قبل اتكلم عن الموضوع لاتشوفين الكلام كثير وتتعيجزين تقرينه لا اقريه لانه بيفيدك يااخيتي العزيزه..اعتبريه قصه او سميه الي تسمينه
مادري كيف ابداء كلامي لاكن بقول شي قبل لابدا بالموضوع وبقول كل شي بقلبي واتمنى تفهموني اانا لي يومين وانا افكر بهالموضوع لاكن قررت اني اكتبه
خاصه بعد وفاة الاخت (ياربي وش كثر أعاني) صح اني ماعرفها معرفه شخصيه يمكن اشوف ردودها بس ولا كونت صداقه معها مثل بعض البنات الي هنا
وماودي اصدق انها سبقتنا للدار الاخره والله يابنات ماتصدقون كيف حزنت عليها وتخيلت اني انا مكاننها او بيجي اليوم الي بكون انا وانتم وكل من تواجد على وجه الارض مكانها
وهذا الي بيصير لو طالت اعمارنا مية سنه مصيرنا القبر لاكن مابي اتوقف عند هذي الكلمه وخلاص صح يابنات ان كل وحده فقدت شخص او اشخاص غالين عليهم وانا وحده منكم فقدت الي اغلا من عيوني
الله يرحم امواتنا وامواتكم ويرحم كل مسلم تحت الثراء وفوق الثراء يارب العالمين.. اللهم آآآآمين
ياعسولات احنا ندور بالاقسام من يشجعنا على النحف او ذوق الملابس او المكياج او او ...الخ
هالمره خل نساعد نفسنا ونتعاون على طاعة الرحمن نساعد نفسنا على اهم شي يفيدنا في دنيانا و اخرتنا ولا تقولون او اي وحده تجي وتقول انا مو ناقصني هدايه او اني اتقرب من الرحمن لا بالعكس نطلب الهدايه والقرب من الله اكثر واكثر
والله اني اشوف اشيا يضيق صدري منها يابنات لا على لبس لا على تبرج وغيره لو رحت زواج اشوف لبس يضيق الصدر كانها عند زوجها اذا كذا تلبس عند الناس اجل عند الزوج وش تلبس!!مابه حياء عندهم فسخو الحياء
الله يهديهم ولا بالاسواق والشوارع الي يلبسون عبايات كتف !! بس مو اي عباية كتف المشكله تقولين فستان ياما شفت عبايات تبين الجسم او مزخرفتها بالترتر وغيره ليه كذا طيب؟؟صايره العبايه عندهم عاده مو عباده
لي هالدرجه ماتتحملين شكلها كذا ترا العبايه ستر مو موضه او ياناس شوفوني تراني شخصيه ..انا تعجبني البنت الي من فوقها لتحتها اسود مابه ولا نقطه فص ملون ولا تدرين هي نحيفه او دبدوبه من الحشمه الي تشوفينها
وفي اشيا كثييييره تضيق الصدر لو احكي عنها من اليوم لي بكره ماخلصت
وفكرتي والهدف من الموضوع انه نتعاون على البر والتقوى ولا نتعاون على الاثم والعدوان ..لاتخلونا عبره للناس خلونا نعتبر من غيرنا
واختنا الغاليه ياربي وش كثر أعاني توفت الله يرحمها يارب ويغفر لها وماخذت شي معها من الدنيا الا اعمالها الصالحه
فلنتسارع الى رضى الرحمن وزيادة هذى المخزون الي بينفعك في الحياة الاخرى
ونبغى نتعاون في تذكير بعضنا البعض في الاعمال الصالحه وكل وحده تقول الي تقدر عليه ولا تستنقص اي معلومه عندها ممكن انها تفكر انها ماهي مفيده بس تفيد اخت ثانيه منها وتنفعها
مثلاً تذكر حديث عن افضال الذكر او عن الصلاة واجرها او عن قيام الليل او بعض الاذكار ...الخ الي تحفظ الواحد في الدنيا والاخره
لاتركزون على الاحاديث بس لا حتى الايات او اي معلومه تعرفينها او نصيحه تقدمينها
واذا اعجبتكم الفكره ممكن يكون لو وحده عندها اي استفسار وفي احد يعرف الجواب تجي وترد عليها واجرها عند الله
اتمنى انكم عرفتو فكرتي ياحبوبات ..من جد تراني اترجى خير فيكم
انا عندي حديث عن رسول الله
((كلمتان خفيفتان على السان ثقيلتان بالميزان حبيبتان الى الرحمن سبحان الله وبحمده سبحان الله العظيم))في انتظار ردودكــم,,,
مشكوره اختي فراوله ........وجزاك الله خير ......