش.. ان عجبها شي تبغيه طيب والا غصب.. وكله تتعامل "بالســــــحر" لدرجة السحر الاسود بعد تتعامل معاه.. علشان توصل لمبتغاها سواء تاذي الغير او لا ما يهمها.. قلبها ملئ بالحقد وغيره.. وشايفه عمرها على الناس لان تشوف نفسها كانها بنت الملك.. عندها تقريبا 6 ابناء 3 منهن بنات.. وما زوجتهم لانها تنتظر ناس ذو منصب وجاه يتقدمون لبناتها..:44:
وهذي ما تحب امي خير شر وتغار منها واااااااااااايد.. لان الحمدلله امي عايشه بخير ونعمه وما عليها اي قصور.. وكله تحش وتتكلم بالسؤ عن امي بين الناس والجيران.. وطلبت من خالي انه يطلب من امي انها تساعد ولدها بالتجاره.. ولكن امي رفضت لانها ما لها ومال التجاره وفوق هذا هي مش مرتاحه لابنها لانه نسخه من امه..
هنا ظهرت المشكله..
لما علمت زوجت خالي بان امي رفضت صارت مثل الوحش.. تتكلم بالسؤ على امي وخربت علاقة بين اخو واخته.. وصار خاالي لا يكلم امي.. اتخيلو حتى كلمت ابنها وابنها اتصل في امي يهددها باشياء غريبه لا معنى لها وحتى امي انصدمت وكان يصارخ عليها ويسبها..!؟ والحمدلله امي ما قصرت سمعته كم من كلمه وصكرت التلفون وقالت له ان اتصلت مره ثانيه بخبر عليك الشرطه.. فالجبان ما اتصل..
ودخلنا الرمضان الي هو شهر التسامح والاخو لا يكلم اخته.. وقبل العيد باسبوع تقريبا.. كان خالي خارج مع ابوي السوق يتشرون للعيد.. فتح خالي موضوع لتخريب علاقة امي وابوي..!؟ وكذب على ابوي بكلام كبير عن امي..
رجع ابوي البيت وكان على اعصابه ودار خلاف بينه وبين امي لدرجه انه اراد الطلاق.. اتخيلو!؟
ولكن الحمدلله ان امي تركته حتى يهدئ.. وفي يوم ثاني ناداني والدي واخبرني بالموضوع.. فشرحت له كل شي.. المشكله والدي لا يتحكم بعصبيته ان اي احد يقول شي على طول يسمع لطرف واحد ويعصب.. الحمدلله انه لما ناداني ليخبرني الموضوع شرحت له الموضوع بهدؤ واخبرته بكل شي باسلوب سياسي حتى لا يكبر الموضوع بين امي وخالي وهو ايضا.. والحمدلله ان عادت المياه لمجاريها ورجع والدي وتصالح مع الوالده.. والحمدلله بالعيد كانو مثل الكناري
وخالي اعصابه تلفانه ومش عاجبنه الموضوع لان امي صارت تطنشه.. وحتى والدي.. يعني وجوده وعدمه واااااااااااااحد.. جايبينه لشغله وخلاص..
وزوجته كثر تعاملها بالسحر.. الله رد الكيد في نحرها وصار لها شي لم تتوقعه.... "ما بتشمت" بس اتمنى انها تاخذه درس..
ونصحت والدتي بان خالي ان جاب اي شي لا تاكله وتتخلص منه لان الله يعلم زوجته من قهرها تلجئ لشي خاطئ..
وهذي هي قصتي.. حبيت اخبركم عنها..
واسالكم هل الدنيا فيها امان دام اخو يخرب بيت اخته..!؟
صرت اشدد على ابنائي انهم يكونو بيد وحده لان عانيت من اخواني وخواتي وشفت عجب العجاب بين اعمامي وخوالي..!؟
يلزم عليك تسجيل الدخول أولًا لكتابة تعليق.
طمشه ونمشه
•
والله ياختى ان الحااال من بعضه الله يعينا بس
ربي يصلح الحال ويهدي النفوس
يمكن خالك تحت تأثير زوجته يعني مسويتله شي دامك تقولين انها تتعامل مع السحر الله يهديها
والدنيا فيها امان الحمد لله بس احيانا شياطين الانس والجن ما يخلون الناس في حالهم
يمكن خالك تحت تأثير زوجته يعني مسويتله شي دامك تقولين انها تتعامل مع السحر الله يهديها
والدنيا فيها امان الحمد لله بس احيانا شياطين الانس والجن ما يخلون الناس في حالهم
لا حول و لاقوه الا بالله
مو بس الاكل خليها تقرأ الاذكار كل يوم
اعرف ناس انسحروا بس بطقه مسمار ع سور بيتهم من برا
الناس انهبلت الكل صار يخون حتى الاهل ماصار بينهم ثقه والفه
وش نسوي هاذي دنيانا :(
مو بس الاكل خليها تقرأ الاذكار كل يوم
اعرف ناس انسحروا بس بطقه مسمار ع سور بيتهم من برا
الناس انهبلت الكل صار يخون حتى الاهل ماصار بينهم ثقه والفه
وش نسوي هاذي دنيانا :(
الصفحة الأخيرة